இந்து கோவிலுக்கு சென்று தீபாவளி கொண்டாடும் டிரம்ப் மகள்

**ayyasamy ram** · **ayyasamy ram** Sun Oct 23, 2016 6:53 pm

வாஷிங்டன்:

இந்துக்களின் முக்கிய பண்டிகையான தீபாவளி
பண்டிகை நெருங்கி வரும் நிலையில், இந்தியா
மட்டுமின்றி வெளிநாடுகளில் உள்ள இந்துக்களும்
பண்டிகையை கொண்டாட தயாராகி வருகின்றனர்.

ஒவ்வொரு நாட்டிலும் வசிக்கும் இந்தியர்கள்
அந்தந்த நாடுகளில் உள்ள மக்களுடன் இணைந்து
உற்சாகமாக இப்பண்டிகையை கொண்டாடுகின்றனர்.

வெளிநாடுகளில் உள்ள முக்கிய பிரமுகர்களும்
இப்பண்டிகையில் கலந்துகொண்டு சிறப்பிக்கின்றனர்.

அவ்வகையில், அமெரிக்காவின் அதிபர் வேட்பாளர்
டொனால்டு டிரம்ப்பின் மகள் இவாங்கா டிரம்ப்,
விர்ஜினியா மாநிலத்தில் உள்ள இந்துக் கோவிலில்
தீபாவளி கொண்டாட உள்ளார்.

அவர் சான்டில்லியில் உள்ள ராஜ்தானி கோவிலுக்கு
புதன்கிழமை செல்லும்போது, அங்குள்ள இந்திய-
அமெரிக்க சமூக உறுப்பினர்களுடன் இணைந்து தீபாவளி
கொண்டாட உள்ளதாக அவரது பிரச்சாரக்குழு
அதிகாரிகள் தெரிவித்தனர்.

அமெரிக்காவில் அதிபர் வேட்பாளர்களில் முன்னிலையில்
உள்ள வேட்பாளரின் குடும்பத்தினர் இந்து கோவிலுக்கு
செல்வது இதுவே முதல் முறையாகும்.

கடந்த வாரம் குடியரசு இந்து கவுன்சில் சார்பில் காஷ்மீரி
பண்டிட்டுகள் மற்றும் வங்காளதேசத்தில் தீவிரவாதத்தால்
பாதிக்கப்பட்டவர்களுக்கு நிதி திரட்டும் நிகழ்ச்சியில்
டிரம்ப் கலந்துகொண்டார்.

இந்திய-அமெரிக்க நிகழ்ச்சியில் அதிபர் வேட்பாளர்
கலந்துகொண்டதும் இதுவே முதல் முறை என்பது
குறிப்பிடத்தக்கது.
-
-----------------------------------
மாலைமலர்

Guest · Guest Sun Oct 23, 2016 7:47 pm

இது ஒரு அரசியல். சில நாட்களுக்கு முன்னர் ட்ரம்ப், இந்தியா மற்றும் ஆசிய நாடுகளில் இருந்து வேலை செய்பவர்களை குறைக்க வேண்டும் அல்லது நிறுத்த வேண்டும் என்று பேசினார்.
இதை சிலர் இந்தியர்களுக்கு எதிரான செயல்பாடு என தவறாக புரிந்து கொண்டனர். அந்த கறையை போக்கவே அவர் கோயில் நிகழ்ச்சியில் கலந்து கொண்டார்.

இப்படிப் பேசுவதும் மறுப்பதும் அரசியலில் சகசம் தானே. தேர்தலில் வேற்றி பெற எதையும் பேசுவார்கள்,செய்வார்கள். அப்புறம் நான் சொல்லல,தவறாகப் புரிந்து கொண்டார்கள் என மறுப்பது இங்கு மட்டுமல்ல,தமிழ் நாட்டிலும் காணக் கூடியதுதான்.

**T.N.Balasubramanian** · **T.N.Balasubramanian** Sun Oct 23, 2016 9:23 pm

தமிழ்நாட்டு கலாச்சாரம் அங்கேயும் பரவிவிட்டது .
சாமி இல்லை கடவுள் இல்லை கடவுளை தொழுபவன் காட்டுமிராண்டி என்றெல்லாம் கூறிவிட்டு ,
வோட்டு பெறுவதற்காக ,ஹிந்து மதத்தை மட்டும் தவிர்த்து , பிற மத பண்டிகைகளில் பங்கு பெறுவதும்
வாழ்த்துக்கள் கூறுவதும் , திராவிட கட்சியின் செயல்பாடு . அதைத்தான் ட்ரம்ப் பின்பற்றுகிறார் .
ட்ரம்ப் கார்டு ஏதாவது சரியான சமயத்தில் ட்ரம்ப் உபயோகப்படுத்தாவிடில் , இவர் ஜெயிப்பு கேள்விக்குறி என்று அறிகிறேன் .

ரமணியன்

Sponsored content · Sponsored content

இந்து கோவிலுக்கு சென்று தீபாவளி கொண்டாடும் டிரம்ப் மகள்

இந்து கோவிலுக்கு சென்று தீபாவளி கொண்டாடும் டிரம்ப் மகள்

Re: இந்து கோவிலுக்கு சென்று தீபாவளி கொண்டாடும் டிரம்ப் மகள்

Re: இந்து கோவிலுக்கு சென்று தீபாவளி கொண்டாடும் டிரம்ப் மகள்

Re: இந்து கோவிலுக்கு சென்று தீபாவளி கொண்டாடும் டிரம்ப் மகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக