அட்வேர்ட்ஸ் -அட்சென்ஸ்

Adwords – ஆன்லைனில் விளம்பரப்படுத்தவும் விளம்பரங்களை ஊக்குவித்து வியாபாரத்தை அதிகரிக்கவும் கூகிளால் உருவாக்கப்பட்டதாகும்.

ஒரு பொருளை விளம்பரப்படுத்த ஒரு குறிப்பிட்ட குறியீட்டுச் சொல்லை (keywords ) வைத்து தேடும் போது, கூகிள் அதை உடனே தேடித் தருகிறது. உதாரணமாக ஆடை என பொதுவாக தேடினால் ஆண்,பெண்,குழந்தை இப்படி எல்லாமே வந்து சேர்ந்து விடும். நாம் ஆண்கள் ஆடையை தேட ஆண்கள் ஆடை- ஆண்கள் சேட் -என தேட வேண்டும். கூகிள் அட்வேர்ட்சில் இணையும் விளம்பரதாரர்களுக்கு இந்தக் குறியீட்டுச் சொல்லை வைத்து இலகுவாக்குவதன் மூலம், தேடும் பயணர் உடனே அவர்கள் பக்கத்திற்கு சென்று பொருட்களை வாங்க முடியும்.

இப்படி குறிப்பிட்ட தளத்திற்கு சென்று கிளிக் செய்யும் போது அதற்கு பணம் செலுத்தப்படுகிறது. இந்தப் பணம் விளம்பரதாரர்கள் மூலம் கூகிளுக்கு செல்கிறது.
அதிக பயணிகளைக் கவர சில விளம்ப்ரதாரர்கள் வெவ்வேறு  முறைகளைக்  
கையாளுவதன் மூலம் அதிக பயணிகளை கவருகிறார்கள். இது PPC- pay per click-எனப்படுகிறது. ஆன்லைனில் பணம் சம்பாதிக்க  நாம் சென்றால், நம்மை கவர்ந்து பயன்படுத்துகிறார்கள். நமக்கு கிடைப்பது ஒரு சில ரூபாய்கள்,அவர்களுக்கோ பல இலட்சங்கள். இது வியாபார தந்திரம்.இந்த விளம்பர பக்கங்களை கிளிக் செய்யும் போது ஒவ்வொரு கிளிக்கிற்கும் பணம் கூகிளுக்கு செல்லும்.கூகிள் விளம்பரம் செய்யும் கம்பனிகளுக்கு ஒரு தொகையைக் கொடுத்து மிச்சம் சொச்சம் எல்லாவற்றையும் தன் பாக்கெட்டுக்குள் போட்டு விடும்.
கூகிள்-வியாபாரிகள்-விளம்பரம் செய்யும் நிறுவனங்கள்-பயணிகள் என தொடர் செல்கிறது.

CPC cost per click – விளம்பரம் செய்பவரின் பக்கத்தை ஒவ்வொரு   முறை நாம் கிளிக்  செய்யும் போதும் , கூகிளுக்கு அவர்கள்  கொடுக்கும் பணம்.

PPC-pay per click- பணம் சம்பாதிக்க நாம் செல்லும் போது கூகிளும் இடைத்தரகர்களும் நமக்கு கொடுக்கும் சில ரூபாய்கள்.

கூகிளில் தேடும் போது, மேலே அல்லது கீழே Ad  பச்சை நிறத்தில்,சில பொருட்களுக்கு படமும் விலையும் கூட இருக்கும்.வலது பக்கத்திலும் தனியாக விளம்பரங்கள் காட்டப்படும்.அதைத் தொடர்ந்து நாம் தேடும் பக்கங்கள் வரும். அதிக பணம் கொடுத்தால் தொடக்கத்தில் அவர் பக்கம் வந்து விடும்.(அதிக பணம் கொடுத்தால் கோவில்களில் விசேட வரிசை,விசேட கவனிப்பு)
நான் இந்தியாவில் ஐபோனை தேடிய போது அட்வேர்ட்ஸ் விளம்பரதாரர்களின்  விளம்பரங்கள் இப்படி வலது பக்கத்தில் காட்டப்பட்டன. இது போல் இடது பக்கத்திலும்  தொடக்கத்தில்  ad விளம்பரங்களைக் காணலாம். இது அட்வேர்ட்ஸ் ஆகும்.

தொலைக்காட்சியில் விளம்பரங்கள் வெளியிடுவதைப் போல்,இணையத்தில் விளம்பரம் கூகிள் அட்வேர்ட்ஸ் மூலம் செய்கிறார்கள். யாகு போன்றவையும் இந்த முறையில் விளம்பரங்களை ஊக்குவித்தாலும்,கூகிள் பெரிய அளவில் இதைச் செய்கிறது.

இதற்குள் தான் அந்தச் சிறுவன் அகப்பட்டுக் கொண்டான். ஒவ்வொரு முறையும் அவன் கிளிக் செய்யும் போது கூகிளுக்கு கொடுக்க வேண்டிய பணம் கூடிக் கொண்டே போய் கடன்காரனானான்.

Adsense – மேலே சொல்லப்பட்ட விளம்பரத்தைக் பாவனையாளர்களிடம் கொண்டு செல்ல ஒரு ஊடகம் கூகிளுக்கு தேவைப்படுகிறது. அந்த ஊடகம் தான் இணையத்தளம் ஆகும்.

இணையத்தள உரிமையாளர்கள் தனிப்பட்ட நேரடி விளம்பரங்களை தங்கள் இணையத்தளத்தில் வெளியிட்டு பணம் பெறுவார்கள். இன்னொருமுறை கூகுள் அட்வேர்ட்ஸ் மூலம் உருவான விளம்பரங்களை இந்த தளங்களில் வேளியிட அனுமதிப்பதன் மூலம் இணையத்தள உரிமையாளர்கள் கூகிளிடம் இருந்து பணம் பெறுவார்கள்.இது அட்சென்ஸ் எனப்படுகிறது.

இதற்கு இலவசமாக அட்சென்ஸ் கணக்கை கூகிளில் உருவாக்க வேண்டும்.உருவாக்கியபின் பயணிகளின் வருகையைப் பொறுத்து பணம் கிடைக்கும்.அதனால்தான் கூகிள் ஆங்கிலம் அல்லாத தளங்களுக்கு அட்சென்ஸ் அனுமதிக்க தயக்கம் காட்டுகிறது.நாமாக ஒரு இணையத்தளத்தை உருவாக்கி  விளம்பரங்களை அனுமதிப்பதன் மூலம்,You Tube  இல் சொந்த காணொளிகளை உருவாக்கி அதில் விளம்பரங்களை அனுமதிப்பதன் மூலம் பணம் சம்பாதிக்கலாம். பயணர் வருகை கூடும் போது பணமும் அதிகரிக்கும்.அதனால் தான் காணொளி பார்க்கும் போது சப்ஸ்கிரைப் என கெஞ்சுகிறார்கள்.

இங்கே தான் அந்தச் சிறுவன் சென்று You Tube  இல் பணம் சம்பாதிக்க விரும்பினான்.ஆனால்.............

கூகிள் வியாபாரிகள்/விளம்பரதாரர்களிடம் இருந்து அட்வேர்ட்ஸ் மூலம் பணம் பெறுகிறது. அந்தப் பணத்தில் இருந்து ஒரு சிறு தொகையை அட்சென்ஸ் மூலம் செலவு செய்கிறது.

Adblock போன்றவற்றைக் கொண்டு விளம்பரங்களை தடுக்கும் போது, நீக்கும்படி இணையப் பக்கங்கள் கேட்பதைக் கவனிக்கலாம்.

கூகிள்  மற்றும் சில தளங்கள் தனிப்பட்ட தகவல்களைப் பெறுவது, Geolocation  ஐ வைத்து நாம் வாழும் நாடு இடம் போன்றவற்றைக் கண்டறி வதன் ஊடாக  இவர்களுக்கு உதவுகிறது.

நன்றி விளக்கமான தகவல்களுக்கு ,மூர்த்தி .

ரமணியன்