நான் இரசித்த பாடல் - 3

Guest · Guest Fri 30 Sep 2016 - 22:55

நல்லதோர் வீணை செய்தே...........திலங்க் இராகத்தில் அமைந்த பாரதியாரின் இந்த பாடலை , வறுமையின் நிறம் சிவப்பு என்ற திரைப்படத்தில் S.P.பாலசுப்பிரமணியம் பாடியிருந்தார். இசை M.S.விஸ்வனாதன்.

இதே பாடலை -மறுபடியும்-(இது இந்தியில் வந்த மகேஷ் பட் என்ற படத்தின் தமிழ் வடிவமாகும்) என்ற படத்தில் S.ஜானகி பாடி இருந்தார். இசை இளையராசா.

பாரதியின் இந்தப் பாடல் உருவான கதையின் பின்புலத்தை, பாரதி சில நினைவுகள், என்ற பாரதியார் குறித்த வரலாற்று நூலை எழுதிய யதுகிரி அம்மாள், இப்படிச் சொல்கிறார்.

இந்த நாளில் என் பெரிய தம்பி இறந்துவிட்டான். இரண்டு வயதுக் குழந்தை. சாதாரண சீதபேதி; பலவித மருந்துகள் கொடுத்தும் குணம் அடையவில்லை; குழந்தை போய்விட்ட அதிர்ச்சியில் என் தந்தை மனம் இடிந்துவிட்டார். சுதேசிக் கப்பலுக்காகக் கணக்கற்ற பணம் கை விட்டுப் போனபோதும், 'இந்தியா’ பத்திரிகை நிறுத்தப்பட்ட போதும், அரசாங்கம் பல கொடுமைகள் செய்தபோதும் சளைக்காது தைரியமாகவே இருந்தார்.

இந்தச் சம்பவம் நோயாளியை மேல் எறிந்து கலக்கியதைப் போல் அவரை மிகவும் துர்ப்பலமாக்கிவிட்டது. இந்தத் துக்கம் வந்த சமயத்தில் ஐயர், பாரதியார் இருவரும் இடைவிடாமல் அவரோடு பேசிக்கொண்டும் சதுரங்கம் ஆடிக்கொண்டும் பகலைக் கழிப்பார்கள். சாயங்காலம் நாலு மணிக்கு அரவிந்தரின் வீட்டிற்குப் போய் வேதம் உபநிஷதம் இவைகளைச் சிந்தனை செய்வார்கள். இரவு பத்து மணி, பதினொரு மணிக்கு வருவார்கள்.

குழந்தை இறந்த அன்று அதை அடக்கம் செய்துவிட்டு இரண்டு மணிக்கு எல்லோரும் வீடு திரும்பினார்கள். பாரதியாருக்கு ஒன்றும் வேண்டியிருக்கவில்லை. வயிற்றில் மிகவும் சங்கடப்படுத்தியது. கேட்பன- என்ற தலைப்பில் நொண்டிச் சிந்து மெட்டில் ‘நல்லதோர் வீணை செய்தே’ என்ற பாடலைப் பாடினார். குழந்தைகளான எங்களுக்கு அதைப் பாடிக் காட்டினார்.

இந்த யதுகிரி அம்மாள் யார்?

யதுகிரி புதுச்சேரியில் சுதேசிகளுக்கு உதவி வந்த மண்டையம் ஸ்ரீ ஸ்ரீநிவாசாச்சாரியார் அவர்களின் புதல்வி. இவர் தான் பாரதியாரை ஆசிரியராகக் கொண்டு இந்தியா பத்திரிக்கையை ஆரம்பித்தவர். யதுகிரி பாரதியின் வீட்டில் மூன்றாவது குழந்தையாகவே கருதப்பட்டார்.

பாரதியார் அடிக்கடி யதுகிரியின் வீட்டிற்கு வருவார். அப்போது தான் எழுதிய பாடல்களைப் பாடிக்காட்டுவார். அவற்றை யதுகிரி தனது குறிப்புப் புத்தகத்தில் குறித்துக் கொள்வார். இப்படியாக பாரதியின் பாடல்களும் அவை தோன்றிய சூழல் குறித்தும் யதுகிரி அம்மாள் நன்றாக அறிந்திருந்தார். 1939 ஆம் ஆண்டு பாரதி சில நினைவுகள் எனும் நூலை யதுகிரி எழுதினார்.

இந்நூல் வெளியான போது அதைப்பார்க்க யதுகிரி அம்மாள் உயிருடன் இல்லை.

**Dr.S.Soundarapandian** · **Dr.S.Soundarapandian** Sat 1 Oct 2016 - 19:41

**T.N.Balasubramanian** · **T.N.Balasubramanian** Sat 1 Oct 2016 - 20:18

அருமை

ரமணியன்

Sponsored content · Sponsored content

நான் இரசித்த பாடல் - 3

நான் இரசித்த பாடல் - 3

Re: நான் இரசித்த பாடல் - 3

Re: நான் இரசித்த பாடல் - 3

Re: நான் இரசித்த பாடல் - 3

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக