ஸ்பெஷல் மலபார் மட்டன் குருமா

kavinele · kavinele Sun 22 Nov 2009 - 16:58

ஸ்பெஷல் மலபார் மட்டன் குருமா

இன்னைக்கு
ஸ்பெஷல் மலபார் மட்டன் குருமா..இது வந்து கொஞ்சம் கிராம பக்கம் உள்ள
ஐட்டம், நாம கொஞ்சம் எக்ஸ்ட்ராவா முந்திரி கசகசா மட்டும் சேர்த்து
செய்யலாம்..

தேவையான பொருட்கள்..

மட்டன் ; 1/2 கிலோ

அரைக்க வேண்டியது: கொஞ்சமா தண்ணீர் விட்டு கெட்டிய நல்ல அரைக்கணும்.
தேங்காய் ; 1 கப்
கசகசா - 1 பெரிய ஸ்பூன்
முந்திரி - 10
சோம்பு - 1 சின்ன ஸ்பூன்
பட்டை, கிராம்பு - கொஞ்சம்

அம்மியில் இடிக்க வேண்டியது..
இஞ்சி - 50 கிராம்
பூண்டு - 50 கிராம்

மற்றும்:
பெரிய வெங்காயம் - 2
தக்காளி - 1
பச்சை மிளகாய் - 5 இரண்டாக நறுக்கியது
மிளகைதூள் - தேவைக்கு
மல்லி தூள் - 3 ஸ்பூன்

செய்முறை:

மட்டனை உப்பு போட்டு வேகவைக்கவும்..

முதலில் எண்ணெய் விட்டு கடுகு தாளித்து பூண்டு, கொஞ்சம் பெரிய வெங்காயம் பொன்னிறமாக வறுத்து தனியாக எடுத்து வைக்கவும்.

மீண்டும் சிறிது எண்ணெய் விட்டு வெங்காயம், மிளகாய், இஞ்சி கறிவேப்பிலை, போட்டு நன்றாக வதக்கவும்.

அதில் மிளகாய், மல்லித்தூள், மஞ்சள் தூள் போட்டு 2 நிமிடம் வதக்கி, மட்டன் போட்டு கிளறவும்.

அரைத்த
தேங்காய் விழுது போட்டு, தக்காளி, உப்பு சரி பார்த்து தேவையான தண்ணீர்
ஊற்றி சரியாக 10 நிமிடம் மட்டும் வைக்கவும். ( அதற்கு மேல வைத்தால்
தேங்காய் வேலையை காட்டும்)

கடைசியாக வதக்கி வைத்துள்ள வெங்காயம், பூண்டு சேருங்கள்.

கொஞ்சம் தேங்காய் எண்ணெய் சூடு பண்ணி குருமாவின் மேல் ஊற்றி 2 நிமிடம் மூட்டி வைக்கவும்.