தண்ணீர் லாரி மோதியதில் 3 கல்லூரி மாணவிகள் பலி

by **T.N.Balasubramanian** Thu Oct 13, 2016 4:42 pm

தண்ணீர் லாரி மோதியதில் 3 கல்லூரி மாணவிகள் பலி

சென்னை: அதிவேகமாக வந்த தண்ணீர் லாரி மோதியதில் கல்லூரி மாணவிகள் 3 பேர் சம்பவ இடத்திலேயே பலியானார்கள்.
சென்னை கிண்டி அருகே, கத்திபாரா மேம்பாலத்திற்கு சற்று தொலைவில் உள்ள செல்லம்மாள் கல்லூரி அருகே சாலையை கடக்க முயன்ற மாணவிகள் மீது தண்ணீர் லாரி மோதியது. இந்த ஒப்பந்த லாரி அதிவேகமாக வந்ததாக கூறப்படுகிறது. இதில் கட்டுப்பாட்டை இழந்த லாரி, சாலையை கடக்க முயன்றவர்கள் மீது மோதியது. இந்த சம்பவத்தில் 3 கல்லூரி மாணவிகள் பலியானார்கள். பலியானவர்கள் சித்ரா, ஆயிஷா மற்றும் காயத்ரி என தெரியவந்துள்ளது. இவர்களின் உடல்கள் ராயப்பேட்டை அரசு மருத்துவமனைக்கு கொண்டு செல்லப்பட்டன.
மேலும் 3 பேர் படுகாயமடைந்து ராயப்பேட்டை மருத்துவமனையில் அனுமதிக்கப்பட்டுள்ளனர். இதனையடுத்த லாரி தப்பிச்சென்றார். இந்த விபத்து காரணமாக கத்திப்பாரா மேம்பாலம் - சின்னமலை மெட்ரோ ரயில் நிலையம் வரை போக்குவரத்து பாதிக்கப்பட்டுள்ளது. சம்பவம் தொடர்பாக போலீசார் வழக்குப்பதிவு செய்து விசாரணை நடத்தி வருகின்றனர். தப்பியோடிய லாரி டிரைவரை தேடி வருகின்றனர்.

நன்றி ....தினமலர்

ரமணியன்

by **T.N.Balasubramanian** Thu Oct 13, 2016 5:35 pm

சென்னையில் நெடுஞ்சாலைகளில் கட்டுப்பாடின்றி போவோரில்
1. முதலிடம் இந்த தண்ணீர் லாரி ஓட்டுனர்கள் .
2. தண்ணீர் போட்டுவிட்டு கார் ஓட்டும் ஆண்கள் /பெண்கள்
3. புல்லட் போன்ற இரு சக்கர வண்டியில் வெகுவேகமாக
குறுக்கும் நெறுக்குமாக (zigzag ) போகும் ஓட்டுனர்கள் .

இவர்களை பிடித்து அபராத தொகை வசூலித்ததாலே, அரசு நிறைய வருமானம் வரும் .

ரமணியன்

by பாலாஜி Thu Oct 13, 2016 5:39 pm

ஆழ்ந்த இரங்கல்கள்

by **ராஜா** Fri Oct 14, 2016 12:39 pm

நம்ம ஊரில் அதுவும் சென்னையில் சாலையை கிடைப்பதில் அதிக கவனம் தேவை.

நான் பார்த்தவரைக்கும் , தமிழ்நாட்டில் சாலையை குறிப்பாக ஒரு குழுவாக கடந்தால் எதை பற்றியும் கவலைப்படவேண்டாம் வருவது எந்த வாகனமாக இருந்தாலும் அவர்கள் வேகத்தை குறைத்து மெதுவாக வரவேண்டும் என்று ஒரு எழுதப்படாத சட்டம் உள்ளது போல.

அதேபோல தேசிய நெடுஞ்சாலைகளில் இரண்டு முகப்பு விளக்குகளையும் எரியவிட்டுக்கொண்டு வாகனங்களை oneway யில் வரலாம் , இது இன்னொரு சட்டம்.

by **T.N.Balasubramanian** Fri Oct 14, 2016 1:35 pm

பாவம், மனதில் என்னென்ன கனவுகளுடன் கல்லூரி வந்தனரோ ??

தண்ணீர் லாரி மோதியதில் 3 கல்லூரி மாணவிகள் பலி A7AAFafRHS8HHa299yXV+trio_3044378g

பிரிவால் வாடும் குடும்பத்தினருக்கு ஆழ்நத அனுதாபங்கள்

ரமணியன்

by **M.Jagadeesan** Fri Oct 14, 2016 1:50 pm

கல்லூரி வளாகத்திற்கு உள்ளேயே பேருந்துகள் வருவதற்கு ஏற்பாடு செய்யவேண்டும் . அப்படி வந்தால் சாலையைக் கடக்கவேண்டிய அவசியம் இருக்காது; விபத்துகளும் ஏற்படாது .

by **T.N.Balasubramanian** Fri Oct 14, 2016 2:08 pm

M.Jagadeesan wrote:கல்லூரி வளாகத்திற்கு உள்ளேயே பேருந்துகள் வருவதற்கு ஏற்பாடு செய்யவேண்டும் . அப்படி வந்தால் சாலையைக் கடக்கவேண்டிய அவசியம் இருக்காது; விபத்துகளும் ஏற்படாது .

மேற்கோள் செய்த பதிவு: 1224350

புரியவில்லை ,ரயிலில் இருந்து வருபவர்கள் ரோடை கடந்துதானே போகணும் .

ரமணியன்