பசுவை ஓட்டிச்செல்

by **ayyasamy ram** Tue Aug 30, 2016 10:38 am

கோவிந்தன் என்னும் அரசு அலுவலர் ஒருவர் வசித்து வந்தார்.
அவருடைய வீட்டிற்கு அடுத்த வீட்டில் புலவர் ஒருவர் இருந்தார்.
இருவருக்கும் சிறுபகை. பேசுவதில்லை.

ஒருநாள், அலுவலர் கோவிந்தனுடைய பசு
புலவருடைய தோட்டத்தில் புகுந்து மேய்ந்தது. புலவர் அதைப்
பிடித்துக் கட்டி வைத்தார்.

கோவிந்தனுடைய வேலையாள் பசுவை ஒட்டிவரச் சென்ற
போது,புலவர் அதைவிட மறுத்து விட்டார்.

சிறிது நேரத்திற்குப்பின்,
பசுவை அவிழ்த்துக் கொண்டு கோவிந்தன் வீட்டு வாசலுக்குச்
சென்று, கோவிந்தா, கோவிந்தா’ என்று கூப்பிட்டாள் புலவர்.

எதிர் வீட்டுக்காரர்கள், அரசு அலுவலரை,
புலவர் பெயர் சொல்லி கூப்பிடலாமா?’ என்றனர்.

‘நான் அவர் பெயரைச் சொல்லிக் கூப்பிட வில்ல்ையே!”
கோ – பசு, இந்தா – ஒட்டிச் செல்’’ என்று தானே சொன்னேன்.
இதில் என்ன தவறு?’’ என்றார். * எதிர் வீட்டாரும், கோவிந்தனும்
புலவருடைய அறிவுத் திறனைப் பாராட்டினர்.
–
————————————————

படித்ததில் பிடித்தது