நீதியைத் தேடி ! - கவிதைகள்

**ayyasamy ram** · **ayyasamy ram** Fri Sep 23, 2016 9:54 am

நீதியைத் தேடி ! கவிஞர் இரா .இரவி!
-
நீதியைத் தேடி ! - கவிதைகள் 1k9BDciuQPSmkuvJZ2va+Lady-Justice-Statue

நீதியைத் தேடி அலைய வேண்டிய காலம் வந்தது
நீதிக்காக உயிர் துறந்த மன்னன் வாழ்ந்த பூமி இது !

தவறு செய்திட்ட மன்னனுடன் ராணியும் சேர்ந்து
தன் உயிரை மாய்த்திட்ட மாண்புள்ள பூமி இது !

குடிமக்களுக்கு மட்டுமல்ல பசு வந்து மணியடித்ததும்
கேட்டு அறிந்து நீதி வழங்கிய மண் நமது மண் !

தவறும் செய்தது தன் மகன் என்றும் தெரிந்தும்
தண்டனை வழங்கிய மன்னன் வாழ்ந்த பூமி இது !

புறாக்களுக்காக தன் சதையை அறுத்து வழங்கிய
பண்டைய மன்னன் வாழ்ந்த வசந்த பூமி இது !

தாமதமான நீதியும் அநீதி என்று அறிவித்த
தேசம் நம் அழகிய தேசம் என்பதை உணர்வோம் !

கோடிகள் திருடிய கேடிகள் எல்லாம் நம் நாட்டில்
கைதாகி பிணையில் வெளி வந்து விடுகின்றனர் !

பசியின் கொடுமையால் ரொட்டி திருடிய ஏழையோ
பாழும் சிறையில் பரிதவித்து வருகிறான் !

பணக்காரனுக்கு ஒரு நீதியும் நம் நாட்டில்
பாமரனுக்கு ஒரு நீதியும் வழங்குதல் முறையோ ?

நடிகர் மது அருந்தி மகிழுந்து ஒட்டி கொலை செய்தார்
நிரபராதி என்று விடுதலையாகி விட்டார் !

நீதி தேவதையின் கண்ணில் கறுப்புத் துணி
கட்டியதன் காரணம் என்ன தெரியுமா ?

பணக்காரன் ஏழை என்ற பாரபட்சமின்றி
பார்க்காமலே நீதி வழங்க வேண்டும் என்பதற்குத்தான் !

குற்றவாளியை குற்றமற்றவர் என்றும்
குற்றமற்றவரை குற்றவாளி என்றும் கூறுவதை !

நீதி தேவதை கண்டு கொள்ளாமல் இருக்க
நீதி தேவதைக்கு கட்டவில்லை கருப்புத்துணி !

ஒரு அறிஞர் பகலில் கையில் விளக்குடன்
ஒரு மனிதனாவது தென்படுவானா எனது தேடினார் !

இன்று நம் காலத்தில் நீதி கிடைக்குமா
என்று தேடி அலைய வேண்டிய அவல நிலை !

இன்றும் கண்ணியமான நீதிமான்கள் பலர் உள்ளனர்
இழிவான கண்ணியமற்றவர்களும் சிலர் உள்ளனர் !

கருப்பு ஆடுகளை உடன் களை எடுப்போம்
கண்ணியமானவர்களுக்குக் கரம் கொடுப்போம் !

–

நன்றி- கவிதைமணி

**ayyasamy ram** · **ayyasamy ram** Fri Sep 23, 2016 9:54 am

நீதியைத் தேடி: - வேலூர். மூ.மோகன்.
-

ஊரெல்லாம் சாத்தான்களின்
உற்சாகக் கொண்டாட்டம்!
தீராத வியாதியாய் எங்கும்
தொடர்ந்திடும் போராட்டம்!

பகலெல்லாம் தீவிர நோட்டமிட்டு,
பாதுகாப்புக்கு 'ஹெல்மெட்' போட்டு,
'புல்லட்'டில் மெல்ல அருகில் வந்து -
பறந்திடுவார் தங்கச்சங்கிலி பறித்து!

பள்ளிவிட்டு வந்த செல்லமகள்
செல்லரித்த சோகச் சித்திரமாய்...
சொல்லிலே வடிக்கவே நா கூசும்
சாத்தானின் மன்மத அட்டகாசம்!

காதலை ஏற்று, பச்சைக்கொடி
காட்டாவிட்டால் கன்னியருக்கு -
காலனாகும் ஒருதலைக் காதலனின்
கொடூர கந்தக 'அமில வீச்சு'!

நாட்டையே சூறையாடி நாளும்
கோடிகளில் உருண்டு புரளும்
'நச்சுக் கிருமி'கள் செத்தொழிய
நம்மிடமில்லை 'கிருமி நாசினி'!

கலி முற்றும் காலம் நம்மை
காத்தருள வேண்டிய நம்மூர்
'காவல் தெய்வங்களே' இன்று
'கையூட்டின்' மயக்கத்தில்!

ஆதாரம் இல்லை யெனில்
'அக்மார்க்' குற்றவாளியே சர்வ
சாதாரணமாய் தப்பிக்கலாம்
சட்டத்தின் ஓட்டை வழியே!

நியாயத் தராசு சில நேரம்
நிலை தடுமாறித் தள்ளாடுது!
நீதி தேவதையே சமயத்தில்
நீதியைத் தேடிச் செல்லுது!-
-
நன்றி- கவிதைமணி

**ayyasamy ram** · **ayyasamy ram** Fri Sep 23, 2016 9:55 am

நீதியைத்தேடி: மீனாள் தேவராஜன்
-
எளியாரை வலியார் வாட்டி வதைக்கும்
இல்லாரை இருப்பார் தொல்லைப்படுத்தும்
எத்தன்ஏமாளியைஏய்த்துப் பிழைக்கும் –இந்நாள்
பேதையர்நீதியைத்தேடிச்செல்வழியேது??

கொலை கொள்ளைகற்பழிப்பு இழிச்செயல்
பல்செய்கயவர் தஞ்செயல் மறச்செயலென்று
பொய்வாதிட்டு மன்றேறி வெல்லும்–இந்நாள்
மெய்யர்நீதியைத்தேடிச்செல்வழியேது?

காதலனே காதலியைக் கொலைபுரியும்
சாதகம் செய்காவலரே பாதகம் செய்யும்
மனங்கடியவர் கொடுவினை செய்யும் – இந்நாள்
நன்றுசெய்யர்நீதியைத்தேடிச்செல்வழியேது?

நன்றி- கவிதைமணி

Sponsored content · Sponsored content

நீதியைத் தேடி ! - கவிதைகள்

நீதியைத் தேடி ! - கவிதைகள்

Re: நீதியைத் தேடி ! - கவிதைகள்

Re: நீதியைத் தேடி ! - கவிதைகள்

Re: நீதியைத் தேடி ! - கவிதைகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக