‘‘குழந்தைகளிடம் பொய்சொல்லக் கூடாது!’’

**ayyasamy ram** · **ayyasamy ram** Mon Oct 03, 2016 5:48 pm

-

1926-ம் ஆண்டு ஓர் இளைஞர் சபர்மதி ஆஸ்ரமத்தில்
தங்கியிருந்தார். அவர், குழந்தைகளிடத்தில் நன்கு
பிரபலமானார். ஒருநாள் அவர், எட்டு வயது பெண்
குழந்தைக்கு எலுமிச்சைப் பழம் ஒன்றைவைத்து
வேடிக்கை காண்பித்துக்கொண்டிருந்தார்.

அதை எடுத்துக்கொள்ள அந்தக் குழந்தை நினைத்தது.
ஆனால் அவரிடமிருந்து அந்தப் பழத்தை எடுக்க
முடியவில்லை. மிகவும் களைப்படைந்துபோன குழந்தை
அழ ஆரம்பித்துவிட்டது. ஆஸ்ரமத்தில் உள்ள ஒரு
நோயாளிக்காக அந்த எலுமிச்சைப் பழம் இருந்தது.

அவருக்கு இப்போது தர்மசங்கடமான நிலை. இதை அந்தக்
குழந்தையிடம் கொடுத்துவிட்டால் நோயாளிக்கு என்ன
செய்வது என்று எண்ணினார்.

உடனே, ‘‘பழத்தை நான் நதியில் வீசிவிட்டேன்’’ என்று
குழந்தையிடம் பொய் சொன்னார். ஆனால், உண்மையில்
அதை தன் சாமர்த்தியத்தினால் சட்டைப்பைக்குள் மறைத்து
வைத்துக்கொண்டார்.

பின்னர், இருவரும் சேர்ந்தே நோயாளி தங்கியிருந்த
இடத்துக்குச் சென்றனர். வழியில் அவர் கைக்குட்டையை
எடுத்தபோது சட்டைப்பையில் இருந்த எலுமிச்சைப் பழமும்
சேர்ந்து கீழே விழுந்துவிட்டது. அதைப் பார்த்த குழந்தை
அனைத்தையும் காந்திஜியிடம் போய் சொன்னது.

விளையாட்டாக செய்த காரியம் என காந்தியடிகள் புரிந்து
கொண்டாலும்… அவரிடம், ‘‘நீ இந்த விஷயத்தில்
ஜாக்கிரதையாக இருக்க வேண்டும். குழந்தைகளிடம்
கேலியாகக்கூடப் பொய்சொல்லக் கூடாது.

சிரிப்பும் குதூகலத்தோடும் ஆரம்பமாகும் இந்தச் சின்ன
விஷயம், பின் வழக்கமாகவே ஆகிவிடக்கூடும்’’ என
அறிவுரை கூறினார்.
–
———————————————

**M.Jagadeesan** · **M.Jagadeesan** Mon Oct 03, 2016 7:12 pm

பொய் சொல்லக் கூடாது பாப்பா - என்றும்
...புறஞ்சொல்ல லாகாது பாப்பா !
தெய்வம் நமக்குத்துணை பாப்பா - ஒரு
...தீங்கு வரமாட்டாது பாப்பா !

பாப்பாவிடம் , பொய் சொல்லக்கூடாது என்று சொல்லிவிட்டு , நாமே பொய் சொல்லலாமா ?

**T.N.Balasubramanian** · **T.N.Balasubramanian** Mon Oct 03, 2016 9:13 pm

நாம் சொல்லும் பொய்யால் யாருக்கும் கஷ்டம் /நஷ்டம் இல்லை .
ஆனால் பலன் இருக்குமென்றால் பொய் சொல்லலாம் என்றே நினைக்கிறேன் .
அன்றாடம் நாம் பொய் சொல்லிக் கொண்டேதான் இருக்கிறோம் .
மரியாதை நிமித்தமாகவும் இருக்கலாம் . அந்த பொய் சொல்லுவதினால்
யாருக்கும் நஷ்டமும் இல்லை கஷ்டமும் இல்லை ஆனால் மகிழ்ச்சி கிடைக்கும்
சொல்லலாம் . இந்த பதிவுக்கூட நன்றாகவே இருக்கிறது . அர்த்தமுள்ளதாக இருக்கின்றது என்று
சொல்லி மகிழ்விக்கலாம் . சிரி

ஆம் குழந்தைகளிடம் பொய் சொல்லுவதை தவிர்ப்பது எப்போதும் நல்லது . ஆமோதித்தல்

ரமணியன்

Ramalingam K · Ramalingam K Mon Oct 03, 2016 10:03 pm

நன்மை பயக்குமெனின் பொய்மையும் நன்றுதான்.

ஆனால் அந்த பொய்யை முயலுக்கு மூன்றுகால் போல் கட்டிக்காக்கவேண்டும்.

பொய் இல்லாவிட்டால் கவிதை இனிக்காது - காதல் தளிர்க்காது - வாழ்வும் மணக்காது.

அவர்கள் உள்ளதைக் காட்டிடும் கண்ணாடி - அப்பா உள்ளே கூடத்தில் இல்லை என்று சொல்லச் சொன்னாங்க என்னும் குழைந்தையை யாராலும் ஏ மாற்றமுடியாது தானே !

பொய்யும் மெய்யும் வாழ்வில் அவசியம் - இது வளர்ந்தவர்களுக்கு
பொய்யால் வரும் சுகமே தனிதான்- பிறரைப் பாதிக்காத பொய்.

காசு கொடுத்து வாங்கும் மாங்காயைவிடவும், மரத்தில் கல்லால் அடித்துக் கீழேவிழும் அதே மாமரத்தின் மாங்காயின் சுவையே தனிதான்-அது திருட்டுத் தனத்தால் கிடைத்ததானால்.

பொய் இல்லாவிட்டால் உண்மைக்கு வேலை இல்லை.
வறிஞன் இல்லா அயோத்தியில் வள்ளல்களுக்கு வாழ்வு இல்லாமல் போய்விட்டதாம்.

ஆனால் குழந்தைகளிடம் ஜாக்கிரதை அவசியம் தான்.

Sponsored content · Sponsored content

‘‘குழந்தைகளிடம் பொய்சொல்லக் கூடாது!’’

‘‘குழந்தைகளிடம் பொய்சொல்லக் கூடாது!’’

Re: ‘‘குழந்தைகளிடம் பொய்சொல்லக் கூடாது!’’

Re: ‘‘குழந்தைகளிடம் பொய்சொல்லக் கூடாது!’’

Re: ‘‘குழந்தைகளிடம் பொய்சொல்லக் கூடாது!’’

Re: ‘‘குழந்தைகளிடம் பொய்சொல்லக் கூடாது!’’

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக