நிலையாமை – கவிதை

**ayyasamy ram** · **ayyasamy ram** Mon Oct 10, 2016 1:45 am

-
சொந்த, பந்தங்கள் யாவும்
அந்தந்த நேரத்து அடையாளங்கள்
உடன் வருவோரெல்லாம்
ஊர் வரைக்கும் வருவதில்லை!
–
வளர்பிறைக்கொரு காலம்
தேய்பிறைக்கொரு காலம்
உயர்வு தாழ்வென்பது
பகலிரவு போலாகும்!
–
அரண்மனைகள், அந்தப்புரங்கள்
கோட்டைக் கொத்தளங்கள்
காலம் தின்று தீர்த்தது போக
மிஞ்சியவை சுற்றுலாத் தலங்கள்!
–
இறவாப் புகழ் பெற்று
இன்னமும் வாழ்பவர்கள்
புகழ் போதைச் சேற்றில்
புதையுண்டு போனவர்கள்!
–
தரை தட்டும் கப்பல்கள்
கரைசேரும் கட்டுமரங்கள்
யானைக்கும் அடி சறுக்கும்
எறும்பு ஊர கல்லும் தேயும்!
–
எட்டுத் தலைமுறைக்கு
கட்டிக் காத்த செல்வங்கள்
சல்லடையில் தேக்கிய நீர் போல்
சடுதியில் மறைகிற வேகம்!
–
மாற்றங்கள் நிகழ்வதில்
மாற்றமேதுமில்லை
நிலையானது எதுவெனில்
நிலையாமையே என்றறிக!
–
—————————–
அ.கங்காதரன்

Ramalingam K · Ramalingam K Mon Oct 10, 2016 6:50 am

ayyasamy ram wrote:
-

மாற்றங்கள் நிகழ்வதில்
மாற்றமேதுமில்லை
நிலையானது எதுவெனில்
நிலையாமையே என்றறிக!
–
—————————–
அ.கங்காதரன்

மேற்கோள் செய்த பதிவு: 1223994

ஆம், நிலையாமையே நிலையானது - கூடவே
மாற்றமும் மாறிக்கொண்டே இருக்கும் தன்மையால் நிலையானது.
\
நிலையாமை ஜீவர்களுக்குப் பரம்பொருளின் கொடை.
நிலைத்தன்மை மட்டும் நிலைத்திருக்குமானால் அமைதி என்ற ஒன்று யாருக்கும் தெரியாமலேயே போயிருக்கும் வழக்கத்திலிருந்து.
நிலையாமையை நினைந்து மகிழ்வோம்.

கவிதை அற்புதம் - கருத்தும்தான்.

நிலையாமை – கவிதை

நிலையாமை – கவிதை

Re: நிலையாமை – கவிதை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக