அறிமுகம் யோகரத்னா . ஸ்ரீசம்பங்கி இராமலிங்கம்

by Ramalingam K Thu Sep 01, 2016 1:38 pm

First topic message reminder :

பெயர்: யோகரத்னா . ஸ்ரீசம்பங்கி இராமலிங்கம்.

சொந்த ஊர்: புதுச்சேரி - இந்தியா

ஆண்/பெண்: ஆண்.

ஈகரையை அறிந்த விதம்: வலைத்தளத் தேடலின்போது.

பொழுதுபோக்கு:
1. யாவருக்கும் இராஜயோகப் பயிற்சி அளித்தல்;
2. தமிழ் நெறிநூல்களுக்குச்சரியான பொருள் விளக்கம் தந்து தெளிவுரை
கூறுதல்;
3. வேதங்களில் ஞான காண்டம் விரும்பிப் படித்தல், படிப்பித்தல்.

தொழில்: இந்திய அஞ்சல்துறையில் அரசுப்பணியாற்றி ஓய்வு.

மேலும் என்னைப் பற்றி:
1. எண்ணம், சொல், செயல் - இவை மூன்றும் நேர்பட ஒழுகல் - அவற்றைப் பின்பற்ற பிறருக்கும் அறிவுறுத்தல்.
2. செய்யும் செயல்களில் இன்ப-துன்பம், தரும-அதர்மம் பார்க்காமல் பாவ-புண்ணியங்களையே பார்த்து வாழ்தல் போதும் என்ற புனித மனம் பெற்ற பேறு.
3. தன்னிடமே பரம்பொருள் உள்ளதை உணர்ந்தமையின் பிறரையும் அவ்வாறே உணர வைக்கும் முயற்சியில் ஈடுபடுதல்
4. யாதும் ஊரே யாவரும் கேளிர் என்னும் கருத்தில் ஏற்புடைமை.
5. மானுடம் யாவையும் உயர்வு -தாழ்வு -சமம் என்பதில்லாமல், ஒவ்வொருவருக்கும் தனித்தன்மை உண்டு என்பதில் அதீத ஈடுபாடு.

by Ramalingam K Fri Sep 09, 2016 9:37 pm

வணக்கம் அம்மா!

தங்களின் வரவேற்பு நெஞ்சை நெகிழ்விக்கிறது அன்பு குழந்தாய்!

ஈகரை வலைதளத்தில் இணைந்து நாம் நம் இன்பத் தமிழ் வளர்ப்போம்.

கூடவே உண்மைஞானமும் தெளிவோம்.

by Ramalingam K Fri Sep 09, 2016 9:58 pm

ஈகரை வலைதள தமிழ் உறவுகளால் ஏனோ ஆழ்மனக் கிளர்ச்சி உந்துவிக்கப்பெற்று உண்மைப் புலகாங்கித உணர்வு என் வாழ்வில் முதல் அனுபவமாகிறது. ஆனந்தப் பரவசம் ஒருவேளை இது தானோ. ஏனோ தமிழை முதன் முதலாகக் கேட்பதுபோலும் இருக்கும் உண்மையை எப்படி உரைப்பது!

by **ஜாஹீதாபானு** Sat Sep 10, 2016 6:04 pm

Ramalingam K wrote:வணக்கம் அம்மா!

தங்களின் வரவேற்பு நெஞ்சை நெகிழ்விக்கிறது அன்பு குழந்தாய்!

ஈகரை வலைதளத்தில் இணைந்து நாம் நம் இன்பத் தமிழ் வளர்ப்போம்.

கூடவே உண்மைஞானமும் தெளிவோம்.

[You must be registered and logged in to see this link.]

அம்மா என சொல்றிங்க . குழந்தாய் என்றும் சொல்றிங்க நான் எதில் சேர்த்தி .

by ChitraGanesan Sat Sep 10, 2016 6:32 pm

[You must be registered and logged in to see this image.]

by Ramalingam K Sat Sep 10, 2016 8:14 pm

குழந்தையையும் அம்மா என்று அழைத்து மகிழ்வது நம் தமிழ் மரபு. குழந்தையும் பிற்காலத்தில் அம்மா ஆகும் என்பதாலும், அம்மாவைப்போன்றே குழந்தையும் தற்காலத்தில் அதே ஆனந்தத்தைத் தருவதாலும் அம்மாவும் குழைந்தையும் ஒன்றே.

குழைந்தையும் தெய்வமும் ஒன்று.
அதேபோல் அம்மாவும் தெய்வமும் ஒன்றே.
ஆகையால் குழைந்தையும் அம்மாவும் ஒன்றே
(துயரத்தை மறப்பதில் பிழையை மன்னிப்பதில்).

உருவ வளர்ச்சியிலோ வயதிலோ வித்தியாசம் காண்பது அறியாமை. மனத்தால் மகிழ்வது அறிவுடைமை தாயே!

ஆனால் இவ்வாறான விளிப்பு ஆண்களுக்குக் கிடையாது. அது பெண்மைக்கே உரியது. ஏனெனில் பெண் ஒரு தியாகி; பெண் ஒரு தெய்வம்; பெண்மை ஒரு தெய்வீகம். தெய்வத்தை எப்படியும் அழைக்கலாமே!

அழைப்பின் பொருள் நிறைவாகிறதா! அம்மா! குழைந்தாய்!