மெகா இட்லி!

by **ayyasamy ram** Mon 26 Sep 2016 - 7:26

-
இட்லி எந்த அளவில் இருக்கும் என்பது நம் எல்லாருக்கும்
தெரியும். ஆனால், தோசை அளவிலான இட்லியை பார்த்து
இருக்கிறீர்களா?

பாலக்காட்டிலிருந்து கோவை செல்லும் சாலையில் உள்ளது
ராமசேரி எனும் ஊர்; இங்கு பாக்யலட்சுமி என்ற பெண்,
இட்லி கடை வைத்துள்ளார். இவர், ஒரு பெரிய பானையில்
தண்ணீர் ஊற்றி, அதன் வாயை துணியால் கட்டி. தண்ணீர்
கொதிக்கும் போது, இட்லி மாவை, துணியில், தோசை
அளவிற்கு ஊற்றுகிறார்.
சிறிது நேரத்தில், மெகா சைஸ் இட்லி தயார்.

இந்த இட்லிக்கு, ஏராளமான வாடிக்கையாளர்கள் இருக்கின்றனர்.
–
————————————————
—ஜோல்னா பையன்.

by **மாணிக்கம் நடேசன்** Mon 26 Sep 2016 - 12:29

அது சரி ஐயா, நீங்க இந்த இட்லிய சாப்பிட்டீங்களா? சுவை எப்படி?

by **M.Jagadeesan** Mon 26 Sep 2016 - 12:36

ஒரு இட்டலி சாப்பிட்டாலே வயிறு நிரம்பிவிடும்போல இருக்கிறது . மிளகாய்ப்பொடி , சாம்பார் , சட்னி எல்லாம் காணோமே !

by **T.N.Balasubramanian** Mon 26 Sep 2016 - 19:40

1955 களில் சென்னை தங்க சாலை / GMTTV ஸ்கூல் அருகில் கருணாஸ் க ஃ பெ என்று ஒன்று இருந்தது .
அதில் இட்லி சிறிது பெரிதாகவே இருக்கும் .

ரமணியன்

by **M.Jagadeesan** Mon 26 Sep 2016 - 20:33

இப்பொழுதெல்லாம் பொடி இட்டலி வந்துவிட்டது. சாம்பாரில் ஊறவைத்துத் தருகிறார்கள் . மிகவும் சுவையாக இருக்கிறது .

by **ராஜா** Wed 28 Sep 2016 - 19:03

T.N.Balasubramanian wrote:1955 களில் சென்னை தங்க சாலை / GMTTV ஸ்கூல் அருகில் கருணாஸ் க ஃ பெ என்று ஒன்று இருந்தது .
அதில் இட்லி சிறிது பெரிதாகவே இருக்கும் .

ரமணியன்

நீங்கள் ஒரு வரலாற்று பொக்கிஷம் ஐயா புன்னகை

by **M.Jagadeesan** Wed 28 Sep 2016 - 19:59

இட்டலி எல்லோருக்கும் பிடித்தமான உணவு . உடலுக்கு நல்லதும் கூட .

பாவையின் கன்னம்போல் மென்மையான இட்டலி
...பார்த்தாலே நாவூறும் சுவையான இட்டலி
தேவா மிர்தமும் இட்டலிக்கு ஈடாமோ ?
...தேங்காய்ச் சட்டினியும் , பருப்பு சாம்பாரும்
பூவான இட்டலிமேல் நல்லெண்ணெய் கலந்த
...பொடியையும் சேர்த்து சாப்பிட்டால் ஆஹா !
மூவாசை வென்ற முனிவரும் யோகியரும்
...துறப்பரோ இட்டலிமேல் அவர்கொண்ட காதல் !

by **T.N.Balasubramanian** Wed 28 Sep 2016 - 20:28

மிளகாப்பொடியுடன் நெய் ஊற்றி ( அந்த காலத்தில் நாதன்ஸ் க ஃ பெ ,தி நகர் ,உண்ட அனுபவம் )
சாப்பிடுவதும் நன்றாகவே இருக்கும் .

ரமணியன்

by **M.Jagadeesan** Wed 28 Sep 2016 - 20:41

ஐயா !

உங்கள் Combination சரியாகப் படவில்லை .

மிளகாய்ப்பொடிக்கு நல்லெண்ணெய் நண்பன்
பருப்பு சோறுக்கு நெய் நல்ல நண்பன் .
தயிர் சாதத்திற்கு ஊறுகாய் நண்பன் .
சாம்பார் சாதத்திற்கு அப்பளம் நல்ல நண்பன் .

நாதென்ஸ் கேப் தி.நகரில் எங்குள்ளது ?

by **T.N.Balasubramanian** Wed 28 Sep 2016 - 20:48

அய்யா , ருசி ஆளுக்கு ஆள் ,மாறும் .
கேட்பவர் இருந்ததால் தானே ,நெய்யும் கிடைத்தது .
விருந்தில் , பாயாசத்துடன் வாழைப்பழம் ,பிசைந்து சாப்பிடுபவரும் உண்டு .
பாயசம் +வாழைப் பழம் +பொரித்த அப்பளம் சாப்பிடுபவரும் உண்டு .
பாயசம் தனியாக சாப்பிடுவதுதான் ருசி என்பவர்களும் உண்டு .

நாக்கில் படும் அளவே ருசி ,அதன் பிறகு எல்லாமே ஒன்றுதான் .

ரமணியன்