இந்த நாள் இனிய நாள், -இன்றைய ஆன்மிகம்

**ayyasamy ram** · **ayyasamy ram** Fri Oct 21, 2016 10:59 am

ஒரு சமயம் அர்ஜுனனும்,கிருஷ்ணரும் பூங்கா ஒன்றில்
உலவிக் கொண்டிருந்தார்கள்.
அப்போது வானத்தில் ஒரு பறவை பறந்து கொண்டிருந்தது.

கிருஷ்ணர் அதைப் பார்த்தார்.அதை அர்ஜுனனுக்கும்
காட்டினார்.

“அர்ஜுனா,அது புறா தானே.?” என்று கேட்டார் கிருஷ்ணர

” ஆமாம் கிருஷ்ணா,அது புறா தான்.!” என்றான் அர்ஜுனன்.
சில விநாடிகளுக்குப் பிறகு,
“பார்த்தா, எனக்கென்னவோ
அந்தப் பறவை பருந்தைப் போல் தெரிகிறது.!” என்றார்
கிருஷ்ணர்.

அடுத்த விநாடியே,”ஆமாம்…..ஆமாம் …அது பருந்து தான்.!”

என்று சொன்னான் அர்ஜுனன்.
மேலும் சில விநாடிகள் கழித்து
“அந்தப் பறவையை உற்றுப்
பார்த்தால்,அது கிளியாக இருக்கலாம் என்று தோன்றுகிறது.!
என்று, கிருஷ்ணர் சொல்ல,

கொஞ்சமும் தாமதிக்காமல்
,” தாங்கள் சொல்வது சரிதான்…அது கிளி தான் .!” என
பதிலளித்தான் அர்ஜுனன்.

இன்னும் கொஞ்சம் நேரமானதும்,
“அர்ஜுனா,
முதலில் சொன்னது எல்லாம் தவறு.இப்போது தான்
தெளிவாகத் தெரிகிறது.

அது ஒரு காகம்.!”
கள்ளச் சிரிப்புடன் கூறினார் கிருஷ்ணர்.

“நிஜம் தான் கிருஷ்ணா…அது
காகமே தான்…சந்தேகமே
இல்லை.!”
பதிலளித்தான் அர்ஜுனன்.

” என்ன நீ ,நான்
சொல்வதை எல்லாம் அப்படியே ஏற்றுக் கொள்கிறாயே.!
உனக்கென்று எதுவும் யோசிக்கத்
தெரியாதா.?”

கிருஷ்ணர் கொஞ்சம் கோபம் கொண்டவர் போல் கேட்டார்.
“கிருஷ்ணா, என் கண்ணை விடவும்,அறிவை விடவும் எனக்கு
உன் மேல் மிகுந்த நம்பிக்கை இருக்கிறது.நீ ஒன்றைச்
சொன்னால் ,
அது பருந்தோ,காகமோ,
புறாவோ எதுவானாலும் அதை
அதுவாகவே மாற்றும் ஆற்றல் உன்னிடம் இருக்கிறது.
அதனால் நீ என்ன சொல்கிறாயோ,அப்படித் தானே அது இருக்க
முடியும்.

தெய்வத்தின் வாக்கினை விட வேறு எதன் மேல் நான் நம்பிக்கை
வைக்க முடியும்.?” அமைதியாகச் சொன்னான் ,அர்ஜுனன்.

Ramalingam K · Ramalingam K Fri Oct 21, 2016 11:40 am

இதுதான் முழு சரணாகதி.

குருவின் முடிவிற்கு மேல் பிறிதொன்று இல்லவே இல்லை.

அதனால்தான் பாண்டவர் என்றால் உடனே நினைவிற்கு வருவது அர்ஜுனன்.

**T.N.Balasubramanian** · **T.N.Balasubramanian** Sat Oct 22, 2016 9:11 am

உண்மைதான் .
பகிர்ந்தவருக்கும், பின்னூட்டம் இட்டவருக்கும்

நன்றி.

ரமணியன்

சிவனாசான் · சிவனாசான் Sat Oct 22, 2016 10:43 am

நல்ல பதிவு அன்பரே>

Ramalingam K · Ramalingam K Sat Oct 22, 2016 10:59 am

ஆம் ஐயா.

அர்ஜுனன் தன்னை பிறிதொருவரிடம் அறிமுகப்படுத்திக் கொள்ளும்போதும் துரோண சீடன் அர்ஜுனன் என்பான். அது வித்யா குருமேல் உள்ள பக்தி -ப்ரேமை.

ஞானகுருவாகும் பரமாத்வின் பேச்சுக்கு அவனால் எப்படி மறு மொழி பேச நினைவு வரும்.

அர்ஜுனன் ஒரு அற்புத சீடன்- அதனால்தான் அவனுக்குச் சென்றவிடமெல்லாம் சிறப்பு.
ஊர்வசியின் சாபம் கூட அந்த அற்புத சீடனுக்கு வரமானது அவனது குருபக்தியால்தானே.

Sponsored content · Sponsored content

இந்த நாள் இனிய நாள், -இன்றைய ஆன்மிகம்

இந்த நாள் இனிய நாள், -இன்றைய ஆன்மிகம்

Re: இந்த நாள் இனிய நாள், -இன்றைய ஆன்மிகம்

Re: இந்த நாள் இனிய நாள், -இன்றைய ஆன்மிகம்

Re: இந்த நாள் இனிய நாள், -இன்றைய ஆன்மிகம்

Re: இந்த நாள் இனிய நாள், -இன்றைய ஆன்மிகம்

Re: இந்த நாள் இனிய நாள், -இன்றைய ஆன்மிகம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக