ஆமா இது தமிழ்நாடா??

**M.M.SENTHIL** · **M.M.SENTHIL** Thu Sep 22, 2016 1:12 am

ஆமா இது தமிழ்நாடா???
---------------------------------------

கொலை வழக்கில்
ஜெயில் சென்றவன்
கரண்டை கடித்து? சாகிறான்!!

கரண்டை கடித்தவன்தான்
குற்றவாளியென்று
முழுதாய் தீர்ப்பு வருமுன்னே
முடிந்தது அவன் வாழ்க்கை காண்!!

காவிரி நீருக்காய்
கன்னடன் அடிக்கிறான் தமிழனை,
கன்னடத்தில் பேசென்று,
தட்டிக்கேட்க திராணியற்ற
மீடியா திரும்ப திரும்ப
அதையே காட்டுகிறான்,
அவன் பொழப்புக்காக!!

அதுவும்,
தமிழில்
காவேரி தமிழ்நாட்டுக்கு
தர மறுக்க கன்னடன் யார் என்றும்,
கன்னடத்தில்
காவிரியை பங்கு போட
தமிழன் யார் என்றும்!!

ஆனாலும் ஒரு ஒற்றுமை
இரு தொலைக்காட்சிக்கும்
உரிமையாளன் ஒருவனே!!!!

குடித்துவிட்டு பயணித்தால்
சட்டம் கடமையை செய்யும்,
குடி கெடுக்கும் குடியை
அரசு வளர்த்து விடும்!!
ஆம்,
படிப்படியாய்த்தானே
மதுவிலக்கு!!!!

சொந்த காசை சேர்த்து வைத்து
சீட்டு நாட்டு போட்டு வச்சு
வங்கிக்கு கொண்டு போனான்
கல் உடைக்கும் ஆளொருவன்
பாதி நோட்டு கள்ள நோட்டு
கிழித்து எறிந்தான் வங்கி ஆள்!!

வேறொரு வங்கியில
பண்மெடுக்குற மெசினில
எடுத்த பணம்தான் அது
உரக்க கத்தியும்
எவனுக்கும் காது கேட்கல!!

கள்ள நோட்டு புழக்கத்துக்கு
கட்டிங்கெல்லாம் கரெக்டா
வந்திடுதா மந்திரிமாரே???

கூட்டு குடும்பமுறையில
வந்தவங்க நாமன்னு
வாய் கிழிய பேசிக்கறோம்,
ஆனாலும் கள்ளக்காதலால்
தினம் ஒரு கொலை!!!!

சீமெண்ண ஊத்தி
எறிஞ்சே செத்தான் ஒருத்தன்,
ஒரு பயனும் பக்கத்துல போகல!!

அரசியல் வியாபாரத்தில்
அப்பாவியின் உயிருக்கு
எத்தன லட்சமுன்னு,
செத்துப்போனவனோட
ஆவிய கூப்பிட்டுத்தான் கேட்கணும்!!

ஈழ தமிழன் குடி கெடுத்தவன்
மாளிகையில் சுகமாய் வாழ்கிறான்!!

நெறைய எழுத ஆவேசந்தான்
அநாகரிகமாய் போய்விடுமோ
என்ற அச்சமும் மனதில்!!

ஆமா,
இது தமிழ் நாடா??
ஏன் கேட்கிறேன் என்றால்,
தமிழ் வழிக் கல்வி
கிலோ என்ன வெலைன்னு
கேட்குறாங்க
பால் குடி மறவா கொழந்தைங்க!!

ஆமா,
கல்வி யாவாரத்துல
கமிஷனெல்லாம்
கரெக்டா வருதா மந்திரிமாரே???

# நமக்கு எதுக்கு வம்பு, இருக்கற எடம் தெரியாம இருந்துட்டுப் போயிறுவோம் #