செம்மரம் கடத்தல்: 83 தமிழர்களுக்கு சிறை

by **ayyasamy ram** Sun Oct 30, 2016 4:33 am

கடப்பா:
ஆந்திர மாநிலம் கடப்பாவில் செம்மரம் கடத்தியதாக
83 தமிழர்கள் நேற்று கைது செய்யப்பட்டனர். அவர்களை
15 நாட்கள் சிறையில் அடைக்க கடப்பா கோர்ட்
உத்தரவிட்டுள்ளது.

கைதாகும் தமிழர்கள்

ஆந்திராவின் திருப்பதி ேஷசசலம் உள்ளிட்ட வனப்பகுதிகளில்
அதிகளவில் செம்மரம் கடத்தல் நடைபெற்று வருகிறது. செம்மர
கடத்தலில் தமிழக எல்லையில் உள்ள சேலம், வேலுார்,
திருவண்ணாமலை உள்ளிட்ட மாவட்டத்தை சேர்ந்த கூலித்
தொழிலாளர்கள் ஈடுபடுத்தப்படுகின்றனர்.

செம்மர கடத்தலை தடுக்க ஆந்திர போலீசார் தீவிர ரோந்து
பணியில் ஈடுபட்டு வருகின்றனர். வனப்பகுதியில் வனத் துறையினர்
தீவிர கண்காணிப்பில் ஈடுபடுகின்றனர். செம்மர கடத்தலில் தமிழக
கூலித் தொழிலாளர்களும் கைதாவது தொடர் கதையாக உள்ளது.

83 தமிழர்கள் கைது

இந்நிலையில், கடப்பா மாவட்டம் லங்கமலை என்ற இடத்தில்
செம்மரங்களை வெட்டி கடத்தியதாக 83 தமிழர்களை ஆந்திர மாநில
போலீசார் நேற்று கைது செய்தனர். அவர்கள் அனைவரும் கூலித்
தொழிலாளர்கள் என்று கூறப்படுகிறது.

அவர்களிடம் இருந்து 42 செம்மர கட்டைகளும், 4 வாகனங்களும்
பறிமுதல் செய்யப்பட்டதாக போலீஸ் தரப்பில் தெரிவிக்கப்பட்டிருந்தது.

15 நாள் சிறை

கைதான தமிழர்கள் இன்று கோர்ட்டில் ஆஜர்படுத்தப்பட்டனர்.
வழக்கை விசாரித்த நீதிபதி கைது செய்யப்பட்ட 83 தமிழர்களையும்
15 நாள் சிறையில் அடைக்க உத்தரவிட்டார். இதையடுத்து, அவர்கள்
அனைவரும் கடப்பா சிறையில் அடைக்கப்பட்டனர்.
-
----------------------------------------------
தினமலர்

by சிவனாசான் Sun Oct 30, 2016 6:15 am

இவர்களை வைத்து பிழப்பு நடத்தும் புன்னியவானை பிடித்து
பூஜை இட்டால் சரியாய் போய்டும். அவனைக்கண்டு பிடிக்கும் வரை
இவங்களை விடவேக்கூடாதுங்க அப்போதான்இத்தொழிலுக்கு ஓர்
முற்று புள்ளி >>>>எனலாம்.

by பாலாஜி Mon Oct 31, 2016 2:05 pm

செம்மர கடத்தல் விவகாரம் ஒரே மர்மமாகவே உள்ளது .

by GunasekarenS Mon Oct 31, 2016 5:35 pm

பகிர்வுக்கு நன்றி.
செம்மரம் கடத்தல்: 83 தமிழர்களுக்கு சிறை?!?
இவர்கள் 83 பேரும் உண்மையாக செம்மரம் கடத்தல் செய்தவர்களா? இவர்கள் கொத்தடிமைகள் என்று நினைக்கிறேன். இவர்களை வேலைக்கு வைத்தவர்கள் ஏன் இன்னும் பிடிபடவில்லை? பிடிக்க விருப்பம் இல்லையா அல்லது தமிழர்களை வேட்டையாடி பிறகு தான் மற்ற வேலைகளா?
அம்புகள் மட்டும் பிடிபடும், எய்தவன் மட்டும் பிடிக்கமாட்டார்கள்.
கொலை கொலையா (தமிழர்கள்) முந்திரிக்கா, கொள்ளை அடிச்சவன் எங்கிருக்கான்?
கூட்டத்தில் இருப்பான் (ஆந்திரா-வில்) கண்டுபிடி