பெங்களூருவில் ஒரே நாளில் 35 தமிழக லாரிகள் கூண்டோடு தீக்கிரை

by **T.N.Balasubramanian** Mon Sep 12, 2016 8:27 pm

First topic message reminder :

பெங்களூருவில் ஒரே நாளில் 35 தமிழக லாரிகள் கூண்டோடு தீக்கிரை- தடுக்க முடியாமல் திணறிய போலீஸ்!!

பெங்களூரு: பெங்களூருவில் இன்று ஒரே நாளில் 35 தமிழக லாரிகள் தீக்கிரையாக்கப்பட்டுள்ளன. கன்னட அமைப்பினர் என்ற பெயரிலான கும்பல் தமிழக பதிவு எண் கொண்ட லாரிகளை தேடித் தேடி தீ வைத்து எரித்ததால் தமிழக லாரி ஓட்டுநர்கள் பெரும் பதற்றத்தில் உள்ளனர்.
காவிரியில் தமிழகத்துக்கான நீரை திறந்துவிட கர்நாடகா மறுத்தது. இதனால் உச்சநீதிமன்றத்தில் தமிழக அரசு வழக்குப் போட்டது.
இதனை விசாரித்த உச்சநீதிமன்றம், தமிழகத்துக்கான காவிரி நீரை திறந்துவிட உத்தரவிட்டது. இதிலும் திருத்தம் கோரிய கர்நாடகா அரசின் கோரிக்கை நிராகரிக்கப்பட்டது.

இளைஞர் தாக்குதலுக்கு பதிலடி
இதனிடையே கர்நாடகாவில் தமிழக இளைஞர் ஒருவர் தாக்கப்பட்ட சம்பவம் பெரும் கொந்தளிப்பை ஏற்படுத்தியது. இதன் எதிரொலியாக தமிழகத்தில் கர்நாடகா பதிவெண் வாகனங்கள் மீது தாக்குதல் நடத்தப்பட்டு வருகின்றன.

கர்நாடகாவில் தாக்குதல்
இந்த நிலையில் கர்நாடகாவில் தமிழக பதிவெண் வாகனங்கள் மீது தாக்குதல் நடத்தப்பட்டு வருகிறது. நஞ்சன்கூடு பகுதியில் தமிழக பதிவெண் கொண்ட கார் மீது கல்வீசித் தாக்குதல் நடத்தப்பட்டது. இத்தாக்குதலைக் கண்டித்து கக்கநல்லாவில் சாலை மறியல் போராட்டத்தை அவர்கள் நடத்தினர்.

கடைகள் நாசம்
பெங்களூரு செயிண்ட்ஜார்ஜ் பகுதி மற்றும் ராம்நகரில் தமிழக பதிவெண் கொண்ட பேருந்துகள் தாக்கப்பட்டன. அதேபோல் மாண்டியாவில் தமிழருக்கு சொந்தமான கடைகள் அடித்து நொறுக்கப்பட்டன.

லாரிகளுக்கு தீ வைப்பு
பெங்களூரு புறநகர் பகுதியில் மைசூர் சாலையில் தமிழக பதிவெண் கொண்ட 2 லாரிகளுக்கு தீ வைக்கப்பட்டுள்ளன. 2 லாரிகளும் முற்றிலும் எரிந்து நாசமானது. இதேபோல் மேலும் 3 லாரிகளும் தீ வைத்து எரிக்கப்பட்டன. அதேபோல் மைசூர் சாமுண்டி மலையில் தமிழக பதிவெண் கொண்ட கார் ஒன்றுக்கும் கன்னட அமைப்பினர் தீ வைத்தனர். இதில் அந்த கார் எரிந்து நாசமானது.

தொடருகிறது .....

by **M.Jagadeesan** Tue Sep 13, 2016 2:38 pm

காவேரி மேலாண்மை வாரியம் அமைத்திருந்தால் ,இந்த கலவரத்தைத் தவிர்த்திருக்கலாம் .

by **T.N.Balasubramanian** Tue Sep 13, 2016 3:13 pm

M.Jagadeesan wrote:காவேரி மேலாண்மை வாரியம் அமைத்திருந்தால் ,இந்த கலவரத்தைத் தவிர்த்திருக்கலாம் .

மேற்கோள் செய்த பதிவு: 1221726

கேசெட் பண்ணிய உத்தரவு மதிக்கப் படவில்லை ,
நாட்டின் உச்ச நீதிமன்றம் இட்ட கட்டளையை நிறைவேற்ற தடுமாற்றம் ,உள்நாட்டில் குழப்பம் .
காவிரி மேலாண்மை வாரியம் அமைத்து இருந்தால் என்ன நடந்து இருக்கும் ? அது இப்போது இல்லையா ?எந்த அடிப்படையில் உச்ச நீதி மன்றம் இந்த அளவை கொடுக்கக் கூறியது ??

எவ்வளவு கிலோமீட்டர் நதி , ஒவ்வொரு மாநிலத்திலும் ஓடுகின்றது என்ற கணக்கின் அடிப்படையில்
வீழுக்காடுகள் நிர்ணயிக்கப்பட்டு , சேரும் நீரை ,இதே விழுக்காடுகளின் அளவில் , நீர் திறந்து விடப்படவேண்டும் . 20 /30 அணைகள் கட்டி கொண்டு தண்ணி தண்ணி இல்லை என்றால் ,
தமிழ்நாட்டு உழவர்களுக்கு ஏற்படும் விவசாய நஷ்டத்தை கர்நாடக அரசு எல்லா விவசாயிகளுக்கும் கொடுக்கவேண்டும் .
குடிநீர் கஷ்டம் ஏற்படின் அந்த நஷ்டத்தையும் கர்நாடக ஏற்றுக்கொள்ளவேண்டும் .
இதுதாங்க நாட்டாமை தீர்ப்பு .

ரமணியன்

by **M.Jagadeesan** Tue Sep 13, 2016 4:23 pm

காவேரி மேலாண்மை வாரியம் அமைத்திருந்தால் , அதன் செயல்பாட்டில் அரசியல்வாதிகள் தலையிடமுடியாது. இரு மாநிலங்களுக்கும் காவேரி நீரைத் திறந்துவிடும் பொறுப்பு வாரியத்தைச் சார்ந்தது.
அதன் செயல்பாட்டில் யாரும் குறுக்கிட முடியாது .

by **T.N.Balasubramanian** Tue Sep 13, 2016 4:53 pm

காவேரி மேலாண்மை வாரியம் !!!!!!!!!!!!!
அவர்கள் பட்சபாதமின்றி நடந்துகொள்வார்கள் என்பதற்கு என்ன அத்தாட்சி ?
உச்ச நீதிமன்ற தீர்ப்பையே துச்சமாக மதிக்கின்ற கர்நாடக மக்களும் அரசும்
மேலாண்மை வாரியம் செயல்படும் விதத்திற்கு , மக்கள் வாய் மூடி மௌனியாக இருப்பார்களா ?
உச்ச நீதிமன்ற தீர்ப்பை ,மதிக்காவிட்டால் , உச்ச நீதி மன்றம் மேல்நடவடிக்கை எடுக்க முடியும் .
யாரும் வாயை திறக்கமுடியாது .
மேலாண்மை வாரியத்திற்கு அந்த அதிகாரம் உண்டா ?
உச்ச நீதிமன்றத்தை விட மேலாண்மை வாரியம் பெரியதா ??

நீங்கள் எந்த கோணத்தில் கூறுகின்றீர்கள் என்பதை என்னால் புரிந்து கொள்ளமுடியவில்லை .

ரமணியன்

by **M.Jagadeesan** Tue Sep 13, 2016 5:51 pm

மேலாண்மை வாரியத்தில் காவிரியால் பயன்பெறும் நான்கு மாநிலத்தின் பொறியியல் வல்லுநர்கள் இருப்பார்கள் . எனவே அங்கு ஒருதலைப்பட்டசமாக முடிவுகளை எடுக்கமுடியாது .

by **T.N.Balasubramanian** Tue Sep 13, 2016 6:45 pm

ஒரு தலை பட்சமாக உச்ச நீதிமன்றம் செயல்படுகின்றது என்கிறீர்களா ?

மேலாண்மை வாரியம் ஒரு மித்த கருத்துடன் செயல்படுவதாகவே எடுத்துக் கொள்வோம் .
அதனால் ஒரு வேளை ,பாதிக்கப்பட்ட பிரதேச மக்கள் நல்ல முறையில் எடுத்துக் கொள்வார்களா ?
தகராறு செய்தார்கள் என்றால் , மேலாண்மை வாரியம் என்ன செய்யமுடியும் ?

ரமணியன்

by **M.Jagadeesan** Tue Sep 13, 2016 7:21 pm

மேலாண்மை வாரியத்திற்கு அனைவரும் கட்டுப்பட்டுத்தான் ஆகவேண்டும் . 1924- 1974 முடிய ஐம்பது ஆண்டுகளுக்கு எந்தப் பிரச்சினையும் வரவில்லையே !

by **T.N.Balasubramanian** Tue Sep 13, 2016 8:47 pm

பிறகுதானே அணைகள் கட்ட ஆரம்பித்தனர் .

ரமணியன்

by **ராஜா** Wed Sep 14, 2016 11:25 am

M.Jagadeesan wrote:காவேரி மேலாண்மை வாரியம் அமைத்திருந்தால் , அதன் செயல்பாட்டில் அரசியல்வாதிகள் தலையிடமுடியாது. இரு மாநிலங்களுக்கும் காவேரி நீரைத் திறந்துவிடும் பொறுப்பு வாரியத்தைச் சார்ந்தது.
அதன் செயல்பாட்டில் யாரும் குறுக்கிட முடியாது .

இப்பவும் அரசியல்வாதிகள் தலையிட்டால் தங்களுக்கு தோல்வி ஏற்படும் என்பதால் தானே , பொதுமக்களை தூண்டிவிட்டு கலவரத்தை ஏற்படுத்துகின்றனர் பிறகு கலவரத்தை காரணம் காட்டி அணையை மூடுவார்கள் , இது தானே நடந்துகிட்டு இருக்கு..

மேலாண்மை வாரியம் அமைத்தாலும் இதே தான் நடக்கும்....

by **T.N.Balasubramanian** Wed Sep 14, 2016 12:18 pm

ராஜா wrote:
M.Jagadeesan wrote:காவேரி மேலாண்மை வாரியம் அமைத்திருந்தால் , அதன் செயல்பாட்டில் அரசியல்வாதிகள் தலையிடமுடியாது. இரு மாநிலங்களுக்கும் காவேரி நீரைத் திறந்துவிடும் பொறுப்பு வாரியத்தைச் சார்ந்தது.
அதன் செயல்பாட்டில் யாரும் குறுக்கிட முடியாது .
இப்பவும் அரசியல்வாதிகள் தலையிட்டால் தங்களுக்கு தோல்வி ஏற்படும் என்பதால் தானே , பொதுமக்களை தூண்டிவிட்டு கலவரத்தை ஏற்படுத்துகின்றனர் பிறகு கலவரத்தை காரணம் காட்டி அணையை மூடுவார்கள் , இது தானே நடந்துகிட்டு இருக்கு..

மேலாண்மை வாரியம் அமைத்தாலும் இதே தான் நடக்கும்....

மேற்கோள் செய்த பதிவு: 1221796

எந்தன் கருத்தும் அதே .
குழம்பிய குட்டையில் மீன் பிடிக்கும் கேடு கேட்ட அரசியல்வாதிகள் .

ரமணியன்