பாராலிம்பிக் நிறைவு விழாவில் தேசிய கொடி ஏந்தும் வரலாற்று பேறுபெற்ற தங்கமகன் மாரியப்பன்

பாராலிம்பிக் நிறைவு விழாவில்  தேசிய கொடி ஏந்தும் வரலாற்று பேறுபெற்ற  தங்கமகன் மாரியப்பன்

ரியோவில் நடைபெற்ற மாற்றுத் திறனாளிகளுக்கான பாரா ஒலிம்பிக் போட்டியில் உயரம் தாண்டுதலில் தங்கம் வென்றவர் தமிழக வீரர் மாரியப்பன்.
சரித்திரம்   படைத்த  இவருக்கு இந்திய விளையாட்டு மேம்பாட்டு ஆணையம் 75 லட்சம் ரூபாய் பரிசுத்தொகை வழங்க இருக்கிறது. அத்துடன் தமிழக அரசு 2 கோடி ரூபாய் பரிசுத் தொகை வழங்கியுள்ளது.என்னுடைய இந்த வெற்றிக்கு  காரணம் பயிற்சியாளர் சத்யநாராயணா மற்றும் என் தாயின் அரவணைப்பு மட்டுமே என நெகிழ்கிறார்

மாரியப்பனின் துரோணர் மற்றும் புரவலர் திரு.சத்ய நாராயாணா  

இரண்டு வருடங்களுக்கு முன் சத்யாநாராயணா சாரை நான் சந்தித்தேன். அன்று முதல், அவர்தான் எனக்கு பயிற்சி அளித்து வருகிறார். சத்யநாரணா சாரை சந்தித்த பிறகுதான் காலணி  அணிந்து பயிற்சி பெற ஆரம்பித்தேன். அதுவரைக்கும் வெறுங்காலில்தான் நான் உயரம் தாண்டுவேன்.

அது மட்டுமல்ல... மாதம் எனக்கு ரூ. 10 ஆயிரம் அளித்து எனது குடும்பத்துக்கும் அவர்தான் உதவியாக இருந்தார். பயிற்சி அளிக்கவே பணம் வாங்கும் இந்த காலத்தில் பணம் கொடுத்து யார் பயிற்சி அளிப்பார்கள். ஆனால், சத்திய நாராயாணா சார் எனக்குச் செய்தார். என்னை ஜெர்மனிக்கு அனுப்பி பயிற்சி பெற வைத்தார். எனக்காக அவர் எவ்வளவோ கஷ்டப்பட்டுள்ளார். சத்யநாராயணா சார் தந்த பயிற்சியிலும் உதவியினாலும்தான் இன்று நான் உங்கள் முன்னால் நிற்கிறேன். இந்த வெற்றிக்கு முழு முதற் காரணம் எனது குரு சத்ய நாராயாண சார்தான். இந்த பதக்கத்தை நான் அவருக்கு அர்ப்பணிக்கிறேன்.

மாரியப்பன் - வாழ்க்கை வரலாறு

மாரியப்பன் சேலம் மாவட்டம் ஓமலூர் அருகேயுள்ள பெரிய வடகம்பட்டியைச் சேர்ந்தவர். தனது ஐந்தாவது அகவையில் பள்ளி செல்கையில் ஏற்பட்ட விபத்தில் பேருந்து வலது காலில் ஏறி முழங்காலுக்குக் கீழே காலை இழந்தார்.

காய்கனி விற்று வாழ்க்கை நடத்தும் அவரது அன்னை அவரது மருத்துவச் செலவிற்காக ரூ.3 இலட்சம் கடன் பெற்று அதனைத் திருப்புவதற்கு அல்லற்பட்டு வந்தார்.

தனது காலை இழந்தநிலையிலும் மாரியப்பனுக்கு விளையாட்டுக்களில் ஆர்வம் இருந்தது. தனது 14ஆவது வயதில் நற்தேகம் உடையவர்களும் கலந்துகொண்ட போட்டியில் இரண்டாவதாக வந்தார். 2013 தேசிய மாற்றுத்திறனாளர் போட்டிகளில் கலந்து கொண்ட மாரியப்பனை கண்ட பயிற்றுநர் சத்தியநாராயணா தமது பயிற்சிக்கு ஏற்றுக் கொண்டார். 2015இல் பெங்களூருவில் அவரது பயிற்சி மையத்தில் இணைந்தார்.

கடவுள் ஒரு வழியை  மூடும் முன்னே அதைவிட சிறந்த ஒரு வழியை திறந்து வைத்திருப்பார் என மூத்தோர்  கூறுவதுண்டு.
நாம் செய்யவேண்டியதெல்லாம்

1. விட்ட இடத்தில் தொடங்கும் தைரியமும்
2. குறிக்கோளும் & அதை அடைவதிற்கான  திட்டமிடலும்
3. ஊக்கத்துடன் கூடிய விடாமுயற்சியும்
4. கனியும் காலத்திற்க்கான பொறுமையும்  மிக அவசியம்

வரலாறு  படைத்து உதாரணமாக விளங்கும்  தங்க மகனுக்கு  நலமோடும்  வளமோடும்  வாழ வாழ்த்துக்கள்