வயிறு என்ன, குப்பைத் தொட்டியா?

தாமு · தாமு Tue Oct 13, 2009 6:19 am

“எல்லாம் இந்த அரை சாண வயித்துக்குதான்!’ – நாம் எல்லோரும் ஏதாவது

ஒரு தருணத்தில் இந்த வார்த்தையை நிச்சயம் பயன்படுத்தி இருப்போம்.

இந்த வாரம் “நம் உடம்பின் மத்தியப் பிரதேசம்’…. அதாங்க வயிறு பற்றிப்

பேசுகிறார் குரோம்பேட்டை “சென்னை – கிருஷ்ணா மருத்துவ மனை’யைச சேர்ந்த டாக்டர் எஸ். வெங்கட்ராமன்.

* நாம் உண்ணும் உணவை சேகரித்து, அதை அரைக்கும் ஒர் உறுப்பு இரைப்பை.

அதுதான் வயிறு எனப்படும் ஸ்டமக். இது உணவுக் குழாயின் தொடர்ச்சியாக சிறு குடலுக்கு முன்பு இருக்கிறது.

* உணவைச் சேகரிப்பது, அதை வயிற்றில் சுரக்கும் அமிலத்துடன் சேர்த்து அரைப்பது,

அரைத்த உணவை சிறுகுடலுக்குள் கொண்டு சேர்ப்பது.. இவைதான் சாப்பிட்டதில் இருந்து 4 முதல் 6 மணி நேரம் வரைக்குமான வயிற்றின் வேலைகளாகும்.

* அதிக அமில சுரப்பு, மேலோட்டமான குடல் அரிப்பு, அமில ஏற்றம் அல்லது குடல் ஏற்றம்,

கிருமி தாக்கம், இரைப்பை சாதாரணக்கட்டி, இரைப்பை கேன்சர் போன்றவை வயிற்றுக்கு வரும் கோளாறுகள் ஆகும்.

* வயிற்று வியாதிகள் வராமல் இருக்க என்ன செய்ய வேண்டும்?

ஒரு நாளைக்கு நான்கு முறை என உணவு வேளைகளை நான்காகப் பிரித்துக்கொண்டு,

ஒவ்வொரு வேளையும் அரை வயிறே உண்ண வேண்டும்.

புகை, மதுப்பழக்கம் வயிற்றுக்கும் எதிரி. எண்ணெய் , மசாலா, தக்காளி, வெங்காயம்,

எலுமிச்சை, ஆரஞ்சு, காபி, டீ, ஆகியவற்றை சாப்பிடலாம்.. கட்டுப்பாடுடன்!

* அஜீரணக்கோளாறு, அடிக்கடி ஏப்பம், வயிறு வீங்குதல், வயிற்று வலி, பசி இல்லாமை,

சில சமயம் ரத்தம் கலந்த வாந்தி, மலம் கறுப்பாக வெளியேறுதல்… இதெல்லாம்

வயிற்று உபாதையின் அறிகுறிகள். இவற்றில் ஒன்றிரண்டு தெரிந்தால்,

ஆரம்பித்திலேயே மருத்துவரை பாருங்கள்.

* ஜீரணத்துக்கு அமிலச் சுரப்பு அவசியம். அதுதான் உணவை நன்றாக அரைத்து

ஜீரணிக்க உதவுகிறது. ஆனால், அமிலச் சுரப்பு அளவுக்கு அதிகமாக இருந்தால்,

அது நோய்க்கான அறிகுறி. உஷார்!

* தொந்தி முந்தி வரும்போதே எச்சரிக்கையாகுங்கள். உடற்பயிற்சியின்மை.

எப்போதும் உட்கார்ந்த நிலையில் வேலை பார்த்தல், கொழுப்பு அதிகம் உள்ள

உணவுகளை வெளுத்துக்கட்டுவது, மதுப்பழக்கம், ஹார்மோன் குறைபாடு,

பரம்பரை இவை எல்லாமும்தான் தொப்பையை வளர்க்கும்.

* உடல் எடையைக் குறைக்க இன்று நவீன சிகிச்சைகள் வந்துள்ளன.

இதற்கு Endoscopic allergan baloon என்று பெயர்.

அறுவை சிகிச்சை செய்யாமல் எண்டோஸ்கோப்பி வழியே பலூனை இரைப்பையில்

வைத்து உடல் பருமனைக் குறைப்பார்கள். லேப்ராஸ்கோப்பி மூலம்

இரைப்பையின் அளவைக் குறைத்து, உடல் எடையைக் குறைப்பது இன்னொரு வகை.

* தீவிர குடலேற்றம், அளவுக்கு அதிகமாக அமிலச்சுரப்பு போன்றவைக்கும்

லேப்ராஸ்கோப் மூலம் சிகிச்சை செய்யலாம். ஆறாத குடல் புண்களையும்

இன்றைய நவீன சிகிச்சை மூலம் குணப்படுத்திவிடலாம்.

குடல் புண்ணால் ஏற்பட்ட அடைப்பு, ஆரம்ப கட்ட இரைப்பை புற்று நோய்

போன்றவற்றுக்கும் சிகிச்சை உண்டு!

* உங்கள் வயிறு உங்களுடன் ஒத்துழைக்க வேண்டுமா?

தேவையான அளவு தண்ணீர், மிதமான காரம், எல்லை தாண்டாத உணவு… இவை போதும்!

நன்றி; விகடன்

அபிராமிவேலூ · அபிராமிவேலூ Tue Oct 13, 2009 11:45 am

தாமு · தாமு Tue Oct 13, 2009 1:00 pm

செரின் · செரின் Tue Oct 13, 2009 1:04 pm

mdkhan · mdkhan Tue Oct 13, 2009 1:07 pm

தகவலுக்கு நன்றி தாமு.

தாமு · தாமு Wed Oct 14, 2009 2:41 pm

mdkhan & to all வயிறு என்ன, குப்பைத் தொட்டியா? 678642

**Manik** · **Manik** Wed Oct 14, 2009 3:50 pm

இன்னைக்கு இருக்குற அவசர உலகத்துல உணவு மிகவும் முக்கியமான ஒன்று நண்பரே அதைப்பற்றி மிகத் தெளிவாக விளக்கியிருக்கிறீர்கள் இது ஈகரை நண்பர்களுக்கு மிகவும் உதவும்

வாழ்த்துக்கள் நண்பரே