முதல்வராக ஜெயலலிதா நீடிப்பார்: வித்யாசாகர் ராவ்

**ayyasamy ram** · **ayyasamy ram** Wed Oct 12, 2016 8:33 am

-
முதல்வராக ஜெயலலிதா நீடிப்பார் என்று ஆளுநர்
(பொறுப்பு) வித்யாசாகர் ராவ் அறிவித்துள்ளார்.

சென்னை அப்பல்லோ மருத்துவமனையில் முதல்வர்
ஜெயலலிதா தொடர்ந்து சிகிச்சை பெற்று வரும் நிலையில்,
அவருடைய இலாகாக்களை நிதியமைச்சர் ஓ.பன்னீர்செல்வம்
கூடுதலாகக் கவனித்துக் கொள்வார் என்றும் ஆளுநர்
தெரிவித்துள்ளார்.

இது தொடர்பாக செவ்வாய்க்கிழமை ஆளுநர் மாளிகை
வெளியிட்ட அறிவிப்பு:

இந்திய அரசியலமைப்புச் சட்டம் 166 பிரிவு 3-இன் படி,
தமிழக முதல்வர் ஜெயலலிதா இதுவரை வகித்து வந்த
அமைச்சரவை இலாகாக்கள் அனைத்தும் நிதியமைச்சர்
ஓ.பன்னீர்செல்வத்துக்கு ஒதுக்கப்படுகின்றன.

முதல்வரின் அறிவுரைப்படி...: தமிழக அமைச்சரவைக்
கூட்டங்களையும் ஓ.பன்னீர்செல்வம் தலைமை வகித்து
நடத்துவார். முதல்வர் ஜெயலலிதாவின் அறிவுரையின்
அடிப்படையில் இந்த நடவடிக்கைகள் மேற்கொள்ளப்படுகின்றன.

முதல்வர் பணிக்கு ஜெயலலிதா மீண்டும் திரும்பும் வரை
இந்த மாற்று ஏற்பாடு தொடரும். ஜெயலலிதா முதல்வராக
நீடிப்பார் என்றும் அதில் கூறப்பட்டுள்ளது.

முதல்வர் ஜெயலலிதாவின் பொதுத் துறை, இந்திய ஆட்சிப் பணி,
இந்திய காவல் பணி, இந்திய வனப் பணி, மாவட்ட வருவாய்
அலுவலர்கள், காவல் உள்துறை உள்ளிட்ட அனைத்து இலாகாக்களும்
நிதியமைச்சர் ஓ.பன்னீர்செல்வம் வசம் ஒப்படைக்கப்பட்டுள்ளன.
-
-----------------------
தினமணி

**M.Jagadeesan** · **M.Jagadeesan** Wed Oct 12, 2016 12:09 pm

மீண்டும் பன்னீரே வந்தாரே !
...முதல்வரின் பணிகளைக் கவனிக்க !
பாண்டிய நாட்டிலே பிறந்தாரே !
...பாராளும் வரத்தைப் பெற்றாரே !
வேண்டிய தெய்வங்கள் எல்லாமே
...வேண்டிய வரத்தைக் கொடுப்பதில்லை !
வேண்டாமல் வந்திட்ட அதிர்ஷ்டமிது !
...வென்றிடு ! பன்னீர் வென்றிடுவாய் !

முதல்வராக ஜெயலலிதா நீடிப்பார்: வித்யாசாகர் ராவ்

முதல்வராக ஜெயலலிதா நீடிப்பார்: வித்யாசாகர் ராவ்

Re: முதல்வராக ஜெயலலிதா நீடிப்பார்: வித்யாசாகர் ராவ்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக