அறம் செய விரும்பு .

by **M.Jagadeesan** Sun Oct 16, 2016 9:26 am

அறம் செய விரும்பு

' அறம் செய் ' என்று சொல்லாமல் ' விரும்பு ' என்று ஏன் சொல்லவேண்டும் . குழந்தைகளிடம் அறம் செய்வதற்குத் தேவையான பொருள்வசதி இருக்காது . தாய்தந்தையர் அன்றாடம் கொடுக்கும் சிறுதொகை தின்பண்டங்கள் வாங்கிச் சாப்பிடவே போதுமானதாக இருக்கும் . ஆகவேதான் ' அறச்செயல்களைச் செய்ய விரும்பு ' என்றாள் ஒளவை .

நம் வீட்டுக் குழந்தை தின்பண்டங்கள் சாப்பிடும்போது , பக்கத்து வீட்டுக் குழந்தை அருகில் இருந்தால் , பகிர்ந்துண்ணும் பழக்கத்தைத் தாயானவள் கற்றுக் கொடுக்கவேண்டும் . முதலில் குழந்தை மறுக்கும் .
' மற்றவர்கள் பசித்திருக்க நீ மட்டும் புசித்தால் உன் வயிறு வலிக்கும் ' என்று பொய் சொல்லியாவது ஈகைப் பண்பை குழந்தைகளிடம் வளர்த்தல் தாயின் கடமையாகும் .

" Charity begins at home " என்பது ஆங்கிலப் பழமொழி . ' வீட்டிலிருந்தே அறச்செயல்கள் தொடங்குகின்றன ' என்பது இந்த பழமொழியின் கருத்தாகும் .

முல்லைக்கொடிக்குத் தேர் கொடுத்த பாரியின் ஈகைப்பண்பு ஒரே இரவில் தூங்கி எழுந்தவுடன் வந்திருக்கமுடியுமா ? நிச்சயம் வந்திருக்க முடியாது . பாரியின் தாய் அவனை பாலூட்டி , சோறூட்டி மட்டும் வளர்த்திருக்கமாட்டாள் . ஈத்துவக்கும் பண்பையும் சேர்த்தே ஊட்டியிருப்பாள் . அந்த ஈகைப்பண்புதான் பிற்காலத்தில் , மனித உயிர்களையும் தாண்டி , மரம் செடி , கொடிகளுக்கும் உதவக்கூடிய வள்ளல் குணமாக பரிணாம வளர்ச்சி பெற்றது என்பதை நம்மால் மறுக்கமுடியுமா ?

by **T.N.Balasubramanian** Sun Oct 16, 2016 10:01 am

நல்ல விளக்கம் M Jagadeesan .
வி பொ உ

ரமணியன்

by **Dr.S.Soundarapandian** Tue Jan 02, 2024 2:19 pm

by Sponsored content

அறம் செய விரும்பு .

அறம் செய விரும்பு .

Re: அறம் செய விரும்பு .

Re: அறம் செய விரும்பு .

Re: அறம் செய விரும்பு .