மத்தியப் பிரதேச எம்.பி. ஆகிறார் இல.கணேசன்

**ayyasamy ram** · **ayyasamy ram** Tue Sep 27, 2016 10:17 pm

இல.கணேசன் | கோப்புப் படம்.
பாஜக மூத்த தலைவரும், தேசிய செயற்குழு
உறுப்பினருமான இல.கணேசன், மத்தியப் பிரதேசத்தில்
இருந்து மாநிலங்களவை உறுப்பினராக தேர்வாகிறார்.

மத்தியப் பிரதேசத்தில் காலியாகும் ஒரு மாநிலங்களவை
இடத்துக்கு தமிழகத்தைச் சேர்ந்த பாஜக மூத்த தலைவர்
இல.கணேசன் வேட்பாளராக அறிவிக்கப்பட்டுள்ளார்.
அங்கு பாஜகவுக்கு பெரும்பான்மை இருப்பதால் அவர்
வெற்றி பெறுவது உறுதியாகி உள்ளது.

50 ஆண்டுகளுக்கும் மேலாக பொதுவாழ்வில் இருக்கும் அவர்,
முதல்முறையாக எம்.பி.யாவது குறிப்பிடத்தக்கது.

இது தொடர்பாக இல.கணேசன் பேசுகையில், ''மத்தியப்
பிரதேசத்தில் இருந்து எம்.பி.யானாலும் நான் தமிழகத்தைச்
சேர்ந்தவன். தமிழகத்தின் நலன்களுக்காக எப்போதும் குரல்
கொடுப்பேன்'' என்றார்.
-
----------------------------------
தி இந்து

Ramalingam K · Ramalingam K Tue Sep 27, 2016 10:23 pm

நமது கணேசன் ஐயாவிற்கு வேண்டியது முதலில் தேச நலம். அதை அவர் சரியாகக் கவனிப்பாராகில் அதுவே நமது தேசத்தின் அங்கமாகும் தமிழ்மாநிலத்திற்குத் தானாகவே வந்தமையும். உயர்ந்த இடத்திற்கேற்ப பரந்த மனப்பான்மை வேண்டும்.