என்னென்ன விஷயங்களுக்காக நுகர்வோர் நீதிமன்றத்தை அணுகலாம்?

**ayyasamy ram** · **ayyasamy ram** Tue 27 Sep 2016 - 19:37

என்னென்ன விஷயங்களுக்காக நுகர்வோர் நீதிமன்றத்தை
அணுகலாம்? நுகர்வோர் நீதிமன்றத்தை அணுக எத்தகைய
ஆதாரங்கள் தேவை?
- சி.சந்திரா, கோவை-10.
-
வழக்கறிஞர் பி.ரேணுகா தேவி
--

பல்வேறு சட்டங்களின் மூலம் தீர்வு கிடைக்கப் பெற்ற போதும்
நுகர்வோர் பிரச்னைகள் உடனடியாக தீர்க்கப்பட வேண்டும்
எனும் அடிப்படையிலும், நுகர்வோரிடையே விழிப்புணர்வு
ஏற்படுத்த வேண்டும் என்ற நோக்கிலும் 1986ம் ஆண்டு நுகர்வோர்
பாதுகாப்பு சட்டம் இயற்றப்பட்டு நடைமுறைக்கு கொண்டு வரப்
பட்டது
-
சேவை குறைபாடு ஏற்படுகின்ற போது நுகர்வோர் நீதிமன்றத்தை
அணுகலாம். பணத்திற்கு பிரதிபலனாக நமக்கு கிடைக்கக்கூடிய
எந்த ஒரு செயலும் பொருளும் சேவை எனும் வரையறைக்குள் வரும்.
-
சேவை குறைபாட்டிற்காக தனியார், அரசு, பொதுத்துறை என
யாவற்றின் மீதும் வழக்கு தொடர இயலும். அரசால் நமக்கு வழங்கப்
படும் சேவையில் குறைபாடு ஏற்படுகின்ற போது அரசின் மீதும்
நுகர்வோர் நீதிமன்றத்தில் வழக்கு தொடரலாம்.
-
உதாரணமாக ரயில்வே, பதிவுத்துறை, மின்சாரத்துறை.
பாதிக்கப்பட்ட நபர் தகுந்த நீதிமன்றத்தை நேரடியாகவோ
வழக்கறிஞர் மூலமாகவோ அணுகலாம். பொருள் ஏதேனும்
வாங்கியிருந்தாலோ அல்லது வேறு ஏதேனும் வகையில்
ஒருவரிடம் இருந்து சேவை பெற்றிருந்தால், பொருள்
வாங்கியதற்கான ரசீது, பொருளுக்கு உத்தரவாதம் அளித்திருந்தால்
அதற்கான உத்தரவாத அட்டை போன்ற அத்தாட்சிகளுடன் சேவை
குறைபாடு ஏற்பட்ட இரண்டு வருடங்களுக்குள் பாதிக்கப்பட்டவர்
நுகர்வோர் நீதிமன்றத்தை அணுக வேண்டும்.
-
---------------------------------------
நன்றி- குங்குமம் தோழி

என்னென்ன விஷயங்களுக்காக நுகர்வோர் நீதிமன்றத்தை அணுகலாம்?

என்னென்ன விஷயங்களுக்காக நுகர்வோர் நீதிமன்றத்தை அணுகலாம்?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக