கம்பன் காட்டும் கன்னல் தமிழ்

by Ramalingam K Fri Sep 23, 2016 10:49 pm

கம்பன் காட்டும் கன்னல் தமிழ்

இராமாயணத்தில் வரும் குகன் இராமனுக்கு மூத்தவனாகும் அண்ணனா அல்லது இளையவனாகும் தம்பியா !

குகன் இராமனுக்கு அண்ணந்தானாம். ஆம் சுந்தர காண்டம் – காட்சிப்படலப் பாடல் 23 இல் தெய்வமாக்கவி கம்பர் அப்படித்தான் குகனை நமக்கு அடையாளம் காட்டுகின்றார்

ஆழநீர்க் கங்கை அம்பி கடாவிய
ஏழை வேடனுக்கு, எம்பி நின்தம்பி, நீ
தோழன், மங்கை கொழுந்தி எனச் சொன்ன
வாழி நண்பினை உன்னி மயங்குவாள். ( சுந்தர காண்டம் - காட்சிப் படலம்-23)

ஸ்ரீராமன், கங்கைக்கரையில் குகனிடம் , இலக்குவணனைக் காண்பித்து “இவன் என் தம்பி – உனக்கும் தம்பி” என்கிறான்.

பின் தன் மனைவியைச் சுட்டி, “இம்மங்கை உன் கொழுந்தி” என்று அறிமுகப்படுத்துகிறான்.

கொழுந்தி என்றால் தம்பியின் மனைவி அல்லது தன் மனைவியின் தங்கை என்னும் பொருள் கொண்டது. இங்கு சீதா உன் கொழுந்தி என்றாதல் தம்பியின் மனைவி என்னும் பொருளில் இராமன் குகனுக்குத் தம்பி என்றதால் , குகன் ராம னுக்கு அண்ணன் தானே. ஸ்ரீராமனே தெரிவிப்பதாகக் கம்பன் காட்டும் கன்னல் தமிழ் யாவருக்கும் இனிப்பதுவே.

by Ramalingam K Sat Sep 24, 2016 6:38 am

கம்பன் காட்டும் கன்னல் தமிழ்

தங்கத்தின் உயர்விற்குத் தகரம் தேவைப்படுகிறது.
ஆம்.
வள்ளல்கள் வாழ வறியவர்கள் தேவைப்படுகிறார்கள்.

வறியவர்கள்தான் வள்ளல்களால் வாழ்கிறார்கள் என்பது - அஞ்ஞானம்.
வள்ளல்கள்தான் வறியவர்களால் வாழ்கிறார்கள் என்பது -மெய்ஞ்ஞானம்

“தெள் வார் மழையும். திரை ஆழியும் உட்க. நாளும்.
வள் வார் முரசம் அதிர் மா நகர் வாழும் மாக்கள்-
கள்வார் இலாமைப் பொருள் காவலும் இல்லை; யாதும்
கொள்வார் இலாமைக் கொடுப்பார்களும் இல்லை மாதோ.”- பால காண்டம் - நகரப்படலம் -72

அன்றைய அயோத்தி வள்ளல்களே இல்லாத நாடாக இருந்ததாம் - வறியவர்கள் இல்லாமையால்.

by **Dr.S.Soundarapandian** Tue Oct 18, 2016 8:41 pm

by Sponsored content

கம்பன் காட்டும் கன்னல் தமிழ்

கம்பன் காட்டும் கன்னல் தமிழ்

Re: கம்பன் காட்டும் கன்னல் தமிழ்

Re: கம்பன் காட்டும் கன்னல் தமிழ்

Re: கம்பன் காட்டும் கன்னல் தமிழ்