திருப்பூர் குமரன்

by **ayyasamy ram** Tue Oct 04, 2016 1:17 pm

-

திருப்பூர் குமரன்
(அக்டோபர் 4, 1904 - ஜனவரி 11, 1932)
-
இந்திய விடுதலைப் போராட்ட தியாகி ஆவார்.
இவர் ஈரோடு மாவட்டத்தில் உள்ள் சென்னிமலையில்
பிறந்தார். 1932 ஆம் ஆண்டு சட்ட மறுப்பு இயக்கம்
மீண்டும் தொடங்கிய போது தமிழகம் முழுவதும்
அறப்போராட்டம் பரவிய நேரத்தில் திருப்பூரில்
தேசபந்து இளைஞர் மன்ற உறுப்பினர்கள் அச்சமயம்
ஏற்பாடு செய்த மறியல் போராட்டத்தில் தீவிரமாகப்
பங்குகொண்டு, 1932 ஆம் ஆண்டு ஜனவரி 10 ஆம்
தேதியன்று கையில் தேசியக் கொடியினை ஏந்தி,
தொண்டர் படைக்குத் தலைமை ஏற்று, அணிவகுத்துச்
சென்றபோது காவலர்களால் தாக்கப்பட்டு தடியடிபட்டு
மண்டை பிளந்து கையில் இந்திய தேசியக் கொடியை
ஏந்தியபடி மயங்கி விழுந்து, பின்னர் மருத்துவமனையில்
அனுமதிக்கப்பட்டார்
-
ஜனவரி 11 இல் உயிர் துறந்தார் திருப்பூர் குமரன்[.
இதனால், கொடிகாத்த குமரன் என்றும் அழைக்கப்
படுகிறார்.
-
குமரன் மறைந்த ஒரு மாதத்திற்குள் திருப்பூர் வந்த
மகாத்மா காந்தி, அவரது குடும்பத்திற்கு ஆறுதல் கூறினார்.
காமராஜர் உயிருடன் இருந்தவரை குமரன் குடும்பத்தினருடன்
அவ்வப்போது தொடர்பு கொண்டு விசாரிப்பார்.
-
தமிழ்நாடு அரசு திருப்பூர் குமரன் தியாகத்தைப் போற்றும்
வகையில் திருப்பூரில் திருப்பூர் குமரன் நினைவகம் ஒன்றை
அமைத்துள்ளது.
இங்கு தற்காலிக நூல் நிலையம் உள்ளது. படிப்பகம் ஒன்று
செயல்பட்டு வருகின்றது. மேலும் இந்தியச் சுதந்திரப் போராட்ட
வீரர்களின் படங்கள் வரைந்து பொதுமக்கள் பார்வைக்கு
வைக்கப்பட்டுள்ளது.
-
தபால் தலை
-
இவரது நூறாவது பிறந்த நாளைச் சிறப்பிக்கும் வகையில்,
அக்டோபர் 2004 இல் சிறப்பு நினைவுத் தபால் தலை இந்திய
அரசால் வெளியிடப்பட்டது.
-
---------------------------
நன்றி- விக்கிபீடியா

by Ramalingam K Tue Oct 04, 2016 6:00 pm

நமது தமிழ் கிராமங்களில் பல சிறார்களுக்கு அப்போது அடியன் உட்பட , "கொடி காத்த குமரனைத்தான் தெரியும் ".

திருப்பூர் குமரன் என்றால் அவர் திருப்பூர் நகர எல்லைக்குள் வருவது போலவும், "கொடி காத்த குமரன்" அவர் நம் தேச எல்லையுமாக பரந்து விரிகிறார்.

தேச பக்தனாக உலக மக்கள் யாவருக்கும் ஒரு எடுத்துக் காட்டாகிறார். அந்த அற்புத தேசபக்தரை தேசம் முழுமைக்கும் விஸ்தரித்து நம் நன்றிக் கடனைச் செலுத்துவோம்.

by **Dr.S.Soundarapandian** Wed Oct 05, 2016 7:28 pm

by Sponsored content

திருப்பூர் குமரன்

திருப்பூர் குமரன்

Re: திருப்பூர் குமரன்

Re: திருப்பூர் குமரன்

Re: திருப்பூர் குமரன்