சுங்க சாவடிகளில் கட்டணம் குறைப்பு

**ayyasamy ram** · **ayyasamy ram** Fri Sep 02, 2016 7:11 am

தமிழகத்தில் உள்ள, 22 சுங்கச்சாவடிகளில், நேற்று முதல்
கட்டணம், ஒரு ரூபாய் முதல், நான்கு ரூபாய் வரை
குறைக்கப்பட்டுள்ளது.
=
தமிழகத்தில், 5,004 கி.மீ., நீளமுள்ள தேசிய நெடுஞ்சாலைகளில்,
3,006 கி.மீ., சாலைகள், தேசிய நெடுஞ்சாலை ஆணைய
கட்டுப்பாட்டில் உள்ளன. இதில், 43 இடங்களில், சுங்கச்
சாவடிகள் அமைக்கப்பட்டுள்ளன. இங்கு, தேசிய நெடுஞ்சாலை
ஆணையம் மட்டுமின்றி, தனியாரும் கட்டணம் வசூலிக்கின்றன.
-
சாலை விரிவாக்கம் மற்றும் பராமரிப்பு ஒப்பந்த
அடிப்படையில், தனியாருக்கு, சுங்க கட்டணம் வசூலிப்பு
உரிமை தரப்பட்டுள்ளது. சாலை விரி வாக்க பணிக்கு
செலவிட்ட பணத்தை பெறும் வரை, ஆண்டுக்கு, 10 சதவீதம்
கட்டணத்தை உயர்த்திக் கொள்ளலாம்.

தனியார் நிறுவனம், செலவுத் தொகையை வசூலித்து விட்டால்,
அதன்பின் கட்டணத்தை குறைக்க வேண்டும்.

பல நிறுவனங்கள், முதலீட்டு தொகையை வசூலித்த பிறகும்,
கட்டணத்தை குறைக்க வில்லை. இது சர்ச்சையை
ஏற்படுத்தியது. ஏப்., மாதம், தமிழகத்தில், 21 சுங்கச்சாவடிகளில்,
10 சதவீத கட்டண உயர்வு நடைமுறைக்கு வந்தது.

இதற்கு, அரசியல் கட்சிகள், சரக்கு வாகன உரிமையாளர்கள்,
பஸ் உரிமையாளர்கள் உட்படபலரும், கடும் எதிர்ப்பு தெரிவித்து
வருகின்றனர்.

மீதமுள்ள, சென்னை - கோல்கட்டா; கரூர் - திண்டுக்கல்; மதுரை -
துாத்துக்குடி; நாமக்கல் - கரூர், புதுச்சேரி - திண்டிவனம்; தஞ்சாவூர் -
திருச்சி; திருச்சி - கரூர் உட்பட, 22 சுங்கச்சாவடிகளில், நேற்று முதல்,
கட்டண நடைமுறை மாற்றி அமைக்கப்பட்டுள்ளது.
-
கட்டணத்தை உயர்த்தாமல், ஒரு ரூபாய் முதல், நான்கு ரூபாய் வரை,
கட்டணம் குறைக்கப்பட்டுள்ளது.

கட்டண உயர்வுக்கு கடும் எதிர்ப்பு வந்ததால், தேசிய நெடுஞ்சாலை
ஆணையம், தமிழகத்தில், முதல் முறையாக கட்டண குறைப்பு
நடவடிக்கையை எடுத்துள்ளது.
-
தினமலர்

**T.N.Balasubramanian** · **T.N.Balasubramanian** Fri Sep 02, 2016 11:37 am

சில நெடுஞ்சாலைகள் பராமரிப்பு சரியாக இல்லை .
toll gate களில் தமிழ் தெரியாத ஆட்களை போட்டு ,சரியாக புரியாமல் டிக்கட் கொடுக்கிறார்கள் .
சமீபத்தில் பாண்டிச்சேரி போகும் போது 2 கார்களில், அடுத்தடுத்து நாங்கள் பயணித்தோம் .
முதல் toll gate இல் , முதலில் சென்ற கார் ஓட்டுநர் ரெண்டு காருக்கும் சேர்த்து டிக்கட் எடுத்து விட்டார் .
நாங்களும் சென்று விட்டோம் .
அடுத்த toll gate இல் அதேப் போல் முதலில் சென்றவர் ரெண்டு டிக்கெட் எடுத்து முன்னே செல்ல , பின்னே தொடர்ந்த எங்கள் வண்டியை நிறுத்திவிட்டனர் . முதலில் சென்ற காருக்கு ரெண்டு டிக்கட்டுக்கு பதிலாக ரிட்டர்ன் டிக்கட் கொடுத்தாராம் . ஒரே தகராறு . எங்கள் வண்டியை மேலே தொடர விடாமல் செய்ய எங்கள் ஓட்டுநர் பணம் தரமுடியாது என மறுக்க . அவர்கள் ஹிந்தியில் பேச .எங்கள் ஓட்டுனரும் ஹிந்தியில் பதில் பேசி , பாஷை தெரியாத ஆட்களை போட்டு ,தவறாக டிக்கட் கொடுத்து ,தகராறு பண்ணினால். நஷ்டம் உங்களுக்குதான் . நான் ஒரு பைசா அதிகம் கொடுக்கமாட்டேன் என்று விட்டார் . பின்னால் இருக்கும் கார்களின் ஹாரன் சப்தம் ,எங்கள் ஓட்டுனரின் பிடிவாதம் , எங்களை மேலே போக அனுமதித்தார்கள் .
இப்போது பெரிய பெரிய மால்களில் /கடைகளில் /ஹோட்டல்களில் / சுங்க சாவடிகளில் பங்களாதேஷ் ,நேபால் ,முதலிய இடங்களில் இருந்து குறைந்த சம்பளத்திற்கு ஆட்கள் வேலைக்கு வருகிறார்கள் .
கூடிய சீக்கிரத்தில் நாம் யாவரும் ஹிந்தி ,நேபாளி ,பெங்காலி பாஷைகள் சரளமாக பேச ஆரம்பித்து விடுவோம் என எண்ணுகிறேன் .

ரமணியன்