அருணாசல் செல்கிறார் தலாய் லாமா: சீனாவுக்கு நெருக்கடி?

**ayyasamy ram** · **ayyasamy ram** Fri Oct 28, 2016 7:32 am

-
திபெத் புத்த மதத் தலைவர் தலாய் லாமா அடுத்த
ஆண்டுத் தொடக்கத்தில் அருணாசலப் பிரதேசம் செல்கிறார்.

ஏற்கெனவே, இந்தியாவுக்கான அமெரிக்க தூதர்
ரிச்சர்ட் ராகுல் வர்மா அண்மையில் அருணாசலப்
பிரதேசத்துக்கு சென்றதற்கு சீனா கடும் எதிர்ப்பு
தெரிவித்திருந்தது.

இந்நிலையில், தலாய் லாமா அருணாசலப் பிரதேசம்
செல்வது சீனாவுக்கு நெருக்கடி அளிக்கும் இந்தியாவின்
நடவடிக்கையாகவே கருதப்படுகிறது.

பாகிஸ்தானுக்கு எதிரான இந்தியாவின் நடவடிக்கையிலும்,
அணு விநியோக நாடுகள் கூட்டமைப்பில் இந்தியா
உறுப்பினராகச் சேர்வதில் சீனா தொடர்ந்து முட்டுக்கட்டை
போட்டு வருவது குறிப்பிடத்தக்கது.

அருணாசலப் பிரதேச முதல்வர் பெமா காண்டுவின் அழைப்பை
ஏற்று அடுத்த மாதம் அங்கு செல்லும் தலாய் லாமா, புத்த மத
நிகழ்ச்சியில் பங்கேற்க இருக்கிறார்.

ஏற்கெனவே திபெத்தை தங்கள் நாட்டின் ஒரு மாநிலம் என்று
கூறி கட்டுப்பாட்டில் வைத்துள்ள சீனா, அருணாசலப்
பிரதேசத்தை தெற்கு திபெத் என்று கூறி உரிமை கொண்டாடி
வருகிறது.

திபெத்தை சீனா ஆக்கிரமித்ததை அடுத்து கடந்த 1959-ஆம்
ஆண்டு தலாய் லாமா இந்தியாவுக்கு வந்து விட்டார். இதையடுத்து,
அவரை தங்களிடம் ஒப்படைக்குமாறு இந்தியா மீது அப்போது
போர் தொடுத்து எல்லையில் சில பகுதிகளைக் கைப்பற்றியது.

இப்போது வரை தலாய் லாமாவை தங்களிடம் ஒப்படைக்க
வேண்டுமென்றே சீனா வலியுறுத்தி வருகிறது. இந்நிலையில்,
சீனா சொந்தம் கொண்டாடும் அருணாசலப் பிரதேசத்துக்கு
அவர் செல்வது இந்தியா-சீனா இடையிலான எல்லையில்
மீண்டும் பதற்றத்தை ஏற்படுத்த வாய்ப்புள்ளது.
-
------------------------------------------
தினமலர்

அருணாசல் செல்கிறார் தலாய் லாமா: சீனாவுக்கு நெருக்கடி?

அருணாசல் செல்கிறார் தலாய் லாமா: சீனாவுக்கு நெருக்கடி?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக