மறுபடியும் களிமண்ணானேன்

by **T.N.Balasubramanian** Tue Sep 13, 2016 8:22 pm

சமீபத்தில் கோயிலுக்கு சென்ற எனக்கு ,
அங்கு பிள்ளையார் பூஜைக்கு பிறகு ,
ஆற்றில் கரைக்க /கடலில் கரைக்க ,
மேற்கூரை இல்லாமல் இருந்த இடத்தில்
வைத்து இருந்த மண் பிள்ளையார்கள் ,
பெய்த மழையால் ,இருந்த அவல நிலை கண்டு ,
மனதில் எழுந்த எண்ணோட்டங்கள் ---ரமணியன் சோகம்

மறுபடியும் களிமண்ணானேன்

களிமண்ணாய் இருந்த நான்
கலைஞனொருவன்
கைவண்ணத்தால்
கடவுளானேன் .

மறுபடியும் களிமண்ணானேன் KTOqCIZOT6CZqToRxnGM+images

தங்க நிறத்தில் மகுடமும்
அங்கமெல்லாம் நகையும்
வர்ணத்தால் பூரணமானேன்
விபூதி பட்டையும்
குண்டுமணி கண்களும்
எருக்கம் பூ மாலையும்
என் உடலை தழுவ ,
பயபக்தியுடன் எனை வாங்கியவனும்
குடை ஒன்றை வாங்கி
என்னில் அழகை சேர்த்தான் .
பூஜையில் வைத்து
பழங்களால்
பலகாரங்களால்
பூஜித்தே ,
மகிழ்வித்தான் .

இரண்டாம் நாள்
பிரியா விடை கொடுத்து

மறுபடியும் களிமண்ணானேன் XeALVIxvScisOciIlTMH+images

மறுபடியும் களிமண்ணானேன் XeALVIxvScisOciIlTMH+images

பத்தோடு பதினொன்றாக
கோவில் வளாகத்தில்
எனை வைத்து ,
வெய்யிலுக்கும்
மழைக்கும் ஆளாக்கிய
அந்த பக்தன்
என்னை மறுபடியும் ,
களிமண்ணாக்கினான் .

ரமணியன்

by Ramalingam K Tue Sep 13, 2016 8:57 pm

ஐயா !

பிள்ளையார், தாம் சதுர்த்துக்குப் பிறவி எடுப்பதற்கு முன் பஞ்ச பூதத்தில் ஒன்றாகும் மண்ணாக இருந்தார். அவருடைய சதுர்த்தி என்னும் வழிபாடுகாலம்( வாழ் நாள் காலம்) முடிந்த உடன் அவர்
எதிலிருந்து வந்தாரோ அங்கேயே சென்று இயற்கையோடு ஒன்றிவிட்டார்.

பரமாத்மாவிலிருந்து உலகில் ஜீவிக்கப் பிறவி எடுத்த ஜீவாத்மா மீண்டும் பிறவா நிலயாகிய ஆத்ம முக்தி அடைவதைப்போல்.

ஆனால், நாம்நம் பிள்ளையாரைப் பற்றிக் கவலை கொள்ள வேண்டாம். அடுத்த ஆண்டும் அதே இடத்திலிருந்து இப்போது இங்கு வந்தது போலவே மீண்டும் வருவார்.

உறங்குவது போலும் சாக்காடு உறங்கி
விழிப்பது போலும் பிற்ப்பு - என்னும் பொய்யாமொழிக்குக் கடவுளும் விதிவிலக்க அல்ல என்பதையே நம் பிள்ளையார் நமக்கு உணர்த்தியமையால் நாம் பூரிப்படையலாம்.

மறுபடியும் களிமண்ணானேன்

மறுபடியும் களிமண்ணானேன்

Re: மறுபடியும் களிமண்ணானேன்