ஐ.நா. நல்லெண்ண தூதரானார் ஐஸ்வர்யா தனுஷ்

**ayyasamy ram** · **ayyasamy ram** Tue Aug 30, 2016 9:40 pm

--

திரைப்பட இயக்குநரான ஐஸ்வர்யா தனுஷ் பெண்கள் முன்னேற்றம் மற்றும் அவர்களின் வளர்ச்சிக்கான ஐக்கிய உலக நாடுகளின் இந்தியாவிற்கான தூதுவராக நியமிக்கப்பட்டுள்ளார்.

ஐ.நா. நல்லெண்ணத் தூதராக நியமிக்கப்பட்டுள்ள ஐஸ்வர்யா தனுஷ், இதன் மூலம் பெண்களுக்கான சம உரிமை மற்றும் அவர்களின் முன்னேற்றம் பற்றிய விழிப்புணர்வை இந்தியா முழுவதும் உள்ள மக்களுக்கு எடுத்துக் கூறுவார். ஆண், பெண் இருபாலருக்கும் சமமான உலகை வரும் 2030-ஆம் ஆண்டுக்குள் உருவாக்குவதுதான் இதன் நோக்கமாகும். இதற்கு "பிளானட் 50-50' எனப் பெயரிடப்பட்டுள்ளது.

இது குறித்து ஐஸ்வர்யா தனுஷ் கூறியதாவது:

உலக நாடுகளின் பெண்களுக்கான அமைப்பின் இந்திய தூதுவராக இருந்து பெண்களுக்கான சம உரிமை மற்றும் அவர்களுக்கான முன்னேற்றத்திற்க்காக வேலை செய்வது எனக்கு பெருமை அளிக்கிறது. பொது, தனியார் இடங்களில் பெண்களுக்கான பாதுகாப்பு, அரசியலில் பங்கேற்றல், நிர்வாக ரீதியான முக்கிய இடங்களில் முடிவெடுப்பதற்கான உரிமையைப் பெறுதல்தான் பெண்களுக்கான சம உரிமை மற்றும் அவர்களின் முன்னேற்றத்துக்கான முதல் படியாக இருக்கும் என நான் நினைக்கிறேன். என்னுடைய இந்த பதவியில் இருந்து பெண்களுக்கான முன்னேற்றத்திற்காக நான் எல்லாவித சவால்களையும் எதிர்கொள்ளத் தயாராக இருக்கிறேன் என்றார் ஐஸ்வர்யா.

இது குறித்து ஐஸ்வர்யாவின் தந்தை நடிகர் ரஜினிகாந்த் கூறுகையில், எனது மகள் ஐஸ்வர்யா ஐ.நா. அமைப்புடன் இணைந்து பெண்களுக்கான சம உரிமைக்காகப் பணியாற்றுவது பெருமையாக உள்ளது. இது தொடர்பாக அவர் நிறைவேற்றும் பணிகளுக்கு நான் ஆதரவாக இருப்பேன்.

சம உரிமை என்பது பெண்களுக்கான ஒரு பிரச்சனை மட்டும் அல்ல. அவர்களது சம உரிமைக்காக நாம் அனைவரும் போராட வேண்டும். பெண்களுக்கு எதிரான வன்கொடுமை நிறுத்தப்பட வேண்டும் என்றார் ரஜினிகாந்த்.

தினமணி

**ராஜா** · **ராஜா** Wed Aug 31, 2016 11:38 am

வாழ்த்துக்கள் , ஆனால் என்னத்தை பண்ணிட்டாருன்னு இவருக்கு இந்த பதவி.

பாலாஜி · பாலாஜி Wed Aug 31, 2016 12:10 pm

ராஜா wrote:வாழ்த்துக்கள் , ஆனால் என்னத்தை பண்ணிட்டாருன்னு இவருக்கு இந்த பதவி.

மேற்கோள் செய்த பதிவு: 1220507

ஆமோதித்தல்

GunasekarenS · GunasekarenS Wed Aug 31, 2016 7:12 pm

பணம் பாதாளம் வரை பாயும்.
இவர்களுக்கு சினிமா படம் வெளியாகும் போது வரி விளக்கு அளிக்க வேண்டும். ஒவ்வொரு துளி வியர்வைக்கும் ஒரு பவுன் தங்க காசு தர வேண்டும். மக்கள் என்ற பெயரை இவர்கள் கேட்கக்கூடாது.
எவ்வளவு பணம் வேண்டுமோ, அவ்வளவையும் பெற்றுக்கொள்ள வேண்டும். மழை வெள்ளம் என்று வந்தால் 10 லட்சம் நடிகர் சங்கத்திற்கு டிப்ஸ் தரவேண்டுமே என்று புலம்பிக்கொண்டு இருப்பார்கள்.
தமிழன் என்று யாரும் இவர்களிடம் சொல்லக்கூடாது.
இந்த தகுதிகள் போதும் போல இருக்கு.

Sponsored content · Sponsored content

ஐ.நா. நல்லெண்ண தூதரானார் ஐஸ்வர்யா தனுஷ்

ஐ.நா. நல்லெண்ண தூதரானார் ஐஸ்வர்யா தனுஷ்

Re: ஐ.நா. நல்லெண்ண தூதரானார் ஐஸ்வர்யா தனுஷ்

Re: ஐ.நா. நல்லெண்ண தூதரானார் ஐஸ்வர்யா தனுஷ்

Re: ஐ.நா. நல்லெண்ண தூதரானார் ஐஸ்வர்யா தனுஷ்

Re: ஐ.நா. நல்லெண்ண தூதரானார் ஐஸ்வர்யா தனுஷ்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக