தாயன்பு குழந்தைகளுக்குத் தன்னம்பிக்கையை வளர்க்காது ..!

**ayyasamy ram** · **ayyasamy ram** Mon Oct 03, 2016 5:49 pm

–
தன் மகனின் உடல்மீது மிகுந்த அக்கறை
கொண்டிருந்த சாரதா தேவி, அவனை ஒருநாள் காந்திஜியிடம்
அழைத்துச் சென்றார். அந்தச் சமயம் அவர் ஏதோ எழுதிக்
கொண்டிருந்தார்.
–
நாலாபக்கமும் காகிதங்கள் சிதறிக்கிடந்தன. சிலவற்றின் மேல்
துண்டுக்கற்கள் வைக்கப்பட்டிருந்தன. பக்கத்திலேயே பனை
ஓலை விசிறி ஒன்றும் இருந்தது. சாரதா தேவியின் மகனைப்
பார்த்து காந்திஜி விசிறியை எடுக்குமாறு ஜாடை செய்தார்.
–
காந்திஜியின் குறிப்பைப் புரிந்துகொண்ட பையன் விசிறியை
எடுத்து விசிற ஆரம்பித்தான். சில நிமிடங்கள் கழிந்தன. குளிர்ந்த
காற்று வீசியவுடன் காந்திஜிக்கு லேசாகத் தூக்கம் வர
ஆரம்பித்தது. அப்படியே மெத்தையில் சாய்ந்தார்.
–
சாரதா தேவி, மகனிடமிருந்த விசிறியை எடுத்து, தானே விசிற
ஆரம்பித்தார். இரண்டு மூன்று நிமிடங்கள்தான் கழிந்திருக்கும்.
அதற்குள், காந்திஜி விழித்துக்கொண்டார். சாரதா தேவியின்
பக்கம் பார்த்து, ‘‘ஆம், தாயில்லையா? அதனால், அன்பு மகன்
பணிபுரிவதைத் தடுத்துவிட்டது.

சிறுவனாயிற்றே; மேலும் பலவீனமானவனும்கூட; விசிறுவதனால்
அவன் களைத்தல்லவா போய்விடுவான்” எனப்
புன்முறுவலுடன் சொன்னார். ‘‘இல்லை, பாபு. விசிறிக்
கொண்டிருக்கையில் தவறி தங்கள் உடம்பின்மீது பட்டுவிடக்
கூடாதே என்பதற்காகவே அவன் கையிலிருந்து வாங்கி நான்
விசிற ஆரம்பித்தேன்” என்று பதிலுரைத்தார் சாரதாதேவி.

‘‘இல்லை, இது பொய்யான விவாதம். தாயன்பு, குழந்தைக்குத்
தன்னம்பிக்கையை வளர்க்காது கற்பிக்காது’’ என்றார்
காந்திஜி.
–
——————————————-

Ramalingam K · Ramalingam K Mon Oct 03, 2016 7:18 pm

ayyasamy ram wrote:–
தாயன்பு, குழந்தைக்குத்
தன்னம்பிக்கையை வளர்க்காது கற்பிக்காது’’ என்றார்
காந்திஜி.
–
——————————————-

மேற்கோள் செய்த பதிவு: 1223432

உண்மையாக இருக்கமுடியுமா நம் தேசத் தந்தையின் கருத்து.

தாயன்பு அல்லவா நம் மராட்டியத்தில் சாதாரண மனிதனை வீர சிவாஜி ஆக்கியது.

நம் புறநானூற்றுத் தாயர்கள் தம் பிள்ளைகளை மாவீரர்களாக்கியதும் தாயன்பு தானே !

குந்தவை நாச்சியார் தமக்கையே ஆயினும் அவரது தாயன்புதானே அருள்மொழித் தேவனை இராஜராஜனாக்கியது !

மகாத்மாவே சொன்னபோதிலும் எங்கோ கொஞ்சம் நெருடுகிறது - மனத்தில் எங்கோ.

தாயன்பு இத்தகவலில் தன் குழந்தையால் மகாத்மாவிற்கு இடைஞ்சல் கூடாது என்பதாகவே அடியன் கருதுகிறேன். மகாத்மாவிற்குத் தன் மகன் சேவை செய்வதையே எந்த பாரதத் தாயும் விரும்புவாள்.

தாயன்பு குழந்தைகளுக்குத் தன்னம்பிக்கையை வளர்க்காது ..!

தாயன்பு குழந்தைகளுக்குத் தன்னம்பிக்கையை வளர்க்காது ..!

Re: தாயன்பு குழந்தைகளுக்குத் தன்னம்பிக்கையை வளர்க்காது ..!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக