பெயர்ச் சொல்லி அழைக்கலாமா?

ந.க.துறைவன் · ந.க.துறைவன் Tue 30 Aug 2016 - 7:43

“ ஏன் உங்களை எல்லோரும் பெயர்ச்சொல்லி அழைக்கிறார்கள்? ”

நான் தான் அப்படி அழைக்கும்படி சொன்னேன். அழைப்பதற்காகத்தானே பெயர் இருக்கிறது. ஒரு சிறுமி என்னை பெயர்ச் சொல்லி அழைக்கும்போது, அந்தச் சிறுமியின் வயதுடையவளாகவே நான் ஆகிவிடுகிறேன். அந்த ஆனந்தம் எனக்குத் தேவையாக இருக்கிறது. அது கொடுக்கும் புத்துணர்ச்சி எனக்குப் பிடித்திருக்கிறது. அம்மா, அப்பா, கணவன் ஆகியோர் மட்டுமே வழக்கமாகப் பெயர்ச் சொல்லி அழைப்பார்கள். என் வாழ்வில் இவர்கள் அனைவரையும் நான் வரிசையாக இழந்துவிட்டேன். என் பெயரையும் நான் இழக்கக் கூடாது அல்லவா? எனது பெயரைச் சொல்லி அழைக்கப்படும் ஒவ்வொருமுறையும் எனக்கு மகிழ்ச்சியாக இருக்கிறது. அந்தப் புத்துணர்ச்சியிலிருந்து ஒவ்வொரு நாளையும் கழிக்கத் தேவையான சக்தியை நான் பெற்றுக்கொள்கிறேன்.
ஆதாரம் ; சாருஸ்ரீ – கங்கோத்ரி – சிறுகதை தொகுப்பு – பக்கம் – 8.
தகவல் : ந.க.துறைவன்.
*

**M.Jagadeesan** · **M.Jagadeesan** Tue 30 Aug 2016 - 18:45

கட்சி தலைவர்கள் ,கடைக்கோடி தொண்டனையும் பெயர்சொல்லி அழைத்தால் ,அவர்கள் உற்சாகமாக வேலை செய்வார்கள் .

அதேபோல வகுப்பறையில் ஆசிரியர் ஒவ்வொரு மாணவனையும் பெயர்சொல்லி அழைக்கவேண்டும் . அது மாணவனுக்கு ஆசிரியர்பால் ஒரு மரியாதையை ஏற்படுத்தும் .

" ஏய் ! கடைசி பெஞ்சு இரண்டாவது பையன் பதில் சொல்லு ! " என்று ஆசிரியர் சொல்லக்கூடாது .

**Dr.S.Soundarapandian** · **Dr.S.Soundarapandian** Wed 12 Oct 2016 - 15:19

சிவனாசான் · சிவனாசான் Wed 12 Oct 2016 - 16:20

ஏன் கடவுளையே பெயர் சொல்லித்தானே வழிபாடு செய்கிறார்கள். அர்சனையும் செய்கிறார்கள்.

Namasivayam Mu · Namasivayam Mu Wed 12 Oct 2016 - 18:20

அழைக்கலாம்.
ஆனால் சிலருக்கு அவர்களை பெயர் சொல்லி அழைப்பது பிடிக்காது.

குறிப்பாக எனக்கு.

சிறு வயதில் என் அம்மா, அப்பா, மற்றும் குடுப்பத்தினர் உறவினர்கள் எல்லோரும் என்னை சிவா என்றே அழைத்தனர் . பள்ளிக்கூடம் சென்ற பிறகுதான் பதிவேட்டில் என் பெயர் நமசிவாயம் என்று இருந்தது. அந்த பெயர் எனக்கு ஏனோ பிடிக்கவில்லை. இப்பொழுதும் யாராவது என்னை சிவா என்று அழைத்தால் எனக்கு மிகவும் பிடிக்கும். அதே சமயம் என் அம்மாவை நான் நினைவு கூர்வேன்.

Sponsored content · Sponsored content

பெயர்ச் சொல்லி அழைக்கலாமா?

பெயர்ச் சொல்லி அழைக்கலாமா?

Re: பெயர்ச் சொல்லி அழைக்கலாமா?

Re: பெயர்ச் சொல்லி அழைக்கலாமா?

Re: பெயர்ச் சொல்லி அழைக்கலாமா?

Re: பெயர்ச் சொல்லி அழைக்கலாமா?

Re: பெயர்ச் சொல்லி அழைக்கலாமா?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக