நம்மால் ஆவது ஒன்றுமில்லை

by **ayyasamy ram** Wed Oct 26, 2016 7:40 pm

எந்தச் செய்தியையும் அமைதியாகக் கேளுங்கள்;
உடம்பை அலட்டிக் கொள்ளாதீர்கள்.

யாராவது தாறுமாறாக உங்களிடம் பேசிக்
கொண்டிருந்தால், `நீங்கள் சொல்லுவதே சரியாக
இருக்கக்கூடும்’ என்று சொல்லி விடுங்கள்.

உங்களை `முட்டாள்’ என்று திட்டினால்,
`எனக்குக் கூட அந்தச் சந்தேகம் உண்டு!’ என்று
கூறுங்கள்.

உங்கள் மனைவி சண்டை போட்டால்,
`சம்சாரத்தில் இதுதான் முக்கிய கட்டம்’ என்று
கருதுங்கள்.

யாராவது உங்களை அவமானப்படுத்தினால்,
ஒரு அனுபவம் சேகரிக்கப்பட்டு விட்டதென்று
கருதுங்கள்.

வருகின்ற துன்பங்கள் எல்லாம் ஒன்று, இரண்டு,
மூன்று என்று அனுபவமாகச் சேகரித்துக்
கொள்ளுங்கள்.
–
புதுப்புது அனுபவமாகச் சேகரியுங்கள்;
ஒரே அனுபவத்திற்கு இரண்டு மூன்று பதிப்புகள்
போடாதீர்கள்.

`நம்மால் ஆவது ஒன்றுமில்லை’ என்ற நினைப்பு,
`நமக்கு வந்தது துன்பமில்லை’ என்று நினைக்க
வைத்துச் சாந்தியைத் தரும்.

`நாட்டையே கட்டி ஆண்டவர்கள் எல்லாம் கூட
கோர்ட்டை மிதிக்கும்படி விதி வைக்கிறதே!’
–
——————————————–
நன்றி- முக நூல்

by Ramalingam K Fri Oct 28, 2016 5:55 am

by சிவனாசான் Sat Oct 29, 2016 3:31 pm

அளவிற்கு மீறிய ஆசையே எல்லாவற்றிற்கும் ஆணிவேர் அய்யா. நம்மால் ஆவது ஒன்றுமில்லை என
எங்கே நினைக்கிறான் அதுதான் இல்லையே>>>>>>>>>>>>>>>>>>>>>>.

by **T.N.Balasubramanian** Sat Oct 29, 2016 7:52 pm

ஆம் நாம் வயது வித்தியாசமில்லாமல்
தினம் தினம் புது புது விஷயங்கள் கற்றுக்கொண்டு இருக்கிறோம் .
சில கசப்பானவை .
சில இனிமையானவை .
தரம் பிரித்து ,தவிர்க்கவேண்டியவற்றை தவிர்த்து ,மறக்கவேண்டியவற்றை மறந்து ,
முன்னேறும் வழிகளை பார்க்கவேண்டும் .
ரமணியன்

by Ramalingam K Sat Oct 29, 2016 8:47 pm

நனது பணிகள் அனைத்தும் நிஷ்காமிய கர்மாவானால், விளைவு நமக்குள் எவ்வித மாற்ரத்தையும் ஏற்படுத்த மாட்டா.

by **T.N.Balasubramanian** Sun Oct 30, 2016 8:58 am

Ramalingam K wrote:நனது பணிகள் அனைத்தும் நிஷ்காமிய கர்மாவானால், விளைவு நமக்குள் எவ்வித மாற்ரத்தையும் ஏற்படுத்த மாட்டா.

மேற்கோள் செய்த பதிவு: 1225713

நிஷ்காமிய கர்மா ....யாவரும் அறிந்துகொள்ளும்படியாக, சிறு பதிவு போடலாமே !

ரமணியன்

by Ramalingam K Fri Nov 11, 2016 10:56 pm

காமம் என்பது ஆசை.

காமியம் என்பது ஆசையின் விளைவாய் வரும் பயன்.

எந்த ஒரு செயலையும் அதன் விளைவு இவ்வாறுதான் இருக்கவேண்டும் என்ற எதிர்பார்ப்புடனும் ஆசையுடனும் செய்தால் அது காமிய கர்மம்.

செயலைச் செய்வது என்பது என் கடமை. செயலின் பலன் அவரவர் விதிவசம் என்று இருத்தல் நிஷ்காமிய கர்மம் . அதாவது நி: + காமியம் = நிஷ்காமியம்.

நிஷ்காமிய கர்மத்தால் இன்பம் விழையப்படுவதும் இல்லை - துன்பம் துயரப்படுத்துவதும் இல்லை.

என் கடன் பணி செய்து கிடப்பதே - நிஷ்காமிய கர்மம் ஐயா.

by Sponsored content

நம்மால் ஆவது ஒன்றுமில்லை

நம்மால் ஆவது ஒன்றுமில்லை

Re: நம்மால் ஆவது ஒன்றுமில்லை

Re: நம்மால் ஆவது ஒன்றுமில்லை

Re: நம்மால் ஆவது ஒன்றுமில்லை

Re: நம்மால் ஆவது ஒன்றுமில்லை

Re: நம்மால் ஆவது ஒன்றுமில்லை

Re: நம்மால் ஆவது ஒன்றுமில்லை

Re: நம்மால் ஆவது ஒன்றுமில்லை