சென்னையில் 26ம் தேதி திருப்பதி திருக்குடை கவுனி தாண்டுகிறது

--
சென்னை:
திருப்பதி திருக்குடைகள் சேவா சமிதி அறக்கட்டளை
மற்றும் விஸ்வ இந்து பரிஷத் சார்பில் ஒவ்வொரு
ஆண்டும் சென்னையில் இருந்து 21 திருக்குடைகள்
உபய உற்சவ ஊர்வலமாக சென்று திருப்பதி
தேவஸ்தானத்திடம் ஒப்படைக்கப்படுகிறது.

இந்தாண்டு சென்னை பாரிமுனையில் உள்ள சென்ன
கேசவபெருமாள் கோயிலில் இருந்து 21 திருக்குடைகள்
விசேஷ பூஜைகளுடன் வரும் 26ம் தேதி காலை
10 மணியளவில் தாரை, தப்பட்டை, மேளதாளங்கள்
முழங்க ஊர்வலமாக புறப்படுகிறது.

ஊர்வலத்தில் ஓய்வுப் பெற்ற ஐஏஎஸ் அதிகாரி சிவகுமார்,
முன்னாள் டிஜிபி பெருமாள், ராதாகிருஷ்ணன், டி.டி.கணேஷ்,
வேதானந்தா, அழகப்பா கல்விக் குழும இயக்குநர் நரேஷ்குமார்,
விஎச்பி வாசுதேவன் உட்பட ஏராளமான பக்தர்கள் கலந்து
கொள்கின்றனர்.
அன்று மாலை 4 மணிக்கு யானைகவுனியை தாண்டுகிறது.

அன்று இரவு அயனாவரம் காசி விஸ்வநாதர் ஆலயத்தில்
திருக்குடைகள் தங்குகின்றன.27ம் தேதி, ஏகாங்கிபுரம்
பெருமாள் கோயிலில் திருக்குடைகளுக்கு விசேஷ பூஜைகள்
நடைபெற்று புறப்படுகிறது. அன்று இரவு ஆவடி கல்யாணராமர்
கோயிலில் தங்குகிறது.

28ம் தேதி, ஆவடி சிவா-விஷ்ணு ஆலயத்தில் சிறப்பு
பூஜைகளுடன் திருக்குடைகள் புறப்படுகின்றன. அன்றிரவு
திருவள்ளூரில் திருக்குடைகள் தங்குகின்றன.

காலை 7 மணிக்கு திருவள்ளூரில் இருந்து புறப்பட்டு, சித்தூர்,
திருச்சானூர் வழியாக திருமலைக்கு சென்று அடைகின்றன.
அங்கு திருக்குடைகளுக்கு சிறப்பு பூஜைகள் நடைபெற்று
தேவஸ்தானத்திடம் ஒப்படைக்கப்படுகிறது.

அங்கு 30ம் தேதி நடைபெறும் பிரமோற்சவத்தில் திருக்குடைகள்
பவனி வருகின்றன.இதற்கான ஏற்பாடுகளை திருக்குடை சேவா
சமிதி டிரஸ்டின் நிர்வாக அறங்காவலர்கள் ராமலிங்கம்,
தணிகைவேல், சீனிவாசன் ஆகியோர் செய்துள்ளனர்.
-
------------------------------------------------
தினகரன்

நன்றி ஐயாசாமி அவர்களே !

இந்த நேரத்தில் நாளிதழ் நடை பற்றி நான் ஒன்றைக் குறிப்பிட வேண்டும் !

‘இந்தாண்டு’ - என எழுதுவது தவறு !

‘இந்த ஆண்டு’ - என்றுதான் எழுத வேண்டும் !

‘இந்த ஆண்டு’ - என்றுதானே முன்பு எழுதிவந்தார்கள்?

ஏன் பிறகு தமிழைச் சிதைக்கும் முயற்சி?

இதைச் சொல்வதற்கு, நீங்கள் வாய்ப்புத் தந்துள்ளீர்கள் ; நன்றி !

மேலும் சில தவறுகளும் திருத்தங்களும்...

ஒவ்வொரு ஆண்டும்  என்பது ஒவ்வோர் ஆண்டும் என்று இருக்கவேண்டும் .

ஓய்வுப்பெற்ற என்பது ஓய்வு பெற்ற என்று இருக்கவேண்டும் . " ப் " ஒற்று தேவையில்லை .

திருக்குடைகள் " தங்குகிறது " ,  " புறப்படுகிறது " , " ஒப்படைக்கப்படுகிறது " என்று ஒருமைக்குரிய வினை ஏற்காமல் " தங்குகின்றன " , " புறப்படுகின்றன " , " ஒப்படைக்கப்படுகின்றன " என்று பன்மைக்குரிய வினை ஏற்றல் பொருத்தமானது .