நான் இரசித்த பழைய பாடல்- அன்றும் இன்றும்

Guest · Guest Sat Sep 17, 2016 11:17 pm

கிடைக்கும் சிறிய ஓய்வு நேரத்தில் மன அமைத்திக்கும், மனத்தை ஒரு நிலைப்படுத்தவும் ஒரு வழி, பழைய பாடல்கள் எனலாம்.என்.எஸ்.கே.தயாரிப்பில் உருவான மணமகள் படத்தில் அன்று எம்.எல்.வசந்தகுமாரியும், பி.லீலாவும் பாடிய,உடுமலை நாராயணகவியின் எல்லாம் இன்பமயம்......என்ற பாடல், சிம்மேந்திரமத்திமம் ,மோகனம், கிண்டோளம்,தர்பார் ஆகிய இராகங்களை(என எண்ணுகிறேன்,சரியாகத் தெரியவில்லை) அடிப்படையாகக் வைத்து பாடப்பட்டுள்ளது. நடிப்பு லலிதா, பத்மினி.

இதே பாடலை நித்தியசிறி மகாதேவனும் லாவண்யா சுந்தரராமனும் (DK.பட்டம்மாளின் நாலாம் தலைமுறை) இணைந்து பாடியுள்ளனர்.

எத்தனை முறை கேட்டாலும் தெவிட்டாத இனிமை.

Guest · Guest Sun Sep 18, 2016 12:52 am

சிறிது படம் பார்த்தேன். அதில் வரும் சில கருத்துகள்.................

அரிது அரிது மானிடராய் பிறத்தல் அரிது …...... மானிடராய் பிறத்தல் அரிதல்ல, பிறந்தபின் மனிதராய் வாழ்வது அரிது
மனம் உடையவன் தான் மனிதன்.அன்று மனம் அதிகமாகவும் புத்தி குறைவாகவும் இருந்தது, இன்றோ புத்தி அதிகமாகி மனம் குறைந்து விட்டது.

இன்னொன்றையும் கவனிக்கலாம். கறுப்பு வெள்ளைப் படம். தொழில் நுட்பம் வளராத காலம். ஆனாலும் வாயசைப்பும் பேச்சும் வேறாகத் தெரியவில்லை. இன்று தொழில் நுட்பம் வளர்ந்த காலம். தமிழ் தெரியாதவர்கள் நடிப்பதால் வாயசைப்பும் பேச்சும் வெகு தொலைவில் இருப்பதை காண முடிகிறது. வேறெதுக்கோ முக்கியத்துவம் கொடுப்பதால் தமிழ் சினிமாவின் நிலை இப்படி ஆயிற்று?

**T.N.Balasubramanian** · **T.N.Balasubramanian** Sun Sep 18, 2016 6:41 am

காலத்தால் அழியாத பாடல்கள் .
அர்பணிப்புதான் காரணம்
கவிஞர் , பாடியவர் ,பாடல் இயக்குனர், ஒளி பதிவாளர் ,ஒலி பதிவாளர்
மேலும் எடிட்டர் .......போன்று பலரின் அர்பணிப்புகள் .

நன்றி மூர்த்தி .

ரமணியன்

**M.Jagadeesan** · **M.Jagadeesan** Sun Sep 18, 2016 6:51 am

மிகவும் அருமையான பாடல் . எத்தனைமுறை கேட்டாலும் தெவிட்டாத தெள்ளமுது . கர்நாடக சங்கீதப் பின்னணியில் இப்போது பாட்டுக்கள் வருவதில்லை . யாருக்கும்புரியாத மொழியில் பாடல்கள் எழுதுகிறார்கள் . ஆளுமா டோலுமா பாடல்களைத்தான் இப்போது ரசிக்கிறார்கள் . ஆனால் இவையெல்லாம் காளான்கள்போல . வந்தவேகத்திலேயே மக்கள் மனதைவிட்டுப் போய்விடும் .

Ramalingam K · Ramalingam K Sun Sep 18, 2016 10:54 pm

பாடலும் பொருளும் அற்புதம். நடிப்பும் இயல்பாகவே இருந்தது.

இயற்கையின் படைப்பில் எல்லாமும் இன்பமயம்தான்.

பக்கத்து வீட்டிலிருந்து இரக்கத்தால் நம் செல்லமான அம்மாவுக்குக் கொடுக்கப்பட்ட அன்றைய உணவுக்கான அரிசியைக் காக்கைக் குருவிகளுக்குக் கொடுத்து இன்புற்ற நம் பாரதிக்கு எல்லாம் இன்பமயம்.

Sponsored content · Sponsored content

நான் இரசித்த பழைய பாடல்- அன்றும் இன்றும்

நான் இரசித்த பழைய பாடல்- அன்றும் இன்றும்

Re: நான் இரசித்த பழைய பாடல்- அன்றும் இன்றும்

Re: நான் இரசித்த பழைய பாடல்- அன்றும் இன்றும்

Re: நான் இரசித்த பழைய பாடல்- அன்றும் இன்றும்

Re: நான் இரசித்த பழைய பாடல்- அன்றும் இன்றும்

Re: நான் இரசித்த பழைய பாடல்- அன்றும் இன்றும்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக