திருமால் பெருமைக்கு நிகரேது

**ayyasamy ram** · **ayyasamy ram** Fri Sep 30, 2016 7:23 am

-

திருமால் பெருமைக்கு நிகரேது - உன்றன்
திருவடி நிழலுக்கு இணையேது!
பெருமானே உன்றன் திருநாமம் - பத்து
பெயர்களில் விளங்கும் அவதாரம்

(திருமால்)

கடல் நடுவே வீழ்ந்த சதுர்வேதம் - தனைக்
காப்பதற்கே கொண்ட அவதாரம்
- மச்ச அவதாரம்!

அசுரர்கள் கொடுமைக்கு முடிவாகும் - எங்கள்
அச்சுதனே உன்றன் அவதாரம்
- கூர்ம அவதாரம்!

பூமியைக் காத்திட ஒரு காலம் -நீ
புனைந்தது மற்றொரு அவதாரம்
- வராக அவதாரம்!

நாராயணா என்னும் திருநாமம் - நிலை
நாட்டிட இன்னும் ஒரு அவதாரம்
- நரசிம்ம அவதாரம்!

மாபலிச் சிரம் தன்னில் கால் வைத்து - இந்த
மண்ணும் விண்ணும் அளந்த அவதாரம்
- வாமன அவதாரம்!

தாய் தந்தை சொல்லே உயர் வேதம் - என்று
சாற்றியதும் ஒரு அவதாரம்
- பரசுராம அவதாரம்!

ஒருவனுக்கு உலகில் ஒரு தாரம் - எனும்
உயர்வினைக் காட்டிய அவதாரம்
- ராம அவதாரம்!

ரகு குலம் கொண்டது ஒரு ராமன் - பின்பு
யது குலம் கண்டது பலராமன்
- பலராமன்

அரசு முறை வழிநெறி காக்க - நீ
அடைந்தது இன்னொரு அவதாரம்
- கண்ணன் அவதாரம்

விதி நடந்ததென மதி முடிந்ததென
வினையின் பயனே உருவாக,
நிலைமறந்தவரும், நெறியிழந்தவரும்
உணரும் வண்ணம் தெளிவாக,
இன்னல் ஒழிந்து புவி காக்க - நீ
எடுக்க வேண்டும் ஒரு அவதாரம்
- கல்கி அவதாரம்!

(திருமால்)

**M.Jagadeesan** · **M.Jagadeesan** Fri Sep 30, 2016 7:34 am

போரில் வெற்றிபெற வேண்டுமானால் பொய்யும் சொல்லலாம் என்பது கண்ணன் வழி .
குற்றமற்ற நன்மை பயக்குமானால் மட்டுமே , பொய் சொல்லலாம் என்பது வள்ளுவன் வழி .

**ayyasamy ram** · **ayyasamy ram** Fri Sep 30, 2016 7:40 am

M.Jagadeesan wrote:போரில் வெற்றிபெற வேண்டுமானால் பொய்யும் சொல்லலாம் என்பது கண்ணன் வழி .
குற்றமற்ற நன்மை பயக்குமானால் மட்டுமே , பொய் சொல்லலாம் என்பது வள்ளுவன் வழி .

மேற்கோள் செய்த பதிவு: 1223115
-
சூப்பருங்க

-
'காதலிலும் போரிலும்
எந்த தர்ம நியாயத்திற்கும் இடமில்லை’
என்றும் ஒரு பழமொழி உண்டு

**M.Jagadeesan** · **M.Jagadeesan** Fri Sep 30, 2016 8:00 am

போர் நடந்தால் முதலில் சாவது உண்மைதான் என்று ஒரு பழமொழி கூறுகிறது .

The first casualty of war is TRUTH என்று சொல்வார்கள் .

ஆனால் " காதல் போரில் " இருவரும் சாகிறார்கள் என்பதைத்தான் அண்மை நிகழ்வுகள் காட்டுகின்றன.

Ramalingam K · Ramalingam K Fri Sep 30, 2016 8:21 am

ஐயா!

காதலும் காதலர்களும் சாவதில்லை – சரித்திரமும் அவ்வாறில்லை.
காதலும் காதலர்களும் அமரத்துவம் பெறும் அற்புதங்கள்.

இப்போதெல்லாம் காமம்- அதுவும் உடல், பொருள் மற்றும் மதம்- இனம் முதலானவற்றின் மீதான வெறி ஆகியன எல்லாம் காதலாக அறியாமையால் சித்தரிக்கப் படுகின்றன. இவை காதலாகுமா!

காதல் என்பது :
1. ஆத்ம சங்கமம்;
2. ஒருவர் பிறரின் உயர்விற்காகத் தன்னையே வாழ்நாள் சாதனையாக அர்ப்பணிப்பது;
3. இரு உணர்வுகளின் ஓர் உன்னத நிலை;
4. மாசற்ற உண்மையின் உறைவிடம்;
5. எண்ண எண்ண அன்பை மட்டுமே உண்ணத் துடிக்கும் ஓர் இன்பம் - பேரானந்தம்
6. மொத்தத்தில் காதல் என்பது அமிர்தம் – சாகா மருந்து.
அதனால் தானோ “காதல் இல்லையேல் சாதல் என்றார்” நம் அமரகவி பாரதி என்னும் மகாத்மா.

Sponsored content · Sponsored content

திருமால் பெருமைக்கு நிகரேது

திருமால் பெருமைக்கு நிகரேது

Re: திருமால் பெருமைக்கு நிகரேது

Re: திருமால் பெருமைக்கு நிகரேது

Re: திருமால் பெருமைக்கு நிகரேது

Re: திருமால் பெருமைக்கு நிகரேது

Re: திருமால் பெருமைக்கு நிகரேது

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக