அக்டோபரில் வங்கிகளுக்கு 5 நாள் தொடர் விடுமுறை: பணப் பரிவர்த்தனைகள் பாதிக்கும்

**ayyasamy ram** · **ayyasamy ram** Tue 27 Sep 2016 - 23:48

அக்டோபர் மாதம் 8-ம் தேதி முதல் 12-ம் தேதி வரை வங்கிகளுக்கு 5 நாள் தொடர் விடுமுறை வருகிறது. இதனால், வங்கி பணப் பரிவர்த்தனைகள் பாதிக்கும் நிலை ஏற்பட்டுள்ளது.

வரும் அக்டோபர் 10-ம் தேதி திங்கள்கிழமை ஆயுதபூஜை பண்டிகையும், 11-ம் தேதி விஜயதசமியும், 12-ம் தேதி மொகரம் பண்டிகையும் கொண் டாடப்படுகிறது. இதனால் 3 நாட்கள் வங்கிகளுக்கு விடுமுறை அறிவிக்கப்பட்டுள்ளது. மேலும், 8-ம் தேதி இரண்டாவது சனிக் கிழமை என்பதாலும், மறுநாள் 9-ம் தேதி ஞாயிற்றுக்கிழமை என்பதாலும் வங்கிகளுக்கு விடுமுறை தினமாகும். இதனால் வங்கிகளுக்கு தொடர்ந்து 5 நாள் தொடர் விடுமுறை வருகிறது.

இதனால் வங்கிப் பணப் பரிவர்த்தனைகள் பாதிக்கும் நிலை ஏற்பட்டுள்ளது. அத்துடன் ஏடிஎம் மையங்களிலும் பணத்தட்டுப்பாடு ஏற்படும் அபாயம் ஏற்படும்.

இதுகுறித்து, வங்கி அதிகாரி ஒருவர் கூறியதாவது:

வங்கிகளுக்கு ஆயுத பூஜை, விஜயதசமி மற்றும் மொகரம் பண்டிகைக்கு 3 நாள்தான் விடுமுறை. ஆனால், அதற்கு முன்பாக சனி மற்றும் ஞாயிற்றுக் கிழமை வருவதால் தொடர்ந்து 5 நாட்கள் விடுமுறை அளிக்கும் நிலை ஏற்பட்டுள்ளது.

எனினும், விடுமுறை நாட்களில் வாடிக்கை யாளர்கள் பாதிக்காத வகையில் அனைத்து ஏடிஎம் மையங்களிலும் போதிய அளவு பணம் இருப்பில் வைக்கப்படும்.

மேலும், தற்போது பெரும் பாலான வங்கிகளின் வெளியே பணம் செலுத்துவதற்கும், பாஸ் புத்தகத்தை பதிவு செய்வதற்கும் இயந்திரங்கள் வைக்கப்பட்டுள்ளன. எனவே பொதுமக்கள் எளிதாக பணத்தை செலுத்தலாம். அத்துடன், வங்கி விடுமுறை நாட்களில் ஆன்-லைன் சேவை செயல்படும்.

இவ்வாறு அந்த அதிகாரி கூறினார்.
-
தி இந்து

சிவனாசான் · சிவனாசான் Wed 28 Sep 2016 - 8:07

நல்ல தகவல். நாமே பணம் போட எடுக்கத்தான் வசதிகள் உள்ளனவே>

Ramalingam K · Ramalingam K Wed 28 Sep 2016 - 9:55

விடுமுறை குறித்து ஒரு விண்ணப்பம் !

நம் பாரத தேசம் போன்ற வேற்றுமையில் ஒற்றுமை காணும் கலாச்சாரத்தில் அனைத்துப் பண்டிகைகளுக்கும் பொது விடுப்பு தேவைதானா என்பதை மறு பரிசீலனை செய்யலாம் !

இம்முறையால் விழா கொண்டாட்டத்தில் பங்கேற்காதவர்களுக்கு விடுப்பு என்பது ஒரு திணிப்பாகிவிடுகிறது.

அரசு தேசிய விடுமுறைதினங்கள் மூன்றைத் தவிர்த்து, வருடத்தில் எஞ்சிய 13 பண்டிகைப் பொது விடுமுறை நாட்களையும் அவரவர் தற்செயல் விடுப்பில் சேர்த்தால், பண்டிகைகளையும் கொண்டாடலாம். பொதுச் சேவையும் பாதிக்காது.

இக்கருத்திற்குக் கல்விச் சாலைகள் தளர்த்தப்படலாம்.

Ramalingam K · Ramalingam K Wed 28 Sep 2016 - 10:00

ஆனால் ஐயா ,

இந்த இயந்திர வாய்ப்புக்களைப் பயன்படுத்த நம் சின்னபாப்பா பாட்டிக்கும் , செங்கேனி தாத்தாவுக்கும் தெரியாதே

**T.N.Balasubramanian** · **T.N.Balasubramanian** Wed 28 Sep 2016 - 10:30

நம் நாட்டில் , வளரும் நாட்டில் , கிடைத்திடும் விடுமுறைகள் அதிகம் அதிகம் .
ஜப்பான் போன்ற நாடுகளில் 5 நாட்களே தேசிய/ பண்டிகை விடுமுறைகள்.
அதைத்தவிர 12 நாட்கள் ,விருப்பம் போல் எடுத்துக்கொள்ளலாம் .
ஆகவே அலுவலக பணிகள் ஸ்தம்பிக்காது.
5 நாட்கள் லீவு என்றால் ,முதல் நாளே , வேலைகள் மந்தகதியில் செல்லும் .
அல்லது செல்லவே செல்லாது . 1/2 நாள் அனுமதி வேறு .
லீவு முடிந்து வந்தவுடன் வேலை செய்ய தோன்றாது . ரெகுலர் வேலை செய்ய ஒரு நாள் பிடிக்கும் .

ரமணியன்

**ayyasamy ram** · **ayyasamy ram** Wed 28 Sep 2016 - 10:59

Ramalingam K wrote:ஆனால் ஐயா ,

இந்த இயந்திர வாய்ப்புக்களைப் பயன்படுத்த நம் சின்னபாப்பா பாட்டிக்கும் , செங்கேனி தாத்தாவுக்கும் தெரியாதே

மேற்கோள் செய்த பதிவு: 1222945
-

காலத்தின் கட்டாயத்தால் அவர்களும்
தெரிந்து கொள்வார்கள்...!!
-
தற்போது சமையல் காஸ் தேவைக்கு
கைப்பேசி மூலம்தான் பதிய வேண்டும் என்கிற
நடைமுறை வந்து விட்டது
-
கிராம மக்களும் அவ்வாறே பதிகிறார்களே...!!
-

Sponsored content · Sponsored content

அக்டோபரில் வங்கிகளுக்கு 5 நாள் தொடர் விடுமுறை: பணப் பரிவர்த்தனைகள் பாதிக்கும்

அக்டோபரில் வங்கிகளுக்கு 5 நாள் தொடர் விடுமுறை: பணப் பரிவர்த்தனைகள் பாதிக்கும்

Re: அக்டோபரில் வங்கிகளுக்கு 5 நாள் தொடர் விடுமுறை: பணப் பரிவர்த்தனைகள் பாதிக்கும்

Re: அக்டோபரில் வங்கிகளுக்கு 5 நாள் தொடர் விடுமுறை: பணப் பரிவர்த்தனைகள் பாதிக்கும்

Re: அக்டோபரில் வங்கிகளுக்கு 5 நாள் தொடர் விடுமுறை: பணப் பரிவர்த்தனைகள் பாதிக்கும்

Re: அக்டோபரில் வங்கிகளுக்கு 5 நாள் தொடர் விடுமுறை: பணப் பரிவர்த்தனைகள் பாதிக்கும்

Re: அக்டோபரில் வங்கிகளுக்கு 5 நாள் தொடர் விடுமுறை: பணப் பரிவர்த்தனைகள் பாதிக்கும்

Re: அக்டோபரில் வங்கிகளுக்கு 5 நாள் தொடர் விடுமுறை: பணப் பரிவர்த்தனைகள் பாதிக்கும்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக