மூலிகை பெட்ரோல் ராமர் பிள்ளைக்கு 3 ஆண்டு சிறைத் தண்டனை

by **T.N.Balasubramanian** Fri Oct 14, 2016 8:15 pm

மூலிகை பெட்ரோல் ராமர் பிள்ளைக்கு 3 ஆண்டு சிறைத் தண்டனை விதித்தது சிபிஐ நீதிமன்றம்

சென்னை: மூலிகை பெட்ரோல் தயாரிப்பதாக கூறி பிரபலமடைந்த ராமர் பிள்ளை உள்ளிட்ட 5 பேருக்கு 3 ஆண்டு சிறைத் தண்டனை விதித்து எழும்பூர் சிபிஐ நீதிமன்றம் உத்தரவிட்டது. கடந்த 1999 - 2000 ம் ஆண்டுகளில் பெட்ரோலில் கலப்படம் செய்து 'ராமர் பெட்ரோல்' என விற்பனை செய்ததாக ராமர் பிள்ளை உள்ளிட்ட 5 பேர் மீது எழும்பூர் சிபிஐ நீதிமன்றம் வழக்குப்பதிவு செய்ததது. மேலும் மூலிகை பெட்ரோல் தயாரிப்பதாக கூறி பொதுமக்கள் பலரிடம் ரூ.2.27 கோடி மோசடி செய்ததாக வழக்கு பதிவு செய்யப்பட்டிருந்தது.

மூலிகை பெட்ரோல் ராமர் பிள்ளைக்கு 3 ஆண்டு சிறைத் தண்டனை AAHbUvkxQwCYlBtyAKCz+ramarpillai-14-1476451130

மூலிகை பெட்ரோல் ராமர் பிள்ளைக்கு 3 ஆண்டு சிறைத் தண்டனை AAHbUvkxQwCYlBtyAKCz+ramarpillai-14-1476451130

இந்த வழக்கை விசாரித்து வந்த சென்னை எழும்பூர் சிபிஐ நீதிமன்றம் ராமர் பிள்ளை உள்ளிட்ட 5 பேருக்கு 3 ஆண்டு கடுங்காவல் தண்டனையும், ரூ.6 ஆயிரம் அபராதமும் விதித்து இன்று உத்தரவிட்டது. முன்னதாக மூலிகை மூலம் பெட்ரோல் தயாரிக்கும் முறையை கண்டுபிடித்து விட்டதாக தமிழகத்தில் ராமர் பிள்ளை பெரும் பரபரப்பை ஏற்படுத்தினார். இந்தியா முழுவதிலும் இச்செய்தி பெரும் விவாதத்தை கிளப்பியது. மூலிகை மூலம் பெட்ரோல் தயாரிக்க முடியுமா என்ற சந்தேகம் ஏற்பட்டது. ஆனால், தனது கண்டுபிடிப்பை எந்த அதிகாரிகள் முன்னிலையிலும் செய்து காட்டி நிரூபணம் செய்யத் தயார் என்று ராமர் பிள்ளை அறிவித்தார். அதன்படி செய்தும் காட்டினார். ஆனால், அதை விஞ்ஞானிகள் நம்ப மறுத்தனர். மூலிகையில் இருந்து பெட்ரோல் தயாரிப்பதற்கான சாத்தியக் கூறுகள் அறவே இல்லை என்றனர். அதன் பின்னர் ராமர் பிள்ளை தனது கண்டுபிடிப்பை "மூலிகை எரிபொருள் என்று பெயர் மாற்றி விற்பனையில் இறங்கினார். அதற்காக சென்னையில் 15 விற்பனை நிலையங்களை துவக்கினார். முன்பணம் பெற்றுக் கொண்டு விற்பனை ஏஜென்டுகளை நியமித்தார். ஆனால், அவர் விற்பனை செய்த எரிபொருளை பயன்படுத்திய வாகனங்கள் பழுதாகின. இந்த புகாரை அடுத்து சிபிஐ மேற்கொண்ட அதிரடிச் சோதனையில் தான் ராமர் பிள்ளை கைது செய்யப்பட்டார்.

நன்றி தட்ஸ்தமிழ்

ரமணியன்

by Ramalingam K Sat Oct 15, 2016 10:55 am

ஏமாறுபவர்கள் இருக்கும்வரை - - - -

காதில் பூ சுற்றுபவர்களும் இருப்பார்கள் போலும்.!

மனச்சாட்சியை அடகுவைக்கும் மானுடர்கள் - மனித சமுதாயத்தின் மானக்கேடு.

by **M.Jagadeesan** Sat Oct 15, 2016 2:48 pm

மூலிகை இராமருக்கு மூன்றாண்டு தண்டனை
வாலியைக் கொன்றார்க்கு என் ?

by சிவனாசான் Sat Oct 15, 2016 8:11 pm

மேல்முறையீடுன்னு ஒன்று உள்ளதே அங்குசென்று தண்டனையை >>>>>>>>>>>>>>>>>ஒருவருக்கு தவறு என்பது இன்னொருவருக்கு சரி எனபடுவது நீதிக்கு உள்ள உரவு சட்ட உரிமை>>>>>> இராமர் என்ன செய்கிறார் என பொருத்திருந்து பார்க்கலாம்.

by சிவனாசான் Sat Oct 15, 2016 8:16 pm

குறைந்தவிலையில் விற்றிருப்பார். எண்ணை நிறுவனங்கள் சும்மாவிட்டு விடுமா? மிக்க தனம் படைத்தவனே வெற்றிகண்டு தலை நிமிர முடியும் என்ற நிலையைத்தான் நாட்டில் தற்போது பார்க்க முடிகிறது. அந்த காலமுங்க மனு நீதி சோழன் ஆண்ட காலம். தற்போது பட்டம் பகலில் அரிவாளால் வெட்டிவிட்டு நான் தான் வெட்டினேன் என்று கூறி தைரியமாக காவல் நிலையத்தில் சரணடையும் காலமாகிடிச்சே.....>>>>குற்றம் என தெரிந்தேதான் செய்கிறான்.

by **ராஜா** Sun Oct 16, 2016 12:12 pm

இவரை போன்ற கண்டுபிடிப்பாளர்கள் மேல்நாடுகளை போல எதாவது ஒரு corporate நிறுவனத்திடம் கைகோர்த்துக்கொண்டு முதலில் தன்னை நிலைநிறுத்திக்கொள்ள வேண்டும். இல்லையென்றால் இப்படி தான் கொசுவினை நசுக்குவது போல நசுக்கிவிடுவார்கள்

by ஹர்ஷித் Sun Oct 16, 2016 3:01 pm

ரூபாய் 2.7 கோடி மோசடி செய்ததாக புகார் ஆனால் தண்டனையோ 6 ஆயிரம் இது என்ன சட்டம்?

by **T.N.Balasubramanian** Sun Oct 16, 2016 5:31 pm

அய்யாமார்களே எனக்கோர் சந்தேகம் .
இவர் கண்டுபிடித்தது பெட்ரோலுக்கு மாற்று என்றே வைத்துக்கொள்வோம் .
வெளியே விற்றால்தானே ,இவர் கலப்படம் செய்தது என்பார்கள் .
பேசாமல் இவர் தனக்கு தேவையானதை மட்டுமே தயாரித்துக்கொண்டு
தனது வண்டியை /வண்டிகளை குறைந்த விலையில் சிக்கனமாக ஒட்டி
கொண்டு இருந்திருக்கலாமே .
சந்தேகத்தை தீர்க்கவும் .
ரமணியன்

by **M.Jagadeesan** Sun Oct 16, 2016 6:33 pm

இவர் கண்டிபிடித்த பெட்ரோல் , வாகனங்களைப் பழுதாக்கின என்று சொல்கிறார்கள் . பெட்ரோல் தரமானதாக இல்லையென்றால் , வாகனங்களைப் பழுதாக்கும் ; நிறைய புகை வரும் . அப்போது சுற்றுச்சூழல் மாசுபடுமே ! எனவே இவர் தன்னுடைய வண்டிக்குமட்டும் உபயோகித்தால் கூட , சுற்றுச்சூழலை மாசு படுத்தினால் Polution control Board நடவடிக்கை எடுக்கத்தான் செய்யும் . வேண்டுமானால் இவர் , தன்னுடைய வீட்டுக்குள்ளேயே வண்டியை ஓட்டலாம் . யாரும் நடவடிக்கை எடுக்கமாட்டார்கள் .

by **T.N.Balasubramanian** Sun Oct 16, 2016 7:14 pm

ராஜா wrote:இவரை போன்ற கண்டுபிடிப்பாளர்கள் மேல்நாடுகளை போல எதாவது ஒரு corporate நிறுவனத்திடம் கைகோர்த்துக்கொண்டு முதலில் தன்னை நிலைநிறுத்திக்கொள்ள வேண்டும். இல்லையென்றால் இப்படி தான் கொசுவினை நசுக்குவது போல நசுக்கிவிடுவார்கள்

மேற்கோள் செய்த பதிவு: 1224537

இவர் கண்டுபிடித்தது உண்மையிலேயே மலிவு விலை மூலிகை பெட்ரோல் (ரூபாய்க்கு ஒரு லிட்டர் எனக் கூறினார் ) என்றால், மற்ற நாடுகளோ / corporate களோ இதை மூலதனமாக்கி கொண்டு இருக்கமாட்டார்களா ?
IIT யில் டெஸ்ட் பண்ணி இது பெட்ரோல் இல்லை என்றும் , இவரால் பெட்ரோல் உருவாக்கும் முறையில் தோல்வி அடைந்தார் என்றும் செய்திகள் வந்தனவே .
இவர் பரிசோதனை கூடம் அமைக்க கலைஞர் கூட ஒரு லக்ஷம் கொடுத்ததாக நினைவு.

ரமணியன்