கடலாக மாறிய வகுப்பறை

**ayyasamy ram** · **ayyasamy ram** Mon Aug 29, 2016 3:14 pm

–
வகுப்பறையில் கடலைக் கொண்டு வந்திருந்தேன்
ஒரு குழந்தை தான் வைத்திருந்த மீன்களை
கடலில்
நீந்தவிட்டாள்
–
மற்றொரு குழந்தை கப்பல் செய்து மிதக்கவிட்டு
அதில் அமர்ந்து உலகை வலம் வரப்போவதாகப்
பயணிக்கத் தொடங்கியது
–
இன்னொரு குழந்தை திமிங்கிலத்தின் மீது
தாவி ஏறி அமர்ந்து
கடலின் அடியில் இருப்பதை ரசிக்கப் போனாள்
–
தன் கால்களை நனைக்க முடியுமாவென அலையிடம்
போட்டியிட்டு ஆட்டம் காட்டினான் ஒரு குழந்தை
–
வகுப்பறையின் கடைசியில் அமர்ந்திருந்த குழந்தை
தாமதமாக வந்து கடற்கரையை ரசித்துக் கொண்டிருந்தது
–
இப்படி எல்லா குழந்தைகளும் கடல் சார்ந்து இருக்க…
கடலை வகுப்பறைக்கு கொண்டு வந்த ஆசிரியருக்கு
மெமோ கொடுத்தும்
கடலாக மாறி இருந்த வகுப்பறை ஒழுங்கினம் என்றும்
கடலில் விளையாடும் குழந்தைகள் உருப்படாத
வானரங்கள் என்றும் புரம் பேசினார்கள்
–
வகுப்பறைகளை என்றும் சிறைச்சாலையாக
வைத்திருப்பவர்கள்
–
————————————
மதுரை சரவணன்
கல்கி

**T.N.Balasubramanian** · **T.N.Balasubramanian** Mon Aug 29, 2016 4:10 pm

சிறை காவலாளிகள் .

ரமணியன்

கடலாக மாறிய வகுப்பறை

கடலாக மாறிய வகுப்பறை

Re: கடலாக மாறிய வகுப்பறை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக