வாசகர் கவிதைகள் – குமுதம்

by **ayyasamy ram** Tue Sep 06, 2016 8:04 am

-
பொம்மைகளுக்கும்
மம்மு ஊட்டச் சொல்லி குழந்தைகள்
அடம் பிடிக்கும்போது
அம்மா திணறுவதை
பொம்மையும் ரசிக்கிறது!
-
-----------------------
-
வாசகர் கவிதைகள் – குமுதம் X519n56USgmoyC292AoR+1

-
டெடிபேரைக் கட்டிக் கொண்டு
உறங்கும் குழந்தை
நள்ளிரவில் அம்மா கைப்பிடித்து
கழிப்பறைக்குள் நுழையும் போது
தப்பாமல் சொல்கிறது,
“டெடியையும் அழைச்சிட்டு வாம்மா!
இல்லேன்னா மெத்தை நனைஞ்சு போயிடும்!”
-
-------------------------

by **ayyasamy ram** Tue Sep 06, 2016 8:11 am

வாசகர் கவிதைகள் – குமுதம் UknmmqS7QzKOfG7ZmBr4+11

-
தன் கனவில் அழகாய்ச்
சிரிக்கும் குழந்தைக்கு
அம்மா சோறூட்டும்
வேளையில் பசிக்கு
அழ நினைக்கும்
அவள் குழந்தை
திருப்தியுடன் புரண்டு
தூங்குகிறது!
-
----------------------
வாசகர் கவிதைகள் – குமுதம் LELkbkFqTbmxs9c6kiBQ+12

வாசகர் கவிதைகள் – குமுதம் LELkbkFqTbmxs9c6kiBQ+12

என்னவாயிருக்கும் கடவுளின் மொழி ?
என் யோசனைத் தகர்த்தபடி
பதில் சொல்லிப் போகிறது
ஒரு குழந்தை
தன் அழகுப் புன்னகையால்!.
-
---------------------------

by **ayyasamy ram** Tue Sep 06, 2016 8:44 am

வாசகர் கவிதைகள் – குமுதம் BFk3FRVASiqXJPsGGJxI+14

--

எந்த அகட விகடமும் இல்லை
என்ற போதும்
எப்போதும் சிரிப்புச் சாரல்,
குழந்தையின் மழலை!
-
-------------------------------
- வாசகர் கவிதைகள் – குமுதம் ZQvA1IEuRUusKSUUFwYk+13

-

மழைக்கு கட்டியமாய் மண்வாசம்;
மழலைக்குக் கட்டியமாய்ப் பால்வாசம்!
-
-----------------------------

by **ayyasamy ram** Tue Sep 06, 2016 8:58 am

சுண்ணாம்பு பெயர்ந்த சுவர்களும்
சடுதியில் அழகாகி விடுகின்றன,
ஒரு குழந்தையின் படத்தை
மாட்டிடும் போது!
-
வாசகர் கவிதைகள் – குமுதம் G1tmVLuoRSS40pTUbP0S+15

-----------------------------
-
மதங்களைக் கடந்து கொண்டாடுகிறாள்
ஒவ்வொரு கர்ப்பிணியும் இறைவனின்
திருவருகைக் காலத்தை தன் குழந்தைக்
குறித்தத் கனவுகளுடன்!
-
------------------------------

அம்மாவுக்குத் தெரியாமல் சாக்லேட்டை
ஒளித்து வைத்தது குழந்தை!

படையெடுக்கும் எறும்புகளைக் கண்டதும்
அவசரமாய்ப் பேப்பரை பிரித்து மிட்டாயை
வைத்தது!
“எறும்புக்குக் கை இல்லியே!”
-
---------------------------------

பிறந்த நாள் விழா,
நிறைவுற்று வீடு போகும்
முன்னமே யோசிக்கிறது குழந்தை:
“அடுத்த பர்த்டே எப்போ வரும்?”
-
-----------------------------

தன் சிலையைக் கடத்தும் போதும்
கம்மென்றிருக்கும் கடவுள்;
எந்தக் குழந்தை அவர் மேல்
கால் போட்டபடி விரல் சப்பித்
தூங்குகிறதோ தன் கனவில்!
-
------------------------------

--priyamanangoththi
நன்றி: கூகுள் படங்கள்
குமுதம்