சஞ்சீவினி மூலிகை நிஜமா? இல்லையா? இதோ இன்னொரு சாட்சி!

-
இன்று வரை ஹனுமன் தேடிக் கொண்டுவந்த
சஞ்சீவினி மூலிகை பற்றி பல்வேறு சர்ச்சைகள்
உலவினாலும், இந்தியாவில் ஹனுமனுக்கும்,
சஞ்சீவினி மூலிகைக்குமான மவுசு மட்டும்
எப்போதுமே குறைந்தபாடில்லை.
-
ஓரிரு மாதங்களுக்கு முன்புகூட உத்தரகாண்ட் உள்துறை
அமைச்சர், ஹனுமன் தேடிய சஞ்சீவினி மூலிகையை
இப்போது இமயமலைச் சாரலில் தேடிக் கண்டுபிடிப்பதற்காக
அரசு சார்பில் ரூ.25 கோடி ஒதுக்கியுள்ளதாக அறிவித்து
அன்றைய பரபரப்புச் செய்தியாக்கினார்.
-
நிஜமாகவே சஞ்சீவினி மூலிகை என்ற ஒரு விசயம் இந்த
உலகில் இருந்ததா? எத்தனை முயற்சி செய்தாலும் இனிமேல்
அதைக் கண்டுபிடிக்க முடியுமா? என்பதெல்லாம் ஒருபக்கம்
இருக்கட்டும், ஆனால் இந்தியர்களிடையே ஹனுமன் என்ற
பெயரும் அவரது தேடுதலான சஞ்சீவினி மூலிகையும் ஆழ்
மனதில் ஊறிப்போன நம்பிக்கைகளாகிவிட்டன என்பதை
மறுக்க முடியாது.
-
இதோ சிக்கிம் மாநிலத்தின் கேங்டாக்கில் இருக்கும் இந்த
ஹனுமன் ஆலயம் அதற்கு மற்றுமோர் அத்தாட்சி. உலகின்
மூன்றாவது மிகப்பெரிய சிகரமான ‘கஞ்சன்ஜங்காவை’
இந்தக் கோயிலின் முகப்பில் நின்றுகொண்டு பார்த்து ரசிப்பது
தெவிட்டாத காட்சி இன்பம்.
-
------------------------------

-
முன்பெல்லாம் சீஸன் நாட்களில் மட்டும்தான்
இக்கோயிலில் மக்கள் நடமாட்டத்தைப் பார்க்க
முடியும்.
-
இப்போது அப்படியல்ல, சாதாரண நாட்களிலும் மக்கள்
தரிசனத்துக்காக வந்து இமயத்தின் அழகை ரசித்துச்
செல்கிறார்கள். இந்தக் கோயிலில் இருந்து பார்க்கும்
போது இமயமலைச்சாரலின் எழில் 360 டிகிரி வியூவில்
வெள்ளிப்பாலங்களாக அப்படியே நெஞ்சை அள்ளிக்
கொள்கிறது.
-
மேக மூட்டம் இல்லாத நாட்களில் தொலைவிலிருக்கும்
கஞ்சன்ஜங்கா கண்ணாடித் தெளிவில் கையெட்டும்
தொலைவில் கண்ணுக்கு விருந்தாகும். இங்கு வருகை
தரும் பக்தர்களில் பெரும்பாலோனோர் டூரிஸ்டுகள்
என்பதால் மலையழகை ரசிப்பதோடு ஹனுமனையும்
தரிசித்து விட்டுச் செல்வது வழக்கம்.
-
மத நல்லிணக்கம்:
-
தரையிலிருந்து சுமார் 7,200 அடி உயரத்தில் அமைந்திருக்கும்
இந்தக் கோயில் இந்திய ராணுவத்தால் நிர்வகிக்கப்படுவதால்
ராணுவ வீரர்களே பூசாரிகளாகவும் மாறி விடுகிறார்கள்.
-
மத வேறுபாடுகளே இல்லாமல் கிறிஸ்துவர், முஸ்லீம் என யார்
வேண்டுமானாலும் இங்கு பூசாரிகளாகிப் பூஜை செய்யலாம்.
அதே போல அனைத்து மதங்களைச் சார்ந்தவர்களுக்கும்
இங்கு பிரார்த்தனை செய்ய அனுமதி உண்டு.
-
இப்போது இந்தக் கோயிலின் பூசாரியாகச் செயல்படுவது
சஜின் குமார் எனும் கிறிஸ்துவர். இவருக்கு முன் முஸ்லிம்
ஒருவர் பூசாரியாக இருந்தாராம். பூசாரி என்றதும் வழக்கமான
காவி வேஷ்டி பூசாரிகளைக் கற்பனை செய்து விடாதீர்கள்.
-
இங்கு ராணுவப் பூசாரிகள் ராணுவ உடையில் ஹனுமனுக்குப்
பூஜை செய்து பக்தர்களுக்கு சிந்தூரம், துளசி தீர்த்தம்,
ஹனுமனுக்கு உகந்த செந்நிற பூக்கள் எனப் பிரசாதமும்
வழங்குகின்றனர்.
-
இந்தியாவில், குறிப்பாக எல்லைப்பகுதிகளில் மக்களிடையே
மதநல்லிணக்கம் நிலவுவதை விவரிக்க இதை விடச் சிறந்த
உதாரணம் தேவையில்லை.
-
----------------------

சிக்கிம் சென்று வரவேண்டிய மாநிலம் .

ரமணியன்

ayyasamy ram wrote:
-
நிஜமாகவே சஞ்சீவினி மூலிகை என்ற ஒரு விசயம் இந்த
உலகில் இருந்ததா? எத்தனை முயற்சி செய்தாலும் இனிமேல்
அதைக் கண்டுபிடிக்க முடியுமா? என்பதெல்லாம் ஒருபக்கம்
இருக்கட்டும்,
------------------------------

மேற்கோள் செய்த பதிவு: 1225581

ஏதோ வான்மீகி எழுதிய அநேக கற்பனையில் இந்த சஞ்சீவினியும் ஒன்றாகத்தான் இருக்க முடியும். அப்படியே அது இருப்பது உண்மையாகவே இருப்பினும் இன்றைய சூழலில் உலகிற்கு அது வேண்டாம்.

அப்படி ஒன்று இருந்தால், இந்த உலக வாழ்வு பெரும்பாலவர்க்கு நரகத்தைவிடவும் கொடுமையானதாக அமைந்து விடும்.

வேண்டாம் அந்த கற்பனைத் தாவரம் - கற்பனையிலும்.- கனவிலும் கூட.

பிறப்பும் இறப்பும் இயற்கை அளித்த கொடை.