தெரிந்த விலங்குகள் தெரியாத உண்மைகள்

**ayyasamy ram** · **ayyasamy ram** Tue 27 Sep 2016 - 19:44

-

ஒவ்வொரு விலங்குக்கும் ஒரு தனித்துவம் உள்ளது.
எடை மற்றும் புத்தித் திறனுக்கு ஏற்ப ஒவ்வொரு
விலங்குக்கும் சுவாரஸ்யமான ஆளுமைத்திறனும்
உண்டு. உங்கள் புருவத்தை உயர்த்தச் செய்யும்
அப்படிப்பட்ட சில சுவாரஸ்யமான விலங்கியல்
உண்மைகள் இதோ!
-
1. நாய்க்குட்டிகள் இணைந்து விளையாடும்போது,
தான் வெல்லக்கூடிய உடல் வலிமை இருந்தும்,
பெண் குட்டிகளை அதிக முறை ஜெயிக்க விடுமாம்
ஆண் குட்டிகள்!

2. வண்ணத்துப்பூச்சிகளால் சிவப்பு, பச்சை மற்றும்
மஞ்சள் நிறங்களை மட்டுமே பார்க்க இயலும்.
-
3. ஒரு தேளின் மீது மிகச் சிறு துளி மதுவை (ஆல்கஹால்)
வைத்தாலும், அது தன் நிலையிழந்து தன்னைத் தானே
அளவுக்கு அதிகமாகக் கொட்டிக் கொண்டு மரணிக்கும்.
-
4. கோழிக் குஞ்சுகள் முட்டையில் இருந்து பொரிந்து வரும்
முன்னரே, ஒரு விசேஷ ஒலி அதிர்வு கள் மூலம் தாய்
கோழி மற்றும் பிற கோழிக் குஞ்சுகளுடனும் தொடர்பு
கொள்ள இயலும்.
-
5. தண்ணீர் இருக்கும் இடத்தை கிட்டத்தட்ட 5 கிலோ மீட்டர்
வரை மோப்ப சக்தி மூலம் அறிய யானைகளால் முடியும்.
பெரும்பாலான யானைகள் ஒரு நீலத் திமிங்கலத்தின்
நாக்கை விடக் குறைவான எடை கொண்டவை.

பாலூட்டி விலங்குகளில் யானைகள் மற்றும் திமில்
திமிங்கலங்களுக்கு (Hump back whales) மாதவிடாய்
ஏற்படுகிறது.
-
--------------------------------------
-

**ayyasamy ram** · **ayyasamy ram** Tue 27 Sep 2016 - 19:44

6. புலிகளின் மேல் காணப்படும் கோடுகள் அதன் மேற்பக்க
முடிகளின் மேல் மட்டுமல்லாது, உடலிலும் உள்ளன. இந்தக்
கோடுகள் ஒவ்வொரு புலிக்கும் தனித்தன்மையானதாக
அமைந்திருக்கும். ஒன்று போல கோடுகள் கொண்ட இரு
புலிகளைப் பார்க்க இயலாது!
-
7. கோழிகளின் காது மடல்கள் சிவப்பாக இருப்பின்,
அவை பழுப்பு முட்டைகளையும், வெளுப்பாக இருப்பின்
அவை வெண்மையான முட்டைகளையும் இடும்.
-
8. ஒரு பச்சோந்தி முற்றிலும் குருடாக இருப்பினும்,
தன் சூழலுக்கு ஏற்ப நிறங்களை மாற்றிக் கொள்ளும் திறன்
உடையது.
-
தெரிந்த விலங்குகள் தெரியாத உண்மைகள் JzlvRWvYTXiDX5iAXrCW+images(4)

தெரிந்த விலங்குகள் தெரியாத உண்மைகள் JzlvRWvYTXiDX5iAXrCW+images(4)

-

9. முதலைகளால் (alligators) பின்னோக்கி நகர இயலாது.
முதலையின் பிடியில் அகப்பட்டு விட்டால், நம் விரலால் அதன்
கருவிழியை பலம் கொண்ட மட்டும் அமுக்கினால், முதலை
உடனடியாக நம்மை விடுவிக்கும்.

10. சில விலங்குகள் மீதான பயம் பற்றிய அறிவியல் பெயர்...

காட்டு விலங்குகள்
மீதான பயம் - Agrizoophobia
கோழிகள் மீதான பயம் - Alektorophobia
பூனைகள் மீதான பயம் - Ailurophobia
மீன்கள் மீதான பயம் - Ichthyophobia
எலிகள் மீதான பயம் - Suriphobia
சிலந்திகள் மீதான பயம் - Arachnophobia.
-
-----------------------------------
வித்யா குருமூர்த்தி
நன்றி- குங்குமம் தோழி