'தங்க நகை அணிய மாட்டோம்!' பீஹார் மாணவியர் சபதம்

**ayyasamy ram** · **ayyasamy ram** Mon Oct 03, 2016 4:56 am

-
பாட்னா:

பீஹாரில், 10ம் வகுப்பு படிக்கும் பள்ளி மாணவியர்,
தங்கள் வீடுகளில் கழிப்பறை கட்டும் வரை, தங்க நகை
அணியப் போவதில்லை என, சபதம் செய்துள்ளனர்.

பீஹாரில், ஐக்கிய ஜனதாதளம் கட்சி தலைவர் நிதிஷ்குமார்
முதல்வராக உள்ளார். இம்மாநிலத்தில், புக்ஸார் மாவட்டத்தில்
உள்ள அரசு பள்ளியில், 10ம் வகுப்பில், 18 மாணவியர்
படிக்கின்றனர்.

இவர்களில் ஆறு மாணவியர், தங்கள் வீடுகளில், பெற்றோர்
கழிப்பறை கட்டும் வரை, தங்க நகை எதுவும் அணியப்
போவதில்லை என, சபதம் செய்துள்ளனர்.

இதுகுறித்து, புக்ஸார் மாவட்ட உயரதிகாரி ஒருவர் கூறியதாவது:
புக்ஸார் மாவட்ட அரசு பள்ளிக்கு, சமீபத்தில் ஆய்வு நடத்தச்
சென்ற, கல்வி அதிகாரி, 10ம் வகுப்பு படிக்கும் மாணவியரிடம்,
அவர்களின் வீடுகளில் கழிப்பறைகள் இல்லையா எனக்
கேட்டுள்ளார்.

அதற்கு, 18 மாணவியர், 'ஆம்' என பதில் தந்தனர். பொதுவெளியில்,
இயற்கைக் கடனை கழிப்பது அவமானமாக இருப்பதாக அந்த
மாணவியர் தெரிவித்தனர்.

அவர்களில் ஆறு மாணவியர், தங்கள் அணிந்திருந்த தங்க
நகைகளை கழற்றி, அதிகாரியிடம் அளித்து, 'எங்கள் வீடுகளில்
கழிப்பறை கட்டும் வரை, தங்க நகைகளை அணிய மாட்டோம்'
என, சபதம் செய்தனர்.

இந்த மாணவியர், தங்கள் பெற்றோர் வறுமையில் இல்லை என்றும்,
நிதி நெருக்கடி எதுவும் இல்லை என்றும், அவர்களுக்கு கழிப்பறை
கட்டும் எண்ணமே தோன்றுவதில்லை என்றும் வருத்தத்துடன்
கூறியுள்ளனர்.
-
-----------------------------------------
தினமலர்

Ramalingam K · Ramalingam K Mon Oct 03, 2016 8:03 am

ayyasamy ram wrote:
-
பாட்னா:

பீஹாரில், 10ம் வகுப்பு படிக்கும் பள்ளி மாணவியர்,
தங்கள் வீடுகளில் கழிப்பறை கட்டும் வரை, தங்க நகை
அணியப் போவதில்லை என, சபதம் செய்துள்ளனர்.

தினமலர்

மேற்கோள் செய்த பதிவு: 1223392

குழந்தைகளே !

பொன்நகை எப்போதுமே வேண்டாம் - அது ஆபத்தை விலை கொடுத்து வாங்குவது.

உங்கள் புன்னகையை எப்போதும் கழற்றாதீர்கள்- அது வாழ்வில் ஆனந்தத்தைக் கொடுப்பது.

உண்மையான சபதம் அதுதான். புது சபதம் மேற்கொள்ளுங்கள் - புதுமைப் பெண்களாகுங்கள்.

வெற்றி உங்களுக்கே - வாழ்க.

நம் அன்னை பாரதமும் அகம் மகிழ்வாள்.

'தங்க நகை அணிய மாட்டோம்!' பீஹார் மாணவியர் சபதம்

'தங்க நகை அணிய மாட்டோம்!' பீஹார் மாணவியர் சபதம்

Re: 'தங்க நகை அணிய மாட்டோம்!' பீஹார் மாணவியர் சபதம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக