ஆகாயத்தாமரை அகற்றும் கருவி! மாணவனின் அசத்தல் முயற்சி!

-
கோயம்புத்தூர்ல நடந்த கண்காட்சிக்குப் போனபோது,
வழியில ஒரு குளத்தைப் பார்த்தேன். குளம் முழுக்க
தண்ணியே தெரியாத அளவுக்கு ஆகாயத்தாமரை
அடைஞ்சு கிடந்தது.

இப்படி அடைஞ்சு இருக்கிறதால, நீர்வாழ் உயிரினங்களுக்கு
பாதிப்பு ஏற்படும்னு எப்பவோ படிச்சது நினைவுக்கு வந்துச்சு.
அப்பத்தான் ‘இதை அகற்றுவதற்கு ஒரு கருவியை
உருவாக்கினா என்ன’ன்னு தோணுச்சு.

உடனே அது சம்பந்தமான தகவல்களை சேகரிச்சு, ஆய்வு
பண்ணி, கருவியை உருவாக்குற முயற்சியில இறங்கினேன்.

பல சோதனைகளுக்குப் பிறகு, ஆசிரியர்கள் உதவியோட
ஆகாயத்தாமரை அகற்றுற கருவியை வடிவமைச்சேன்.
இது முழுக்க முழுக்க சூரிய ஒளியில இயங்குற மாதிரியாவும்
வடிவமைச்சிருக்கேன்.

இதுமூலமா ஆகாயத்தாமரையை அகற்றும்போது செலவு
குறையும். இதை ரிமோட் மூலமாவும் இயக்கலாம்ங்கிறது,
கூடுதல் சிறப்பு. தூரத்துல இருந்தே திசையையும் சுலபமா மாத்தி
அமைக்கலாம்’’ என்ற அருண், கருவி செயல்படும் விதம் குறித்து
விளக்கினார்.

இந்தக் கருவியில ரெண்டு முக்கியமான பகுதி இருக்கு.
முன்பகுதியில இருக்கற ஒரு அமைப்பு ஆகாயத்தாமரைகளைச்
சின்னச் சின்ன துண்டுகளா வெட்டும். ரெண்டாவது, பெல்ட் மூலமா
சுழலக்கூடிய பக்கெட். இது, வெட்டுன துண்டுகளை சேகரிச்சு,
கழிவுகளை சேமிக்குற இடத்துல கொட்டும்.
இது முழுக்க முழுக்க சூரிய ஒளியிலேயே இயங்கும்.

இந்தக் கருவி மூலமா நீர்நிலைகள்ல இருக்கிற பிளாஸ்டிக்
கழிவுகளையும் அகற்றலாம். இதை ஊட்டி படகு இல்லத்துல
என்னோட ஆசிரியர் சுந்தரம் உதவியோட செயல்படுத்தி
காட்டியிருக்கேன். இதே கருவியை பெருசா செஞ்சு, பயன்
படுத்தினா ஆகாயத்தாமரைகளை சுலபமா அகற்றலாம்.

அரசாங்கமோ, தனிநபர்களோ நிதியுதவி செஞ்சா, இதேபோல
பல கருவிகளை என்னால கண்டுபிடிக்க முடியும்’’ என்று
கண்களில் நம்பிக்கை மின்ன சொல்கிறார் அருண்.

நீர்நிலைகளில் உள்ள ஆகாயத்தாமரைகளை அகற்றுவதற்கு
அரசு பல லட்சங்களை செலவிட்டு வரும்நிலையில் ஒரு மாணவர்,
எடுத்துள்ள இந்த முயற்சி பாராட்டத்தக்கது. இதுபோன்ற
மாணவர்களைக் கண்டறிந்து அவர்களுக்கு நிதி உதவியுடன்,
பயிற்சியும் அளித்தால் எதிர்காலத்தில் தமிழகத்தில் இருந்து
நிறைய விஞ்ஞானிகளை உருவாக்கலாம்.
–
—————————————–