கடல் நுரையால் அமைந்த கணபதி

ஈகரை தமிழ் களஞ்சியம் :: ஆன்மீகம் :: இந்து

Page 1 of 1 •

கடல் நுரையால் அமைந்த கணபதி

#1220584

ayyasamy ram
வழிநடத்துனர்: பதிவுகள் : 84138
இணைந்தது : 30/09/2013

Post ayyasamy ram Thu Sep 01, 2016 6:12 am

கடல் நுரையால் அமைந்த கணபதி SIHKY5AiRMmrBdbzfRrI+E_1472462214

-
கல்லால் அமைந்த விநாயகர், மரத்தால் அமைந்த விநாயகர்,
சுதையால், உலோகத்தால் அமைக்கப்பட்ட விநாயகரை
பார்த்திருப்போம்.

கடல் நுரையால் செய்யப்பட்ட விநாயகர் திருவுருவை
எங்கேனும் கண்டதுண்டா?

அப்படி ஒரு விநாயகர் இருக்கிறாரா? இருக்கிறார்! இருக்கிறார்!

திருவலஞ்சுழி திருத்தலத்தில் தந்தையின் நிழலில் அமர்ந்து
அருளாட்சி செய்து வருகிறார். கபர்தீஸ்வரர் எனும் பெயரில்
இங்கே ஈசன் இருக்க, அவருக்கு முன்புறமாக பெரிய
பிராகாரத்தினுள் தனிக்கோயில் கொண்டு, தந்தையை முந்திக்
கொண்டு இந்தத் தனயன் பக்தர்களை எல்லாம் தன் பக்கம்
ஈர்த்து விடுகிறார்.

அதனாலேயே இது சிவன் கோயிலாக அறியப்படாமல் விநாயகர்
கோயிலாகவே வெளியுலகம் அறிந்திருக்கிறது.

அண்டி வரும் அன்பர்களுக்கெல்லாம் இன்பநிலை எய்திட அருள்
செய்யும். இந்த விநாயகருக்கு ‘சுவேத (ஸ்வேத) விநாயகர்’ என்று
பெயர். தமிழில் வௌ்ளை வாரணர்.

அளவில் சிறியவர்தான் ‘மூர்த்தி சிறிது. கீர்த்தி பெரிது’ என்பது
இவரைப் பார்த்த பிறகு, சொன்னவர்களின் சொலவடைதான்
போலும், இவரக்கு அபிஷேகம் கிடையாது. பச்சைக் கற்பூரம்
சாத்துவது மட்டுமே உள்ளது.

காவிரியின் தென்கரை தேவாரத் தலங்களுள் இது 25வது தலம்.
கும்பகோணத்தின் மேற்கு வாயில் எல்லைகளான இரு கிளை
ஆறுகளின் கரைகளில் முருகப்பெருமானுக்கு ஒரு கரையிலும்
(சுவாமிமலை), விநாயகப் பெருமானுக்கு ஒரு கரையிலும்
(திருவலஞ்சுழி) ஆலயங்கள்!
–
————————————————

மறுமொழி எழுத நீங்கள் உறுப்பினராக இருக்க வேண்டும்..

ஈகரையில் புதிய பதிவு எழுத அல்லது மறுமொழியிட உறுப்பினராக இணைந்திருத்தல் அவசியம்

உறுப்பினராக பதிவு செய்க

ஈகரையில் உறுப்பினராக இணைவது மிக எளிது

பதிவு செய்ய

உள்நுழைக

ஏற்கனவே பதிவு செய்துள்ளீர்களா? இங்கு இணையுங்கள்.

உள்நுழைக

ஈகரை தமிழ் களஞ்சியம் :: ஆன்மீகம் :: இந்து

Page 1 of 1