ஏடிஎம் இயந்திரம் உடைத்து ரூ.6.08 லட்சம் திருட்டு

**ayyasamy ram** · **ayyasamy ram** Sun Aug 28, 2016 7:19 am

வேலூர் அருகே தேசிய நெடுஞ்சாலையோரம் உள்ள தனியார் ஏடிஎம் இயந்திரத்தை உடைத்து ரூ.6.08 லட்சம் ரொக்கம் திருடப்பட்டது சனிக்கிழமை தெரியவந்தது.

வேலூர்-பெங்களூரு தேசிய நெடுஞ்சாலையில் மேல்மொணவூர் பகுதியில் தனியார் வங்கிக்குச் சொந்தமான ஏடிஎம் மையம் உள்ளது. காவலாளி இல்லாத இந்த மையத்தினுள் புகுந்த மர்ம கும்பல் கியாஸ் வெல்டிங் மூலம் இயந்திரத்தை உடைத்து அதிலிருந்த ரூ.6.08 லட்சத்தை திருடிச் சென்றது சனிக்கிழமை காலை தெரியவந்தது.

தகவலறிந்த மாவட்டக் காவல் கண்காணிப்பாளர் ப.பகலவன், காவல் துணைக் கண்காணிப்பாளர் ஆரோக்கியம் ஆகியோர் நேரில் பார்வையிட்டார். சம்பவ இடத்துக்குச் சென்ற கைரேகை நிபுணர்கள் தடயங்களை சேகரித்தனர்.

விரிஞ்சிபுரம் போலீஸôர் வழக்குப் பதிவு செய்து, ஏடிஎம் மையத்தில் உள்ள சிசிடிவி கேமிராவில் பதிவானவை வைத்து விசாரணை நடத்தி வருகின்றனர்.

இதுகுறித்து மாவட்டக் காவல் கண்காணிப்பாளர் ப.பகலவன் கூறியது: கியாஸ் வெல்டிங் மூலம் கொள்ளையில் ஈடுபட்ட குற்றவாளிகள் விவரம் சேகரிக்கப்பட்டு விசாரணை துரிதப்படுத்தப்படும் என்றார்.
-
தினமணி

**T.N.Balasubramanian** · **T.N.Balasubramanian** Sun Aug 28, 2016 12:53 pm

பணம் பணம் பணம்
எப்பிடியாவது பெறுவதற்கு ஆயிரம் வழிகள் !
ஓடும் ரயிலிலும் கொள்ளை
ஓடாத ATM லும் கொள்ளை .
பணப் பட்டுவாடாவை நிறுத்தி ,ஒரு ரூபாய்க்கு விக்ஸ் டாப்லெட் வாங்கினாலும்
கார்டுதான் உபயோகப்படுத்தவேண்டும் என்ற சட்டம் வந்தால்தான் நாடு இதுமாதிரி கொள்ளைகளில்
இருந்து விடுபடும் .அனாவசியமாக ரூபாய் நோட்டுகளை தயாரிக்கவும் வேண்டாம் . கள்ள நோட்டு உலாவலையும் தடுத்த நிறுத்தமுடியும் என நினைக்கிறேன் .

புதிய ரிசர்வ் பேங்க் கவர்னர் கவனிப்பாராக .
ரமணியன்

ஏடிஎம் இயந்திரம் உடைத்து ரூ.6.08 லட்சம் திருட்டு

ஏடிஎம் இயந்திரம் உடைத்து ரூ.6.08 லட்சம் திருட்டு

Re: ஏடிஎம் இயந்திரம் உடைத்து ரூ.6.08 லட்சம் திருட்டு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக