டெல்லியில் அரசியல்வாதிகள்

டெல்லியில் அரசியல்வாதிகள்





டில்லியில் அரசியல்வாதிகள் சந்தித்துக் கொள்ளும்போது, 'எங்கே வண்டு முருகனைக் காணோம், இன்று வரவில்லையா? கபாலி எங்கே, அவரையும் காணோமே?' என, கிண்டலாகப் பேசுகின்றனர். யார் அது வண்டு முருகன்? காமெடி நடிகர் வடிவேலு, வண்டு முருகனாக கோர்ட்டில் வாதாடுவதைப் பார்த்து சிரிக்காதவர்கள் யாரும் இருக்க முடியாது. அப்படிப்பட்ட ஒரு அரசியல்வாதிக்குத் தான், வண்டு முருகன் என, டில்லி அரசியல்வாதிகள் பெயர் வைத்துள்ளனர்; வக்கீலாக இருந்து அரசியல்வாதியானவர் இவர். யார் தெரிகிறதா? நவநீதகிருஷ்ணன். இன்னொரு அரசியல் பிரமுகர், தன் கட்சியை விட்டு, ஆளுங்கட்சிக்கு தாவியவர். ஒரு காலத்தில், டில்லியில் மிகப் பெரிய பதவியில் இருந்தவர். ஆளுங்கட்சிக்கு வந்ததும் அவரே எதிர்பார்க்காத வகையில், அவருக்கு மரியாதையுடன், பெரிய பதவி அளித்தது கட்சி மேலிடம். ஆளுங்கட்சியில் சேர்ந்து விட்டாலும், கட்சி கரை வேட்டி கட்டாமல் கதர் வேஷ்டி தான் கட்டுகிறார் அந்த பிரமுகர். டில்லி அரசியலில் நன்கு பழக்கப்பட்டவர், திறமையானவர் என்பதால் சபையில் நன்கு செயல்படுவார் என, சக அரசியல்வாதிகள் எதிர்பார்ப்புடன் இருந்தனர். ஆனால் சமீபத்தில் சபையில் பேசியபோது, எழுதி வைத்து படித்தார்; அதையும் சொதப்பினார். அதைப் பார்த்து, சொந்த கட்சியினரே அதிர்ச்சியடைந்தனர். அவர்... எஸ்.ஆர்.பாலசுப்ரமணியன். மிகப் பெரிய எதிர்பார்ப்போடு வந்து, கடைசியில், 'புஸ்' என ஆனதால், இவருக்கு, 'கபாலி' என பெயர் வைத்துள்ளனர். கபாலி படம் பெரும் எதிர்பார்ப்பைக் கிளப்பி கடைசியில் ஏமாற்றத்தைக் கொடுத்தது போல தான் இவர் என்கின்றனர் இவருக்குப் பெயர் வைத்தவர்கள். ஆனால், கபாலிக்கு இது தெரியாது என்பது தான், 'ஹைலைட்!'இப்போது, இன்னொருவரைப் பார்ப்போம். சமீபத்தில் பெரும் பிரச்னையில் சிக்கியவர் அந்த முக்கிய பிரமுகர். தேசிய அளவில் மீடியாவில் செய்திகள் வெளியாகி பெரும் பரபரப்பை ஏற்படுத்தின. இவருக்கு அந்த பிரச்னையில் என்ன கிடைத்ததோ, அதை வைத்து, நாலடியார் என அழைக்கின்றனர். அதென்ன நாலடியார்? -அதாவது, 'நான்கு அடி' என, சொல்லிச் சிரிக்கின்றனர், இவருடைய எதிரிக்கட்சியினர். அவர்... திருச்சி சிவா!

நன்றி தினமலர்

ரமணியன்

SRB காசுக்கு விலைபோய் விட்டார் . இவருக்கு உளறுவாயன் EVKSE எவ்வளவோ மேல் .

M.Jagadeesan wrote:SRB காசுக்கு விலைபோய் விட்டார் . இவருக்கு உளறுவாயன் EVKSE எவ்வளவோ மேல் .

மேற்கோள் செய்த பதிவு: 1221945

இந்த ரெண்டு விஷயமும் தெரியாது .

அவரை ஒரு முறை எங்கள் வீட்டுக்கு அருகில் உள்ள கருமாரியம்மன் கோயிலில் பார்த்தேன் .
பார்ப்பதற்கு சாத்வீகமாக இருந்தார் . படாடோபம் இல்லை .அரசியல்வாதி மாதிரி தெரியவில்லை .

ரமணியன்

இனி SRB கரைவேட்டி கட்டவேண்டும் ; சட்டைப்பையில் அம்மாவின் போட்டோவை வைத்துக்கொள்ள வேண்டும் . அம்மாவைக் கண்டால் விழுந்து வணங்க வேண்டும்  . தள்ளாத வயதில் இது சாத்தியம் ஆகுமா என்று தெரியவில்லை .

எங்கும் அரசியல் எதிலும் 'அர' சியல் >>>>>>>>>>>>>

P.S.T.Rajan wrote:எங்கும் அரசியல் எதிலும் 'அர' சியல் >>>>>>>>>>>>>

மேற்கோள் செய்த பதிவு: 1222211
-