அஜந்தா ஓவியங்கள்

-
பழங்காலத்தில் இந்தியாவின் பல பகுதிகளில் பாறைகளைக் குடைந்து கோயில்களை அமைத்திருக்கிறார்கள். இவற்றுக்குக் குகைக் கோயில்கள் என்று பெயர். சில குகைக் கோயில்களில் அழகான சிற்பங்கள் செதுக்கப்பட்டுள்ளன. உளியையும் சுத்தியலையும் மட்டுமே கொண்டு அவை செதுக்கப்பட்டுள்ளன.

உட்புறம் உள்ள சுவர்களில் கண்ணைக் கவரும் வண்ண ஓவியங்களும் தீட்டப்பட்டுள்ளன. அந்த ஓவியங்கள் பல நூற்றாண்டுகள் ஆகியும்கூட இன்னும் அழியாமல் இருக்கின்றன.

மகாராஷ்டிரத்தில் ஒüரங்காபாத்துக்கு 65 மைல் தொலைவில் அஜந்தா என்னும் ஓர் ஊர் இருக்கிறது. இதற்கு ஏறத்தாழ இரண்டு மைல் தொலைவில் சில குன்றுகள் இருக்கின்றன. இவற்றின் சரிவுகளில் சில குகைகள் உள்ளன. இவை உலகப் புகழ் பெற்றவை. இவை ஆயிரம் ஆண்டுகளுக்கு முன்பு பெüத்தர்களால் குடையப்பட்டவை. இங்கு மொத்தம் 29 குகைகள் இருக்கின்றன.

இக்கோயில்களின் உள் சுவர்களில் அழகிய சுதை ஓவியங்கள் தீட்டப்பட்டுள்ளன. சுண்ணாம்புச் சாந்தை சுவர்மேல் பூசி, அது ஈரமாக இருக்கும்போதே அதன் மேல் ஓவியம் தீட்டியுள்ளனர். அதனால்தான் ஆயிரம் ஆண்டுகளுக்கு மேல் ஆகியும் இந்த ஓவியங்கள் மறையவில்லை. புத்தரின் வாழ்க்கை நிகழ்ச்சிகளையே இங்கு ஓவியங்களாகத் தீட்டியிருக்கிறார்கள். குகைகளில் அழகிய புத்தர் சிலைகளையும் காணலாம்.

முதல் குகையில் உள்ள போதிசத்துவர் ஓவியம் உலகப் புகழ் பெற்றது. இதில் ஒளியும் இருளும் கலந்துள்ளதைப்போன்ற ஒரு தோற்றம் அமைந்துள்ளது.

மேலும் பல வகையான காட்சிகளைக் காட்டும் ஓவியங்களும் இக்குகைகளில் தீட்டப்பட்டுள்ளன. எழில் மிக்க சிற்பங்களும், ஓவியங்களும் கொண்ட அஜந்தா, இந்தியாவின் பண்டைய கலைத் திறமைக்குச் சிறந்த எடுத்துக்காட்டாக விளங்குகிறது.

சிறுவர் மணி

புதுக்கோட்டை சித்தன்னவாசல் மலைக்குகைகளிலும் சித்திரங்கள் இருக்கின்றன .
எண்ணிக்கையில் அஜந்தாவை போலில்லாமல் 10 க்கும் குறைவாகவே சித்திரங்கள் இருக்கின்றன .
அவைகள் சரியாக பராமரிக்கப்படுகின்றனவா என்பது கேள்விக்குறியே !

ரமணியன்