அடுத்த ஒலிம்பிக்கில் 20 பதக்கங்கள்: அமைச்சர் பாண்டியராஜன் நம்பிக்கை

**ayyasamy ram** · **ayyasamy ram** Thu Sep 01, 2016 12:11 pm

-
அடுத்த ஒலிம்பிக் போட்டியில் தமிழக வீரர்கள் 24 பேர் பங்கேற்று, 20 பதக்கங்களை வெல்வார்கள் என பள்ளிக்கல்வி-விளையாட்டு, இளைஞர் நலத் துறை அமைச்சர் மாஃபா கே.பாண்டியராஜன் நம்பிக்கை தெரிவித்தார்.

சட்டப் பேரவையில் இந்து சமய அறநிலையம், தமிழ் வளர்ச்சித் துறை மானியக் கோரிக்கை மீதான விவாதத்தில் காங்கிரஸ் உறுப்பினர் எச்.வசந்தகுமார் புதன்கிழமை பேசினார். அப்போது, விளையாட்டு நகரத் திட்டத்தைச் செயல்படுத்த வேண்டுமென அவர் கோரிக்கை விடுத்தார்.

இதற்கு அமைச்சர் கே.பாண்டியராஜன் அளித்த விளக்கம்: விளையாட்டு நகரத் திட்டத்தை விட பன்மடங்கு உட்கட்டமைப்பு வசதிகளைக் கொண்டதாக விளையாட்டு பல்கலைக்கழகம் உருவாக்கப்பட்டுள்ளது.

சிறப்பான விளையாட்டு வீரர்களை உருவாக்க 10 விளையாட்டு வீரர்-வீராங்கனைகள் தேர்வு செய்யப்பட்டு அவர்களுக்கு உலகத்தரத்திலான பயிற்சி அளிக்க ஆண்டுக்கு ரூ.25 லட்சம் ஒதுக்கப்படுகிறது. மேலும், தமிழ்நாடு விளையாட்டு மேம்பாட்டு ஆணையத்துக்கு ரூ.104 கோடி ஒதுக்கப்பட்டுள்ளது.

இது, கடந்த திமுக ஆட்சியைவிட மூன்று மடங்கு அதிகமாகும். இப்போது நடந்த ஒலிம்பிக் போட்டியில் தமிழகத்தில் இருந்து எட்டு பேர் மட்டுமே கலந்து கொண்டனர்.

அடுத்து ஒலிம்பிக் போட்டி நடைபெறும் போது முதல்வர் ஜெயலலிதா தலைமையிலான ஆட்சியே இருக்கும். அப்போது, தமிழகத்தில் இருந்து 24 வீரர்கள் அனுப்பி வைக்கப்படுவர். அவர்கள் 20 பதக்கங்களையாவது பெற்று வருவார்கள். இதற்கான செயல் திட்டம் வகுக்கப்படும் என்றார் பாண்டியராஜன்.
-
-------------------------------
தினமணி

பாலாஜி · பாலாஜி Thu Sep 01, 2016 12:48 pm

இதெல்லாம் ஒரு விசயமா ...விடுங்க தலீவரே விரைவில் அம்மா ஒலிம்பிக் நடத்தி அனைத்து பதக்கமும் வெல்வோம்

**T.N.Balasubramanian** · **T.N.Balasubramanian** Thu Sep 01, 2016 1:13 pm

மெடல்களை பெற வாழ்த்துகள்.

முறையாக பயிற்சி தந்து ,ஊக்கப் படுத்தினால் ,நிச்சயம் வெற்றி .

ரமணியன்

Sponsored content · Sponsored content

அடுத்த ஒலிம்பிக்கில் 20 பதக்கங்கள்: அமைச்சர் பாண்டியராஜன் நம்பிக்கை

அடுத்த ஒலிம்பிக்கில் 20 பதக்கங்கள்: அமைச்சர் பாண்டியராஜன் நம்பிக்கை

Re: அடுத்த ஒலிம்பிக்கில் 20 பதக்கங்கள்: அமைச்சர் பாண்டியராஜன் நம்பிக்கை

Re: அடுத்த ஒலிம்பிக்கில் 20 பதக்கங்கள்: அமைச்சர் பாண்டியராஜன் நம்பிக்கை

Re: அடுத்த ஒலிம்பிக்கில் 20 பதக்கங்கள்: அமைச்சர் பாண்டியராஜன் நம்பிக்கை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக