நீண்ட இடைவெளிக்கு அப்புறம்

by **attacrc** Sat Aug 27, 2016 9:13 pm

வணக்கம் நீண்ட இடைவெளிக்கு அப்புறம் சந்திப்பு 18w let பல்புக்கும் 18wடீப் லைட்டுக்கும் என்ன வித்தியாசம் எப்படி மின்சாரம் குறைவாக வரும் யாரவது விளக்கம் தாருங்கள்

by **விமந்தனி** Sat Aug 27, 2016 9:49 pm

choke இருக்கும் பட்சத்தில் இரண்டுக்கும் உள்ள வித்தியாசம் அது தான். Tube லைட் டில் சோக் உபயோகப்படுத்துகிறோம். LED யில் அது இல்லை. ஆகவே ஒரே Watts ஆக இருந்தாலும் மின்சாரம்
tube lightடை விட LED யில் குறைவாகவே ஆகும்.

சாதா choke கை விட எலெக்ட்ரானிக் choke better.
அதை விட led best.

by **attacrc** Sat Aug 27, 2016 9:57 pm

நன்றி

by Guest Sun Aug 28, 2016 3:28 pm

மேலதிக தகவல்............

LED- light-emitting diode விளக்குகள் பல டயோடுகள் ஒன்று சேர்த்து பயன்படுத்தப்படுகின்றன. டியுப் விளக்கில் ஒரு வாட்டில் கொடுப்பதை விட லெட் விளக்கில் 300 லுமென்-lumens -
அதிகமாக கொடுக்கிறது. இதனால் குறைவான மின்சக்தியில் புளொரசண்ட் விளக்கைப் போல் ஒளியை லெட் விளக்கு தருகிறது.டயோட்டிற்கு குறைந்த மின்சக்தி போதுமானதாகும்.

உதாரணமாக 60 W குண்டு பல்ப் எடுத்தால்- கலோகென் விளக்கு 23w குறைவாக 43W ஐயும்,புளொரசண்ட் டியுப் விளக்கு 13/15W ஐயும் ,லெட் விளக்கு 7/10W ஐயும் எடுக்கும்.சாதாரண புளொரசண்ட் -டியுப் விளக்கில் மேலே சொல்லப்பட்டது போல் சோக்-ஸ்டாட்டெரும் இருக்கும்.இது மாற்றமடைந்து எலெக்ட்ரானிக் choke (Ballast) உம் இருக்கிறது.இந்த முறை மாறி மினி புளொரசண்ட் விளக்குகள் Choke இல்லாமல் சாதாரண குண்டு விளக்கு போல் வருகிறது.

குண்டு விளக்கு -60/1000 = 0,06 kw , டியுப் விளக்கு - 15/1000 = 0,015kw. (¼ பங்கு குறைவாக எடுக்கும்) தயாரிப்பாளர்களைப் பொறுத்து 1-2 W வேறுபடலாம்.வெளிச்சம் பிரகாசம் பொறுத்தவரை 15W டியுப் விளக்கும் 7W லெட் விளக்கும் ஒன்றாகவே இருக்கும்.

புளொரசண்ட் டியுப் விளக்குகளில் சிறிது பாதரசம்,ஆர்கன்,பொஸ்பர் சேர்ந்திருப்பதால் பாதரச ஆவி வளிமண்டலத்தில் கலந்து சுற்றுச் சூழலுக்கு ஆபத்தாக இருக்கிறது.பாதரச ஆவியின் ஊடாக மின்சாரம் பாய்ச்சப்படுவதால், அவை புற ஊதாக்கதிர்களை உருவாக்கி அந்த விளக்கின் உள்ளே பூசப்பட்டிருக்கும் பாஸ்பரால் ஈர்க்கப்பட்டு, அதை பிரகாசிக்கச் செய்கிறது. குண்டு விளக்கு அதிக வெப்பத்தையும் டியுப் விளக்கு குறைந்த வெப்பத்தையும், லெட் விளக்கு இல்லை எனச் சொல்லும் அளவிற்கு குறைந்த வெப்பத்தையும் எடுக்கும்.

குண்டு விளக்குகள் எடிசன் அமைப்பில் நேரடியாக மின் பாச்சப்படுகிறது. லெட் விளக்குகள்
டயோடுகள் காரணமாக மிகக் குறைந்த மின்சக்தியை எடுக்கிறது.

உழைப்பைப் பொறுத்தவரை லெட் விளக்கு 25,000 மணி நேரமும்,டியுப் 10,000மணி,கலொகன் 1000 மணி ஆகவும் இருக்கும். ஆனால் லெட் விளக்கு சிறிது அதிக விலையாக இருக்கிறது.