இந்தியாவை நோக்கி பாயும் பிரம்மபுத்ரா கிளை நதியை தடுத்து நிறுத்தியது சீனா

by **ayyasamy ram** Sun Oct 02, 2016 8:06 pm

திபெத்தில் உற்பத்தியாகி இந்தியாவை நோக்கி பாயும் பிரம்மபுத்ரா நதியின் குறுக்கே கட்டப்பட்டு வரும் அணையின் கட்டுமானப் பணிக்காக ஒரு கிளை நதியின் நீரோட்டத்தை சீனா தடுத்து நிறுத்தி உள்ளது.

பிரம்மபுத்ரா நதியின் கிளை களில் ஒன்று ஜியாபுகு. நீர் மின் உற்பத்தி திட்டத்துக்காக, இந்த ஆற்றின் குறுக்கே திபெத்தின் ஜிகாஜே என்ற இடத்தில் சுமார் ரூ.5 ஆயிரம் கோடியில் லால்ஹோ என்ற பெயரில் அணை கட்டப்பட்டு வருவதாக சீன அதிகாரி ஜாங் யுன்பாவ் அந்நாட்டு செய்தி நிறுவனமான ஜின்ஹுவாவுக்கு அளித்த பேட்டியில் தெரிவித்துள்ளார்.

இந்த அணை அமைய உள்ள ஜிகாஜே, இந்தியாவின் சிக்கிம் மாநிலத்துக்கு அருகே அமைந்துள்ளது. பிரம்மபுத்ரா நதியானது ஜிகாஜேவிலிருந்து அருணாச்சலப் பிரதேச மாநிலத்துக்குள் நுழைகிறது. மிகவும் அதிக செலவில் கட்டப்படும் திட்டமான இந்த அணையின் கட்டுமானப் பணி கடந்த 2014-ம் ஆண்டு ஜூன் மாதம் தொடங்கப்பட்டதாகவும், 2019-ல் முடிக்க திட்டமிடப் பட்டுள்ளதாகவும் அந்த அதிகாரி தெரிவித்துள்ளார்.

இந்த அணை கட்டப்படுவதால் பிரம்மபுத்ரா நதி பாயும் இந்தியா மற்றும் வங்கதேசத்துக்கு வர வேண்டிய நீரின் அளவு குறையும் என்ற அச்சம் எழுந்துள்ளது.

காஷ்மீரின் உரி ராணுவ முகாம் மீது பாகிஸ்தான் தீவிர வாதிகள் தாக்குதல் நடத்தினர். இதையடுத்து அந்த நாட்டுக்கு நெருக்கடி கொடுக்கும் வகையில், சிந்து நதி நீர் ஒப்பந்தம் தொடர் பாக பாகிஸ்தானுடன் பேச்சு வார்த்தை நடத்துவதை நிறுத்தி வைக்க இந்திய அரசு பரிசீலித்து வந்த நிலையில், சீனா இந்த நடவடிக்கையை எடுத்துள்ளது.
-
தி இந்து

by **ராஜா** Tue Oct 04, 2016 8:59 am

இதில் ஆச்சரியம் ஒன்றும் இல்லையே , ஒரு நதி உற்பத்தி ஆகும் இடம் எங்குள்ளதோ அவருக்கு தானே அந்நதியின் முழு உரிமை என்பது இந்தியாவுக்கு முன்பே தெரியும் (காவிரி விஷயத்தில்).

அதனால் , சீனா பண்ணியதில் தவறில்லை என்று நினைக்கிறேன்.

- எங்களுக்கு வந்தால் தக்காளிசட்னி , உங்களுக்கு வந்தா மட்டும் இரத்தமா என்று கேட்போர் சங்கம்

by **T.N.Balasubramanian** Tue Oct 04, 2016 9:28 am

நதியின் நீர்வரத்து குறையலாம் .
அடிக்கடி வரும் வெள்ளமும்தடுத்து நிறுத்தப்படலாம் .

ரமணியன்

by **M.Jagadeesan** Tue Oct 04, 2016 9:40 am

பெண் என்று பிறந்தால் புகுந்த வீடுதான் சொந்தம் . காவிரித்தாய் ஒரு பெண் . பிறந்தவீடு கர்நாடகா என்றாலும் , புகுந்த வீடு தமிழ்நாடுதான் .

காவிரிக்குக் கர்நாடகா சொந்தம் கொண்டாடினால் , பெற்ற பெண்ணைக் கட்டிக் கொடுக்காமல் வீட்டிலே வைத்திருப்பதற்குச் சமம் .

by **T.N.Balasubramanian** Tue Oct 04, 2016 11:12 am

உவமை நன்றாகத் தான் இருக்கிறது .
கர்நாடகமே , உந்தன் பெண்ணுக்கு , நீர் சீராக கொடுக்கவும் .
அந்த சீரை சீராக கொடுக்கவும் .

சரிதானா Jagadeesan !

ரமணியன்

by சரவணன் Thu Oct 06, 2016 12:07 pm

ராஜா wrote:இதில் ஆச்சரியம் ஒன்றும் இல்லையே , ஒரு நதி உற்பத்தி ஆகும் இடம் எங்குள்ளதோ அவருக்கு தானே அந்நதியின் முழு உரிமை என்பது இந்தியாவுக்கு முன்பே தெரியும் (காவிரி விஷயத்தில்).

அதனால் , சீனா பண்ணியதில் தவறில்லை என்று நினைக்கிறேன்.

- எங்களுக்கு வந்தால் தக்காளிசட்னி , உங்களுக்கு வந்தா மட்டும் இரத்தமா என்று கேட்போர் சங்கம்

இந்தியாவை நோக்கி பாயும் பிரம்மபுத்ரா கிளை நதியை தடுத்து நிறுத்தியது சீனா 9k=

இதனால இந்த 18 பட்டி ஜனங்களுக்கும் தெரிவிக்கிறது என்னான்னா! காவிரி - கர்நாடகாவுக்கும், பிரம்மா புத்திரா - சீனாவுக்கும் மட்டும் சொந்தம்னு சொல்லி தீர்ப்பு அளிக்கிறேன். நன்றி!