ஆபாச ''சி.டி''. விவகாரம்: 'சஸ்பெண்ட்' செய்யப்பட்ட சந்தீப் குமார் கைது

**ayyasamy ram** · **ayyasamy ram** Sun Sep 04, 2016 7:21 am

புதுடில்லி:
ஆபாச, 'சிடி' வெளியான விவகாரம் தொடர்பாக,
அமைச்சர் பதவியிலிருந்து நீக்கம் செய்யப்பட்ட ஆம் ஆத்மி,
எம்.எல்.ஏ., சந்தீப் குமார், கட்சியின் அடிப்படை உறுப்பினர்
உள்ளிட்ட அனைத்து பொறுப்புகளிலிருந்தும், 'சஸ்பெண்ட்'
செய்யப்படுவதாக, அக்கட்சித் தலைமை தெரிவித்துள்ளது.

சஸ்பெண்ட் செய்யப்பட்ட சந்தீப் குமாரை டில்லி போலீசார்
கைது செய்தனர்.

டில்லியில், ஆம் ஆத்மி கட்சியைச் சேர்ந்த முதல்வர்
அரவிந்த் கெஜ்ரிவால் தலைமையிலான ஆட்சி நடக்கிறது.
மாநில அமைச்சரவையில் இடம் பெற்றிருந்த சந்தீப் குமார்,
பெண்களுடன் உல்லாசமாக இருப்பது போன்ற ஆபாச,
'சிடி' வெளியாகி பெரும் பரபரப்பை ஏற்படுத்தியுது.

இதையடுத்து, சந்தீப் குமாரின் அமைச்சர் பதவி பறிக்கப்பட்டது.
தன் மீதான குற்றச்சாட்டை அவர் மறுத்தார். இந்நிலையில்,
ஆம் ஆத்மி கட்சியின் அடிப்படை உறுப்பினர் பதவி உள்ளிட்ட
அனைத்து பொறுப்புகளிலிருந்தும் சந்தீப் குமார் சஸ்பெண்ட்
செய்யப்படுவதாக, துணை முதல்வரும், கட்சியின்
மூத்த தலைவர்களில் ஒருவருமான மனீஷ் சிசோடியா
தெரிவித்துள்ளார்.

இந்நிலையில் சி.டி.யில் இருந்ததாக கூறப்படும் பெண் ,
டில்லி போலீசில் புகார் மனு கொடுத்தார். இதில் தாம் இமாச்சல்
பிரதேசத்தை சேர்ந்தவர் எனவும்,கடந்த 20 ஆண்டுகளாக
டில்லியில் கணவன், குழந்தைகளுடன் வசித்து வருவதாகவும்
கூறியிருந்தார்.

மேலும்ஆபாச சி.டி. கடந்த ஆண்டு எடுக்கப்பட்டது எனவும்,
ரேசன் கார்டு கேட்டு வந்த என்னை ஏமாற்றி பலாத்காரம்
செய்ததாகவும் புகாரில் தெரிவித்துள்ளார்.

இவ்வாறு அவர் கூறினார்.
இதையடுத்து சந்தீப்குமார்மீது டில்லி போலீசார் வழக்குப்பதிவு
செய்து கைது செய்தனர்.
-
----------------------------------
தினமலர்

ஆபாச ''சி.டி''. விவகாரம்: 'சஸ்பெண்ட்' செய்யப்பட்ட சந்தீப் குமார் கைது

ஆபாச ''சி.டி''. விவகாரம்: 'சஸ்பெண்ட்' செய்யப்பட்ட சந்தீப் குமார் கைது

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக