வி.ஏ.ஒ.க்கு லஞ்சம் கொடுக்க பிச்சை எடுத்த சிறுவன்

---
விழுப்புரம்:
தந்தையின் இறப்பு உதவித்தொகை பெறுவதற்காக,
வி.ஏ.ஒ. லஞ்சம் கேட்டதால் இறந்தவரின் மகன் பொது
மக்களிடம் பிச்சை எடுத்த சம்பவம்
உளுந்தூர்பேட்டையில் பெரும் பரபரப்பை ஏற்படுத்தி
உள்ளது.

விழுப்புரம் மாவட்டம், உளுந்தூர்பேட்டை அருகேயுள்ள
ம.குன்னத்தூர் கிராமத்தைச் சேர்ந்தவர் கொளஞ்சி.
இவர் கடந்தாண்டு உடல் நலக் குறைவால் இறந்து
விட்டார்.

கொளஞ்சியின் மனைவி விஜயா தனது மகன்கள்
ஐயப்பன், அஜித்குமார், மகள் அனுசுயா ஆகியோருடன்
ம.குன்னத்தூர் கிராமத்தில் வசித்து வந்தார்.

கூலி வேலை செய்து தனது பிள்ளைகளை வளர்த்து
வந்த விஜயாவுக்கு, தமிழக அரசின் சார்பில் குடும்பத்
தலைவர் உயிரிழந்தால் வழங்கப்படும் உதவித்
தொகை ரூ.12,500 வந்துள்ளது. அதைப் பெற வந்த
கொளஞ்சியின் மகன் அஜித்குமாரிடம், உதவித்தொகை
கிடைக்க வேண்டும் என்றால், எனக்கு ரூ.3,000 லஞ்சம்
கொடுக்க வேண்டும் என்று ம.குன்னத்தூர் வி.ஏ.ஓ.
கேட்டதாக கூறப்படுகிறது.

மேலும், நீங்கள் கேட்கும் பணத்தை தர என்னிடம் பணம்
இல்லை என சிறுவன் அஜித்குமார் கூறி இருக்கிறார்.
பணம் கொடுத்தால் மட்டுமே உதவித்தொகையை பெற
முடியும் என்று வி.ஏ.ஒ கண்டிப்புடன் கூறியதாகவும்
கூறப்படுகிறது.

இதனால் மனமுடைந்த சிறுவன் அஜித்குமார்,
ம.குன்னத்தூர் கிராமத்தில் உள்ள கடை வீதி, பேருந்து
நிறுத்தம் உள்ளிட்ட இடங்களில், ''என் அப்பாவின் ஈம
சடங்கிற்கு வாங்கிய கடனை அடைக்க வக்கு இல்லை.
என்னிடம் அப்பா இறப்பிற்கு வந்த ரூ.12,500 தருவதற்கு
மூன்றாயிரம் ரூபாய் கேட்கிறார் ம.குன்னத்தூர் வி.ஏ.ஓ."
என்ற வாசகம் அடங்கிய பேனரை கையில் ஏந்தியபடி,
பொதுமக்களிடம் பிச்சை கேட்டார்.

இந்த சம்பவம் அப்பகுதியில் பெரும் பரபரப்பை
ஏற்படுத்தியது. சம்பவம் குறித்து தகவல் அறிந்த
உளுந்துார்பேட்டை தாசில்தார் ராஜேந்திரன் விஜயா
குடும்பத்தினரிடம் விசாரணை நடத்தினார்.

இதையடுத்து, லஞ்சம் கேட்ட ம.குன்னத்துார் வி.ஏ.ஒ.
சுப்பிரமணியன் சஸ்பெண்ட் செய்யப்பட்டார்.
-
-----------------------------------
தினமலர்

வேறொரு செய்தியும் TV இல் கூறினார்கள் .
விஜயாவிற்கு உடனடியாய் கொடுக்கப்படவேண்டிய 5000/- பணம் கொடுக்கப் பட்டுவிட்டது .
மீதி பணம் விஜயாதான் பெறுவதற்கு அப்பீல் செய்யவேண்டும் .
மைனர் சிறுவனுக்கு கொடுக்க படமாட்டாது .அதை பெறுவதற்கு உரிமை இல்லை .
வேறு யாரோ அதை தவறாக பெறுவதற்காக சிறுவனை கருவியாய் உபயோகப்படுத்துகிறார்கள் .

எந்த புற்றில் எந்த பாம்போ !

ரமணியன்

அரசு வேலை பொது மக்களின் சேவைக்காக ஏற்படுத்தப்பட்டது. மக்களின் பணம் வரி என்ற பெயரில் வசூல் செய்யப்பட்டு, சம்பளமாக தரப்படுகிறது. அரசு வேலை என்று ஆலாய் பறந்து வேளையில் சேர்ந்து, சம்பளம் வாங்கிக்கொண்டு வேலை செய்யாமல் பொது மக்களிடம் பணம் வாங்கிக்கொண்டு கொள்ளை அடிக்கிறார்கள். இந்த கொள்ளையை எப்படி தடுத்து நிறுத்துவது. இது ஒரு சிறிய இலை மட்டுமே. கிளை, மரம், தண்டு, ஆணி வேர் என்று இன்னும் உள்ளது. வி.எ.ஓ. சஸ்பெண்ட் என்பது என்ன நடவடிக்கை, ஏன் டிஸ்மிஸ் செய்யவில்லை. காரணம் மேல் அதிகாரிகள் அதே வேலை செய்கிறார்கள். சில நாட்கள் கடந்த பிறகு வி.எ.ஓ. மீண்டும் பணியில் சேர்வர், பணி தொடரும்!!!
விட்டு கொடுப்பவன் கேட்டு போவதில்லை? இப்படியே உசுப்பேத்தி... ரணகளமாக மாற்றி மக்களை ஏமாற்றி அரசு நடக்கிறது!!!